ماكثرك ياتفاح سوق تفاح....

[بدر الشمري]

أسوق تحياتي وسلامي وحترامي
لهذا الصرح واهله أدارتاً ومشرفين ومراقبين وأعضاء
ورفقها جديدي وتمنى أن يرضي ذائقتكم الراقيه
دمتو ودامت أذواقكم واقلامكم المميزه

مرتبي الذكرى على ماضين راح=مرور حلم الليل لعيون نايم
راحت تمشابي على وادي اجراح=فيه الشقى يعطي ضيوفه قسايم
قالت مطَول من زمن ونت مرتاح=اذكر قديمك ليش تنساه دايم
الله عليها طفت انوار الافراح=في صدر مبسوطن بدنياه هايم
كم حل من هماً وكم همً انزاح=ياشهورها ياسنينها يالقدايم
الوقت به ضيقات وفراح وتراح=لاكنها بالصبر تصغر عظايم
كم كلمةً تجرح من انسان مزاح=تعيش بعض انفوس منها سقايم
الروح طوَل صمتها وقت ماباح=تبني لصعبات العواصف دعايم
لبستها ياسكوتها تاج ووشاح=وخليتها تشيل حمله ركايم
لاكن ظلام الليل وراه الاصباح=تطير مع بزغة شروقه حمايم
العين ماشاقه ولا بارقن لاح=اغضها غض النظر عند صايم
ماكثرك ياتفاح في سوق تفاح=لولاك تفسد بين بايع وسايم
تصبح ضحية واحدن يبغى الارباح=ماهمته لو صفقته النسايم
خلاص من غصنه بعد ماستوى طاح=وفي وسط بستانه حصله ظلايم


تحياتي
!!
!!
!
بدر الشمري

[بن ظافر]

بارك الله فيك وصح لسانك يا الغالي

ماكثرك ياتفاح فـي سـوق تفـاح
لـولاك تفسـد بيـن بايـع وسايـم

تصبح ضحية واحدن يبغى الارباح
ماهمتـه لـو صفقـتـه النسـايـم

خلاص من غصنه بعد ماستوى طاح
وفي وسط بستانه حصلـه ظلايـم

[جبرني الوقت]

بدر الشمري

صح الله لسانك وطاب حالك ...

قصيدة جزله من شاعر جزل ...

اتمنى ان ارى جديدك هنا دائما ...

كل الود

[أبو مهند البجلي]

قصيدة رائعة من شاعر مبدع
صح لسانك اخ بدر وبارك الله فيك وتقبل مروري واعجابي

[سعيد عوض العمري]

الوقت به ضيقات وفراح وتراح=لاكنها بالصبر تصغر عظايم
كم كلمةً تجرح من انسان مزاح=تعيش بعض انفوس منها سقايم
الروح طوَل صمتها وقت ماباح=تبني لصعبات العواصف دعايم
لبستها ياسكوتها تاج ووشاح=وخليتها تشيل حمله ركايم
لاكن ظلام الليل وراه الاصباح=تطير مع بزغة شروقه حمايم
العين ماشاقه ولا بارقن لاح=اغضها غض النظر عند صايم
ماكثرك ياتفاح في سوق تفاح=لولاك تفسد بين بايع وسايم
تصبح ضحية واحدن يبغى الارباح=ماهمته لو صفقته النسايم
خلاص من غصنه بعد ماستوى طاح=وفي وسط بستانه حصله ظلايم




لله درّك يا بدر
قصيدة راقية وبها من الصور
الجمالية ما تطرب له الآذان
تحية طيبة يا غالي ,,