محاورة قلطة بشقر العرضة ( 2 )

[سيد الموقف]

يالله بالايـمان تســقي دارنا فـيـض سـيل
تـحـفـظ بها الـديـن من عرعر لنـجرانـها

----------------------

اشوف بعض العرب مغسول عقله غسيل
الـقـاز وده يــحــطــه فــوق نــيــرانــهـا

[الخطاف]

حياك الله ياسيد الموقف
هذا ردي واتمنى ان يرتقي الى مستوى البدع


يامرحبا بالعــدود اللي مياها سبيل=
الله محــلا مــراتعهـا ووديانهـا =
---------------------------------=
يادين الاسلام يااصدق شرع واهدا سبيل=
واهل الضلالة تخيب وخابـت اديانهـا=

[زاهر آل عابس]

الله عليكم بدع ورد

ولا أحلى

[زاهر آل عابس]

يامرحبا بك ولك في خاطري قدراً كبير
ياسيد الموقف إليا حارت اسيادها

__________________

اتركهم اليوم فــي غـي وربك خبير
والخيمه ابشرك شداد(ن) اوتادها


مشاركة متواضعه ..

تقبل مروري

[الرادار]

يا مرحبا بك ومن شارك من الناس هيل
ترحيبة لو خفاها الصدر بيبانها
----
من يوم عدنا نشوفك في السماء ياسهيل
المعرفة ما جهلنا وين بيبانها

[سعيد عوض العمري]

يموت راع الردى وما مات راع الجميل=
كم تعرف النفس بين الناس باحسانها=

%%%%%%%%%%%%%%%%%%%=

الجلسه هي خضرهٍ وما ووجهٍ جميل=
ارزقنا يا الله بالجنّات وحسانها=

[سيد الموقف]

الخطاف

زاهر

الرادار

ابو فارس


بيض الله وجيهكم وما قصرتوا



يتناول الذيب لحم الضان في كل لـيـل
ويصـيد زين الضــبا ويحـكم سـياجـها

ــــــــــــــــــــــــــــــــــــ

ما (فاز) من كان عقله بالبلاوي عليل
ولا (نورت) وجـنته لو زاد مكياجــها

[الخطاف]

ماخالف الملّه الا ضال واعمى دليل=
ناس ن كشفنا مخططها وعدوانها=
--------------------------------=
بني عمرو في قوايل ظهر واعماد ليل=
يعجبك في الحرب مقدمها وعدوانها=

[الرادار]

السيف شومان له يأهل المثايل وليل
واهل الجمايل تبيّن حين بدوانها
---------
وانا احتصن للجمايل كل يوم وليل
والحاضرة تفتطن لسلوم بدوانها

[الشيباني]

اييييييييييييييييه:
لو جيتنا حاملٍ سيفٍ وغاير بخيل
ما قلت للخيل والخيال ورعانها

حنا الحضر ما نربي اللاش ولا البخيل
خل البداوه يكفي فعل ورعانها..

[الرادار]

هلا بالشاعر الغالي الشيباني وينك من زمان سلامات من طول الغيبات جاء بالغنايم ---

يأهل الكند والسواري والقمع والفتيل
نظم المثايل نقدّركم على شانها
-----------
والمعرفة حبلها يحتاج نقض وفتيل
واهل الثقة ماتصدر لا علا شانها

[جبرني الوقت]

اتمنى تتقبلوا مشاركتي المتواضعة ...


اللي بظهري تحط الشر وتحط ويل=
النفس تجنح لهم سمحه بجنحانها=
---------------------------------=
ماهمني قولهم مرقاي راس الطويل=
ولا تطير الطيور الا بجنحانها=

[سيد الموقف]

هلا فيك يا الشيباني ونتشرف بمشاركتك




تبنى صـروح المراجل بالصبر والعميل
واللي سـكـن بالـشـوارع هـد عـمـرانها

ــــــــــــــــــــــــــــ

مـا بـيـن حـقـد الـعداة وبين نزو العميل
تحـتار نـفس الضعـيف ويـندعم رانــها

[الشيباني]

يا سيد الموقف اتركني مع بو شليل
ونعلمه بالقصايد كيف هي اوزانها
.......
يا خوف قلبي يصيبك خوف ولا شليل
شانت علوم البديوي لا ولا زانها

[الرادار]

كنك زعلان يالشيباني عساه خير
الشجرة اللي ليا ماهب نودٍ تميل
ايطيح منها الثمر وتجرد اغصانها
===
ياللي تهور ولا باقي تعديت ميل
راعي اللسان الطويلة لا التغ صانها

[زاهر آل عابس]

الله الله

متـــــــابع

[سيد الموقف]

الشيباني


بروسكم



أمتعونا

[الشيباني]

اييييييييييييه
مدري نتابع مع الشعار ولا نخيل
ولا نعود نشيل الصوت بالحانها
*****
يا امبارك الشعر والشعار مثل النخيل
ويبين منتوجها لا جات بلحانها..؟

[سعيد عوض العمري]

يا بدونا والحضر يا لله عساكم بخير=
يوزوا عن اعلومكم تي زاد جيرانها=

#############################

عن خدمة الجار ياهل الخير ماني بخير=
والدين حثّ الملا في عزّ جيرانها=

[الرادار]

مادام كلٍ معه خصم وند وقبيل
خليت صم الجبال يثور بركانها

------

واهل الوفاء ماتحدر في الخطا بالقبيل
تثبت على ساحة الميدان باركانها

[دكتور المنتدى]

صباح الخير والشعر الجميل.لكل زوار الشعر
الحقيقة أعجبتني .........القلطة وهذه مشاركتي أرجو أن ترقى لمستوى البدع او مستوى مشاركات من سبقني




ياهل القصايد تراني جيت معكم بحيل
أساير القـــافية واحــاول أعنـــابـــها
........................
تقــبلوني مشـارك والمــشارك محـيل
ويشـوقني من الفواكه حالي أعـنابها





مع أجمل الامنيات ان تنول رضاكم

[جاسر الغراني]

الله يعطيكم العافية جميعاً ..

ما قصرتوا ، وقصائد من شعار على نمرة ( فلاطحة ) - ما شاء الله -

رأيت - ولا قصور في البقيّة - اللي مشى على القارعة صح /
الخطّاف ، الشيباني ، الرادار ..

وأتمنى تكثّفون الحضور هذا إذا جات قصايد العرضة خخخ

____

مُشاركتي :

من جا عسى الله يجيبه لي وأعدّه دليل
لكن ترى النار ماحدن يطمع لسانها

أشوف بعض العرب ما يعرف الهد ليل
هدته بعض القبايل في مليسانها

[دكتور المنتدى]

اييييييييييييييييه:
يازين هلت دموع العين بعدك هميل
والــروح عقــبك تعــاني شر بلوانها

*******************************

خليتني يالغضي في عرف حبك هميل
حتى شــربت الــمهانه منك بـالوانــها

[سعيد عوض العمري]

يا للي تهيّبت خوض الصعب تهوى السهيل=
قريب للهاويه وتطبّ با حضانها=

%%%%%%%%%%%%%%%%%%%%%=

بعض العرب ما يعرْف الجدي و لاّ سهيل=
و لا يعرْف الذياب اللي سدح ضانها=

[دكتور المنتدى]

تفخر بفعلك وذاك الفعل ماهو نبيل
المفخرة في الصلاح وقوة ايمانه

%%%%%%%%%%%%%

سم الولد عنتر أو سمه شجاع أونبيل

وقت الـشدايد تـبين ضربة أيمانـها

[سعيد عوض العمري]

مثل ضربته وربّي شاهدي والوكيل=
واللي على راسه البطحا لمس شانها=

%%%%%%%%%%%%%%%%%%%%%=

ليت المثايل ذهب محسوس لاغنم وكيل=
واهدي الرفاقه و لو بعض البشر شانها=

[دكتور المنتدى]

اشوف الوضع احلو............. وين بقيت الشعار

أنا نزلت المعارك وأنت وخر وحيل

يكم من الناس قبلك مات من شانها

$$$$$$$$$$$$$$$$$$$$$$$$$$$$$$$$$

خل الذهب والجواهر لبوخصر نحيل

وارق المعاني وهدّف صوب نيشانها

[سعيد عوض العمري]

خضنا المعارك و يخسى كلّ غمر ٍ ذليل=
يشهد على ما نقول اخصوم ميدانها=

%%%%%%%%%%%%%%%%%%%%=

نرقى المعاني سما و الشعر ياتي ذليل=
و الجاهل اللي تعثّر في هميدانها=

[راعي الهدلا]

يالله بالايـمان تســقي دارنا فـيـض سـيل
تـحـفـظ بها الـديـن من عرعر لنـجرانـها

----------------------

اشوف بعض العرب مغسول عقله غسيل
الـقـاز وده يــحــطــه فــوق نــيــرانــهـا

في رجا غايب دمعي من اعياني يسل
ياصاحبي عذبت روحي بهجرانها

يا حلو منظر شفاتك والعسل منها يسيل
شبيت في قلبي حرايقها ونيرانها

*************************
ياللي تعزوى بالحضر ثبته بالدليل
والبيوت الاصيلة فوق عمدانها

في كل قيف به شجاع وذليل
نعرف حدود السيوف وحد غمدانها

[حكيم المنتدى]

سيد الموقف
روعة وشي جميل وتطورت الفكرة بشكل مذهل !
ارى ان يتم جمع هذه الابيات ويعمل لها ملخص !!
وترى كيف تصبح اكثر روعة وجمالا !!!
لا زلت عند مقولتي ( انت غير ) مثل السحاب اينما يهل فهو خير !!!!

كان هنا
حكيم المنتدى