اي شاعر يرد على هاذي القصيده

[ابو رامي]

هلا مرحبا بك وابدع القاف بالقاف
وحكم لنا الابيات بوزان بوزان
تراء الشعر ماهو ضرب جني وعفريت
رموز المعاني خلها في خباها
اتمنا الرد من اى شاعر يدخل

[المسكت]

كثير الملقف مير ماني من ألقاف
لياقلت بيت الشعر ياصاحبي زان
أنا اللي من اسباب الشعر كم توريت
وكل المعاني باينه في نباها

هلا وغلا فيك ابو رامي
وإن شاء الله يعجبك الرد جاءعلى السريع وكلك ذووق

[امرؤ القيس]

ترى كل مبنى ينبني القاف بالقاف
وينهّد من ساسه ضعيف(ن) ولو زان
وانا كلما قرّبت فرّيت فرّيت
تجي بالبيوت ولا تدوّر غطاها

[بدر كعب]

علوم (ن) تجمل وأنت من جاء ومن شاف
ولا به رجال تسمع القول ذا شان
وأنا لا سمعت الشور مسموع ناديت
وجنبيتي باسلها من خباها

[الشيباني]

رد عشانك يا صمت الشوق:

قصايد تجمل ما بها نقص وانشاف
مثيل المخمس يا قبايل ونيشان
علوم الردى والشر واهل الدناميت
يباها الولد يا خوك والشيخ آباها

[بدر كعب]

علوم الردى تبقى وتسمج وتنعاف
وعيني بصيره والدوى ما بعد حان
فيا ليت لي حيله بها ليت يا ليت
وابيد أهلها وأبيدها وآتباها

[الشيباني]

الرد
ترى العفو طيب يالذي عالعرب عاف
وعينك تشوف الشعر زحمات وادحان
وخلك معانا يالذي... ما تواليت
اذا كنت تبغى المعرفه وان تباها

[أبو ريان]

يا سلام عليكم ..
بصراحة بدأت بطلب رائع من صاحب الموضوع ثم أستمرت بينكم بكل روعة ..
كلام جميل صحة الألسن وعوافي والله ..
كل التقدير ..

[بدر كعب]

حياك الله يا أبو ريان ..


أنا في بدايه شعر يا خوك وآخاف
ولا آحب كثر الهرج من دون تبيان
سوالف تجمل ياولد ل تباديت
فلا من طعن فيها ولا من رماها

[الشيباني]

الرد
تعالى عظيم يعلم الجهر والخاف
ومثلك ترى شاعر بحقٍ وتبيان
بدينا بقول الطيب يوم انت باديت
وبعض القصايد يا عرب مر ماها

[ابوعقاب]

على القوة اسمحولي انا اداعب صمت الشوق و كمل يالشيباني
البدع
هلا مرحبا بك شعرك الليل رفراف
وعندي لك الكادي وورد(ن) وريحان
وانا امشي معا الشعار ماقد توانيت
وعين العدو يا خوي تلقى عماها

[الشيباني]

الرد
هلا مرحبا والطير غرّد ورفراف
وقلبي سعيدٍ في لقاكم وريحان
وبعض العرب جانا ومسرع بوانيت
وفي البير طاح وراي في القاع ماها

[بدر كعب]

الله يبقيك يالمرحب
ل( أبو عقـــــــــــــــــاب )
بدع
عسى الله يعين اللي لحاله بينداف
وعسى الله يجمل حال من جاء بالالحان
يا من سار في دربه وقاوى وقاويت
علومك تجمل يا خوي طاب فاها

[الشيباني]

الرد
يقول المثل يا اصحابنا من ومن داف
ووقت التحدي حان يا اصحابنا حان
ومنته لحالك يا زميلي تهقويت
علوم الرديه كل عاقل نفاها

[بدر كعب]

سلمت ... لكن أقصد اللي لحاله أبو عقاااب

[ابوعقاب]

الليل الليل
البدع
انا من علوم اهل الردى جيت كفاف
وللبدو عند الشعرقد جيت نساف
وفي الارض سرتو ياهذا البدو ضيعان
وانا اهدر عليك الليلة امثيل سمحان
وانا بوعقاب وسرت حاضر ولك جيت
وهاذي بيوت الشعر يا من بغاها

[الشيباني]

انا عارف يا صمت ولكن ابو عقاب ما يبغاله واحد يمشي معه باخلاق:
الرد
ثيابك طويله وانا قد جيت كفاف
وقيمتك بين الناس جنط ونساف
وضاعت علومك بين بدوٍ وضيعان
ولكن بنسامح بعفوٍ وسمحان
الي جيتنا امسالم ترى اسلمت وانجيت
وانا صقر في الميدان يا ببغاها

[بدر كعب]

أسلم أسلم
يا ما البدو عاشوا وأنت في الأرض سفاف
تسفّف من البدو وتلثم بلفاف
وهدرتك هذي مالها أي عنوان
وأنا بأرفع الرايه على مر الأزمان
بنينا لنا قصر ولا آشوك اتبيت
وتطلب عصى تحميك من سم أخاها

[الشيباني]

الرد
عدود القصايد جتك حادر وصفاف
ولا ينفعك مني هروب ولفاف
ومعنا بتمشي الدرب طايح وعنوان
ومثلك نبيعه ما بنلزمه لزمان
حليلك حليلك لا محل ٍولا بيت
وجيه الردى يستاهل اللي نخاها

[ابوعقاب]

يا ضعيف ياحليلك ماتقدر تكمل قصيدتك
خله معك
البدع
ترانا شيوخ(ن)واهل مذهب وعراف
وامنتم كلاب(ن) لازم الليل كتاف
ولكن بنلبسك شيله ومعطاف
وتنظر على صورة خويك بكشاف
ودايم نشوفك واقف(ن)عند بيبان
وتمشي على خطوة خويك بحذيان
ومن صورته ياخوك شفتك تعليت
ولكن قدم له سقاره معا ابكيت
وتروى مزارعكم ترى المي راها

[ابوعقاب]

الرد
تراني لكم يا اثنين فاهم وعراف
والشيباني يبغى يرتقي فوق لكتاف
ولعيون حبيب الروح تودد ومعطاف
تحاول تغبي لكن الرب كشاف
ولكن علم(ن) قد تغبا فبيبان
وقدرك هذا الليلةجزمه وحذيان
وانا صقر شيهان(ن) ترى قدتعليت
لطمتك على خدك وانا اشوفك ابكيت
وتراك انت بومه والله انا نراها

[بدر كعب]

البدع

أنا أعرفك ما تآكل سوى حب وأعلاف
ولا تمتنع ماللي يقودك بالأكتاف
وتمشي معى راع السوابق بالأنصاف
وتركب جيوب عاريه مالها لحاف
وأنا آشاهدك في السوق لاهي وطفشان
وغافل عن البيبان وتحد الأركان
وأنا صاحبي رقّدك وأنته جويعان
وحالك كما غيرك سفاهه وورعان
وأنا بآترفع عن كلامك بلا صيت
وأعشيك وآسريك وأبعدك بفليت
ترى صاحبي حاضر وعينك كواها

[بدر كعب]

الرد

أشوفك تفرفر عند بعض العرب لاف
وأحدك وأخيل فيك ثم أدفعك تاف
ولا من هويت أخيلك دون الانصاف
وياخذك راع الشاص ويركبك حاف
وتركب معه ويلطفك واللطف شان
وتبكي بعد ما جاك وتقول ما كان
حسافه بعد ما صرت محقن وميعان
تبوي عبا الكلبه وتختاف صرعان
وانا بحرقك واشعلك لاما تعاصيت
ودايم تمنى لكن انك تباليت
ولكن ما للكلبه إلا صواها

[بدر كعب]

ياشباب ترى عندي دووام باكر .. واش رايكم نكمل باكككر

[بدر كعب]

أشوفك ما رديـــــــــــــــــــــــــــــــــــت ؟؟ عسى ما خلاف
مافيـــه رصيـــد!!
يالول يالول

(البدع)
طلبنا لراع الروج جنز له أرداف
وجبنا معه بدله وجاكيت شفاف
لأجل ما ينادي ثم يآكله طفطاف
وحرص على ذا الروح لا تروح شفشاف
وأنا با تحاكى صادقاً دون كفكاف
ولا ينفعك تصريف والا تلفلاف
نواميسنا فوق الرياجيل نعمان
وسيوف البدو يا هيه ما ظن تندان
وأنا عارف باللي حصل دون نسيان
حفرنا في أرضك بير ينهال هيلان
لقينا حفر وأحجار وأجرار ديبان
وكل الخباير وأرض نتنه وقيعان
وعلى حالك اللي شفت بادلقك في زيت
وأجمع عليك الناس وآقول ذا ميت
ونومك يساعد لا بغينا نداها

[بدر كعب]

الرد

لا جاك المعزب وأنت دون البحر داف
يزيدك دفا والزود لا جاك دفّاف
يجيك المعلم دايم لا شطف طاف
ويشر على صاحبه ويقول شف شاف
وراع المكارم جاه ذالنون والكاف
ولا سلم مالدعوى ولا مالتحلاف
يخاوي سعد وسعيد والعم نعمان
وذا الحال متواصل زقاقه ومردان
وخايف عليه ايطيح في فم ربيان
وينسمّ من طعم المسمّم كحيلان
على ما ذكر راع المثل طاب ذيبان
بيرقا جبال شاهقات وريعان
وأنا لا فقدته رحت لاهله وعزيت
وأراجع حسابي معه وآقول حاميت
ولا من جحد قلت انتبه حان داها

[ابوعقاب]

بارد على القصيدتين مره واحد ماعندي الا كاش
والله يعينك للتحدي بكل حال
البدع
بدينا التحدي والله ما عندي اخلاف
عرفنا الذي بك راح شايل و خطاف
وشفنا السرى بعدك معد(ن) بلالاف
اشوفك مرة جالس ومر وقاف
ومدري تريد اعراض والا تبي انحاف
عظامك وروحك دايم(ن) بك ترجاف
ابتذق كاس المر معا سم(ن) ازعاف
ولنت ابخوي(ن) للرجاجيل لسناف
ولكن رد الدين مرة ولسلاف
ترنا رجال (ن)واهل مذهب لنا اشراف
ومثلك وشرواكم نشاهده بركان
حليلك حليلك ياضعيف(ن) وفقران
وعزوتك جنيه معا ولد شيطان
وابرجع على اسمك ذا يوصفك عشقان
وليتك مثيلي يوانا الصقر شيهان
وتا خذ كلا مي فيه لؤلؤ ومرجان
ترى القوم تعرف منهج الذيب سرحان
ومهما نعلم لكن البدو خبلان
ولا يفهمون الا على رعيت الضان
ولا اتحاول اتجاري ملوك(ن) وشيخان
لطمتك على وجهك واظني تقديت
وعلمك منزل لكن اني تفاديت
ولاني مثيلك في علومي تعديت
عسى الله يعينك دام قمت وتحديت
ترى كل ديرة نعرف اللي حماها

[ابوعقاب]

الرد
تسمع لردي بيني وبينك اخلاف
ولا تحذف الموضوع يالاخ خطاف
يا ظافرتسيد في طريق(ن) بلا لاف
سقيناك مر(ن) لكن المر وقاف
واذا كان ماتقدر فعن دربي انحاف
فلا قبلك الا الصعب قاسي ولك جاف
واشوفك تعبت وعاد يبغالك اسعاف
وتاكل من الحنظل وتاكلك اسناف
و نعرف علومك من قبل عهد لسلاف
وقالولي انك اصلك من اعيال لشراف
ولكن لك ذا الليله بثورك بركان
ولا اتشوف غير العظم با قي وفقران
ومن كهربي جالك حرق(ن) وشيطان
وارى موترك دحدر ولا فيه عشقان
وشي كبر ذا الليل معنا وشيهان
ترى مر في راسك سموم(ن) ومر جان
واشوفك مهيبل صابك اليوم سرحان
معي كل سيف امنصب(ن) في الخبا لان
مثيلك يا ظافر عاد يبغي له احضان
انا اوفي معك لكن بعض العرب خان
ومنهج رسول الله فبه قد تقديت
ولا جل النبي محمد بروحي تفاديت
وبين العرب بالشعر فزت وتعديت
وشعري كما سيف(ن)و للسيف حديت
ونا ري شبوبه تلتهب من حماها

[ابو رامي]

شكران على مروركم الكريييييم

[بدر كعب]

البـــدع

نسيتك نسيتك كنت أحسّبك تصطاف
وأثاريك تخرف في مخالي ومخراف
وتطلع لنا بعد الثلاثاء بمغراف
وسوالفك هذي جات من دون رصاف
وتكتب على ذا المنتدى م البلقراف
تحسّبه سبوره وتحسبه تجراف
وأنا بادي في الشعر شهر ويومان
ولكنّني مبدع وفاهم وحسّـــــان
وأجاريك يوم إنك في الشعر فهمان
ولاني بمتراجع ولاني بندمان
ولالي في الدنيا سوى بعت واشريت
وكلمه وجمله تنكتب يوم حاكيت
وأنا في علومي وافي(ن) ما تناسيت
وأجاري هل الطولات وأبني بناها

[بدر كعب]

الـــرد

سمعنا علوم(ن) وأنت مشغول بقطاف
تجمع تيوس الـــبدو وتجمع إخراف
ورب العباد مسامح خير من راف
وأنا جيتلك يا بن آلاجاويد عصاف
وأحذرك يوم إنك توصف بلا إقراف
وبعد الكلام الشين تجرف بمجراف
ويا خذك من ذا المنتدى ناس رومان
ويسموك راع العلم دكتور غسان
وتبقى تشارك وأنت للشعر لهمان
وغيرك من الشعار محسوب هدمان
وأنا بانشدك وآقول لك ها وإش ريت
وإش اللي من الشرهات ياخوك لا قيت
وإش اللي جنيته يوم قمت وتقاسيت
فكل بيرفع رايته لا جناها

[ابوعقاب]

البدع
هلا مرحبابك يا مخيل ومن ضاف
اظنك تريد الشعر ياجي بلا اعناف
وانا حاظر(ن)ذا الليل معكم وانا واف
ولكن شعري جاء مقدر بلا اسراف
وانا مخلبي شابي وللحم نتاف
ووجهك نظيف(ن)جاه تلميع بالماف
وانا شاعر(ن) شعري بيوزن بلثمان
وانا حاظر(ن) في المنتدى وانت سكران
وشعرك وشكلك في خنا وانت جربان
ومثلك وشرواكم بنعرفه خوان
وقاطع طريق وفي قرى القروى سرقان
وانا خاطري مثل البحر وانت مليت
على ديرة البدوان جينا ومريت
بشعري على راسك فانا قد تسليت
وانا رايتي مرفوعة(ن) في سماها

[ابوعقاب]

الرد
انا شاعر(ن) عند المعاني ومن ضاف
ومن هو بلعلة شامخه وابتلع ناف
عسى الله يحمينا بنايف ونواف
ولا ينبغي لك في التكبر والاسراف
ولا ابغي علوم(ن) للونا والونا تاف
ولا عندك اسيوف(ن) بريه وبل ماف
واشاهد على وجهك عمامه ولثمان
واهل ديرتك صدوك روح لسكران
ومثلك مصدر يازميلي وجربان
ولا انتم لنا اصحاب(ن) ولنتم لنا اخوان
وانا رايق(ن) وحدي ولناس روقان
رفعنا خطاب(ن) فيك للعالم امليت
وريت الحلا مره معاكم ومريت
وانا بارع(ن) فالحرب لسيف سليت
وفوق الرقاب العا صيه وسماها

[الرادار]

ترا الشعر ماهو بالخطايا والاسراف
بيوته تجمل من زبن راس مشراف
وانا سم حالي اللي حصل بين الأخوان
وهم اخويا في الشعر والدار جيران
وانا من ورى الصم الشوامخ تصليت
ونار المكايد بينت من سناها

[سعيد عوض العمري]

الرد=
يروف الرفيق بصاحبه وان نكس راف=
وهذي الشمايل للنشامى والاشراف=
ولا هو بطايلها جهولن وخوّان=
حكمنا و لا في الحكم ظلم ٍ وجيران=
وإذا ضاقت الدنيا توضيت وصلّيت=
وإذا صار منكر واجب انا ان تناها=

[ابو رامي]

مشكوووووووووووورين ياشعراء بنى عمر
والله اعجبتموني
الله يعطيكم دوام العافيه
والله انكم ترفعون الراس
لاعدمناكم يالغالين