يا عمى عين بعض الناس

[الموج الأزرق]

قصيدة مسيرة

ياعمى عين بعض الناس لمن نظرني زاد شر=
واتحاشاك انا يالشر لكن ناس يتقنونه=
والقلوب المريضة وش علينا لها وشلي بها=
الرجال الرجال اصناف واشكال ووجيهاً عديدة=
واللسان الضعيفة حدها مكرها واهبالها=
القصايد كثيرة لكن السوق مايوسع مجالة=
والاجاويد نحشمهم ونرفع حروف القافية=

[عذب السجايا]

صح لسانك ابا الجوري

قصيدة قمة الروعة وفقك الله

[ابو رامي]

والله قصيده روعه
صح لسانك ياغالى

[أبو ريان]

يالله اكف القلوب الظن مهما تجي همزا دشر=
يسلم اللي تقا نفسه ووربعه وشوفه يتق نونه=
وانت مضمون لا تمشي بخبثٍ ولا توشي بها =
طوّل الله عمرك بالسلامة إلى اعوامٍ عديدة =
من وهب نفسه الشينه فكانت كما وهبا لها =
خل من كان يزعم شيئ بقلبه فكن الزعم جاله=
يالله ابعد خطاوينا عن الشين واهل القافيه =

[الموج الأزرق]

الأستاذ الخلوق عذب السجايا مراحب فيك وسعيد بتواجدك
الحبيب أبو رامي حياك الله يا غالي

الكريم أبو ريان حياك الله
وهذا الرد

لعنة الله على بليس واشوف انا بليس فر=
عالماً تقتحم الاوراق والوصف كله يرسلونة=
ضاعت السالفة واحقوقنا ضايعة واطليبها=
والله ماقولها متحايلاً والحقايق لك وكيدة=
ودّي اداوي انا اعقول بعض العرب واخبالها=
السواليف جاتك يا سعيّد وهي لك في عجالة=
والنوايا ويشهد ربّنا دايم ٍ هي صافية=

[أبو ريان]

شدت ركابنا يا سيدي من زمن وابلي سفر=
كلها الوان يا سيدي فلا تبتعد من يرس لونه=
وان عرفت الخبر مصدر كلامه فانا وطلي بها=
حسبك الله على اللي حط لك من مخابيثه وكيده=
لازم انه يبان العلم مهما خفا واخبا لها =
وانت حط الحلا في جال يا صاحبي والمر جاله=
وانت تبشر بطيب العلم من عندنا وانصافيه =

[الخطاف]

خشعني و ابوريان
لله دركم
جلبتوا لنا بديع المعاني والمباني باسمها ورسمها
فصح الله الألسن والأبدان
وأجمل التحايا لكم

[الموج الأزرق]

انت يامن جمعت الناس من حولنا في موتمر=
كيف ياصاحبي تنسى صويحبك ولاّ ترخصونه=
والمعاني القوية جبتها كلها ماسيبها=
ياسعيّد وجيه القوم في السالفة يمكن جديدة=
والله ماهمني في صدرة الناس ولاّقبالها=
شاعر ٍ يعرف المكتوب والعلم قد جاله وصاله=
ياعساكم بلمض البرق والسيل ولاّ السافية=

[أبو ريان]

مرحبا مرحبا باللي لفانا وجانا موتمر=
طارف القوم اصونه بالمحبه ومثلك هم باصونه=
والحديد ان قسى يا صاحبي قلت انا ماسي بها=
وانت يا صاحبي من ناس نعرف قديمه من جديده=
من نوى في صلاة يم مكة تولاّ قبالها=
بالعرب من جلس في مجلسه ما جلس باطراف صاله=
مخرجه من سطوح البيت ولاّ ركون السافية=

[الموج الأزرق]

أشكر المشرف والشاعر الخلوق الخطاف ومعذرة على عدم الرد على تعقيبك السابق لأني نسيت وتقبل العذر......

تفضل يا أبو ريان......


وثّق الخط يا سعيّد وانا بانصحك زيده حبر=
والذي جاب حق ٍ بين ٍ لاولا تكذب ضنونه=
والقصايد لها ينبوع يروي لها من شيبها=
والبلد ينومن وابشرك كلها الدنيا وطيده=
والقصايد لها بيبان وافهم معي مدخالها=
راعي الحب من قبل المذاري يجيله من وكاله=
والقصور المنيرة من بعد نورها هي طافية=

[سيد الموقف]

صحت السنتكم

استلم خشعني


يا خشعني سعيد ما يلومه على فعله بشر=
والناس كلن له اعمال تميز بها شكله ولونه=
وكلن له شماغ بين الناس يا صاحبي يمشي بها=
العام كان اليماني سيد الشعر وابوه وعقيده=
واليوم زادت براويز الشهايد على حمالها=
يا كيف تبغى يقولون الشهايد مع راعي هباله=
العن ابليس واقرا سورة الناس ولا الشافيه=

[الموج الأزرق]

أشكر الجميع هنا
والشكر موصول للشاعر المحترم سيد الموقف فقد قدم قصيدة رائعة وصح لسانه
ونستودعكم الله على أمل اللقاء بكم في القريب العاجل.