من غشنا ليس منا

[الخطاف]

قصيده مجالس وننتظر الرد عليها من الشاعر جبرني الوقت
البدع

يا ناس ياللي خلطتوا ماء قراح ن وماء شين=
وتبايعونه في الأسواق جمله وفرقا=
خافوا من الله ترى من غشنا ليس منا=
وحلفت ما دام لي مال ن من الله وهم مال=
ألا أني مااشري بضاعتهم ولو راعيوني=
ألا أني مااشري بضاعتهم ولو راعيوني=
وسلامتكم

[جبرني الوقت]

ابشر بالرد يا غالي ... وصح لسانك

الــــرد




انا بدرب الهوى قد كنت والزين ماشين=
لكن راعي الحَسَد سبّب مشاكل وفرقى

والزين عوّد مشى منّا وانا رحت منّا=
ياليته يشوف دمع العين ذا عاد همّال

علّه يحن ويسامح يوم يآرى عيوني=
علّه يحن ويسامح يوم يآرى عيوني

[سعيد عوض العمري]

الخطّاف & جبرني الوقت
إبداع في البدع وكذا الردّ
وهذه المجاراة آمل ان
تقارب ما سطّرتماه من
إبداع وجمال ,,


البدع=
الحظ جامح وهبّت به رياح الخماسين=
ياليت يا حظي اتعاود وانا فيك برقى=
قبل المنايا تنوخ ابابنا وتخطفنّا=
واصير محمول من عقب الغنى وكنت جمّال=
يكفيك يا دنيتي همّ ٍ وحال ٍحنوني ((اي منحني ))=

&&&&&&&&&&&&&&&&&&&&&&&&&&&&&=
الرد =
يا زين باهديك من غالي الجواهر وماسين=
ما مثلها في حِلي العالم كمال ٍ وبرقى=
وانقش عليها اسمك الفتّان ويخطّ فنّا=
وانت الحلى زادها لبسك ونورك تجمّال=
عساك تبقى على طول المدى يا حنوني =

[الخطاف]

الشاعر/ جبرني الوقت
حياك الله في هذا المتصفح الذي أسعدني تواجدك فيه
وصح الله لسانك على هذا الرد الأكثر من رائع
والذي لا يستغرب من جبرني
لاهنت وبيض الله وجهك
مع فائق الحب و التقدير

[الخطاف]

الاخ العزيز سعيد بن عوض
شرفت المتصفح بحضورك الكريم ومجاراتك
فمرحباً ومسهلا ياغالي بوجودك
ولا هنت ولاهان بوحك ومرورك
وكل حرف سطرته هنا
اعتبره وسام على صدر متصفحي المتواضع
مع فائق شكري و تقديري لشخصك الكريم

[دكتور المنتدى]

قصيده مجالس وننتظر الرد عليها من الشاعر جبرني الوقت

البدع

يا ناس ياللي خلطتوا ماء قراح ن وماء شين=
وتبايعونه في الأسواق جمله وفرقا=
خافوا من الله ترى من غشنا ليس منا=
وحلفت ما دام لي مال ن من الله وهم مال=
ألا أني مااشري بضاعتهم ولو راعيوني=
ألا أني مااشري بضاعتهم ولو راعيوني=

وسلامتكم



الاخ العزيز الشاعر ....................الخطاف ........أهنيك على هذه الشاعرية ...........وتقبل مشاركتي



يابيض الله وجه الي كتب زين ماشين
وحط بين الهزل والجزل بون(ن)وفرقا
واقولها معترف بالفــضل لك ليس منا
بعد الدوى مالت اوهام وبلايا وهم مال
وجـف وادي المحبة بعد نــبع وعيوني
وجـــف وادي المحبة بعد نبع وعيوني


...................والمعذرة على التدخل بينك وبين .........الشاعر جبرني الوقت .........لكن أعجبني القاف ......... تحياتي للجميع

[الخطاف]

دكتور المنتدى
انت الاروع وحضورك الاجمل بارك الله فيك وفي ايامك
ومشكور على المجاراة ماقصرت يالحبيب بيض الله وجهك
مع التقدير