يا مباااااارك؟؟

[الشيباني]

البدع:

سلامي يا هل المنتدى والحضور
اعّدكم مثل القمر والنجوم
شعّار في طول الزمن والدهر
امبارك الشاعر تولى زمانه
ضاعت علومه وانتهت سيرته

[ابوعقاب]

الرد
بعض القصيد امعيب(ن) وامحظور
ولا سمعنا هرجة اهل النجوم
والراس عالحكمة ترى مدهر
من راح عنا صحت في ليزمانه
ما نقبل اعذاره ولا سيرته

[الرادار]

يامرحبا من عمق بيض الصدور
اقولها وافي ومن روس قوم
لاما اصطفق موج البحر بالنهر
امبارك العمري بعد في مكانة
شاعر ويحمي في حما ديرتة

[الرادار]

انا احتمي الورّاد واحمي الصدور
واجرع المخطين مر وسقوم
ما ابغى اتوسل لك ولا ابغى النهر
يا الأسمري لك قدر عندي ومكانة
حبل الرجا ماقص من ديرتة

[الشيباني]

يلاوووول

يا مرحبا واعداد ماي البحور
يا شاعرٍ معروف وقت اللزوم
يا من سكنتوا في بيوت الشعر
بعض البدو يا ناس ما له ضمانه
ما ابغي سواليفه ولا جيرته

[الشيباني]

بآنافس الليله ولاني بحور
ما دام جات الليل زومٍ لزوم
اعرف لسبك وحبك بيت الشعر
الشايب المسكين يا خذ ضمانه
والعامل اوفي له اجيرته؟

[الرادار]

لك البقا مافيك شك وقصور
صفك مع صفي يجي في القدوم
عندي عن اسرارك وشعرك خبر
فارس في المضمار يقدم حصانة
معروف من سرجة ومن غيرتة

[الرادار]

في ساحة الملقا نشيّد قصور
ونمشي بفعل الطيب والحق دوم
يابعد حرفة عن خليج الخبر
من صخر السانة في الصلح صانه
ينشاف من نهجة ومن غيرتة

[الشيباني]

البدع

انا على بدع القوافي قدور
يدرون خلق الله خصوص وعموم
وانا مثيل السيف وسط النحر
باعه زميله بو عوض يوم خانه
اسمه مبارك وادري ابعيرته

[الشيباني]

الرد
يا زين طبخ اللحم وسط القدور
ما ينفعك شد العصب والعموم
وانت الضحيه يوم عيد النحر
ماله مع الشعار ياالربع خانه
خلص رصاصه وانتهت عيرته

[الرادار]

ما نشهر اللي مايود الشهور
من شان ما ياجي من الناس لوم
والليل توك ياقبيلي غدر
واللي ايتهاون في لقا الند هانة
ما اشوف نظراتة وتاشيرتة

[الرادار]

عد السنين الجايرة والشهور
واعرف عوايدنا وزين السلوم
ما ودنا لك بالخطا والغدر
الشمس لا زادت تميع الدهانة
ويروح مندوبك بتأشيرتة

[الشيباني]

البدع
انا على مبدا ومذهب وشور
والصاحب الونعم تراه امحشوم
لا تقترب يا صاحبي من الخطر
ابتاع بيته يا قبايل وضانه
وامسى على ناره وتعميرته

[الشيباني]

الرد
يالله ترحمنا نهار النشور
امح الخطر يا ربنا وامح شوم
با علمك يا كل خاطر خطر
البدوي مسكين يبغى حضانه
سيل القصايد شل تعميرته

[الرادار]

ما لقيت لأحلامك جواب وعبور
باقي دمك فيه المرض والسموم
لكن بشهد عليك البشر
والقاسية من شد ضربي ملانه
ما يصدق الشيعي بتكبيرتة

[الرادار]

مالك مع كل المخارج عبور
تنحاك ريح المعرفة والسموم
وانا نصحتك مانويتك بشر
لكن باقي تختبيها ملانه
يا الصاحي اللي ما فتك بيرتة

[الشيباني]

البدع
احلامنا فيها العبر والفكور
ايحن قلبي يوم اراك امحموم
لكن باداويك واعطيك ابر
ما تنفعك هرجت فلان وفلانه
محتار ياعربان وش حيرته

[الشيباني]

ونعم وعندي قيمتك بالف كور
يا من تشب النار فيك الحموم
تاجي ديار الخير واعطيك بر؟
يزرع ورود الحب والنيفلانه
نهر الغضب قد صب في ابحيرته

[الرادار]

وش حيلتي في الفيل والديناصور
مادام ماله في الموارد وسوم
لا يتقي من خلف شجر العشر
ولا يرتجي مالنمر والليث امانه
ما ينفع القنّاص تعشيرتة

[الرادار]

بنيت قبلك لي من الدين صور
ماعرّض الغالين بيع وسوم
خل انت بتوقع لنا بالعشر
والغازي اللي ماتوسم ثمانة
مايسمعون المجتمع شيرتة

[الشيباني]

البدع
الذيب ذيب لكن الثور ثور
ولا يخوفني كلام الرخوم
لازال لك بين النشاما قدر
الحظ طاح وباقي العمرشانه
والوقت جار وذاق تمريرته

[الشيباني]

الرد
ياللي نعدك من صغار البثور
ترى العماير لبسوها رخوم
حليل منهو بيننا ما قدر
بعض العرب محبوب ونعز شانه
لكن ما عدّى بتمريرته

[الرادار]

والله اني عارف انك بتجيب العيد
ياللي عيونة من عنا الوقت عور
تفطر مع اهل الطيب والاّ تصوم
لاعاد تستخدم لك اعلاج مر
ما ابغى اتسمع من كلام البطانة
من فاق ما يرجع لتخديرتة

[الرادار]

تاقف بوقت الجد والاّ تعور
انا معك لا حان وقت الخصوم
لا تروغ مني كنك اعلا جمر
بيت الشعر ماشدّه الاّ بطانه
ولا يزين الاّ بتخديرته

[الشيباني]

شد حيلك...
البدع
احول ولا فادك جديد الناظور
وادي تباله جات منه العلوم
اصبر على الدنيا بطول الصبر
دكتورك الي قام واسمع علانه
من فاق ما يرجع لتسكيرته

[الشيباني]

الرد
اعوذ بالله من الحسود النظور
بانت علومه بعد رفع العلوم
لكن با جرعه كاس الصبر
الله ذا يعلم بسره وعلانه
باب المشاكل حان تسكيرته

[الرادار]

هيضتني وطلعتني عالشعور
وانا لساحات المراجل هموم
عندي ثقة من هول بعد النظر
واللي كلامة مقدم الوقت دانه
كثر البطا بين بتصفيرتة

[الرادار]

مايزين الرجّال طول الشعور
ولا يغيره الشقا والهموم
والله يابن الناس ما ابغى نظر
الى اعتذر ديان من شخص دانة
نسمع مناداتة وتصفيرتة

[الشيباني]

البدع
انا ادري انه صاب قلبك فتور
دافع ترى جيتك سريع وهجوم
بان التعب في هرجتك والحدر
الشاعر المغرور با كسب رهانه
بانت لي اعلومه وتدبيرته

[الشيباني]

البدع
نشرب زلال وانت تشرب بتور
تومي براسك لا بدا المنهج اوم
طالع بعينه يا عرب ما حدر
والضيف يشكي منه في البر اهانه
ما شفت قفّايه وتدبيرته

[الرادار]

ارضٍ تخلت من هل الصدق بور
والله ماحب البخيل الظلوم
العلم واضح مثل نور البدر
منهو الضعيف اللي رسب بمتحانة
ما فاد تحضيرة وتبكيرتة

[الرادار]

كنك من اللي يبحثون القبور
والا تشوف الليل كنه ظلوم
وانا احسب انك شفت غزوة بدر
حايد ولا تنوي الوفي بمتحانة
حد الغشاء باقي بتبكيرتة

[الشيباني]

البدع
اعوذ بالله من الردى والشرور
لا تتهمني وانا رجل حلوم
والبدر يا امبارك بسطحه حفر
بعض العرب تشهد بفعله بنانه
لا بارك الله فعله وشيرته

[الشيباني]

الرد
من فوق راسك برق ولا شرور
اتراودك الأوهام ولا الحلوم
البدوي اللي من هذا الريح فر
خلوه ربعه والحقوا به بنانه
ما نعرف ادياره ولا اعشيرته

[الرادار]

المعرفة في كل راس وزور
لكن سايرنا وشد العزوم
الحرب له ساحة وفرٍ وكر
والصبح وصل وعاد في ليمعانة
وسودان مافكيت تهجيرتة

[الرادار]

ان كان ودك تشهد الناس زور
خلك مثل عزام وافي عزوم
وانا مثيل الصقر عندي وكر
العالم اللي تحتسيني معانة
ياحاضر باقي بتهجيرتة

[الشيباني]

البدع
جاك العشاء واظن تبغى الفطور
والوقت راح وشفت فيك الوسوم
والليل نصف وابتدينا السحر
اللي جهل ربه وخلا قرانه
وش فاد من دنياه وش خيرته

[الشيباني]

الرد
سمحان شاف البكر واللي فطور
ساوم معانا يا مبارك واسوم
صوتك تغشاه الحزن والسحر
البدوي من يوم وثق قرانه
يفغر ويبصم واسمع اشخيرته

[الرادار]

بذوقك طعم الحلا والمرور
وانا مكاني عاليات الرجوم
الين ياجيك العما والجهر
خل الثنية ذي تلوك البانة
مابيّنت للوجه تكشيرتة

[الرادار]

ما ودي اطبق نظام المرور
لاجل البشر ماتقتلك بالرجوم
اقولها بالسر والاّ الجهر
غصن اللثب مافادنا والبانة
واليوم حلوه جابتك شيرتة

[الشيباني]

البدع
الحمد لله على النعم والسرور
والمر جالك يا ضعيف الرقوم
في خانتك شفنا محل الصفر
بانت لنا يا ناس حدت جنانه
ديور على بيشه بتدويرتهِ

[الشيباني]

الرد
الله يعلم جهرنا والسرور
ما ينفعك جيشك وفي البر قوم
ترى محرم سابق يا صفر
الله يرزقنا رضاه وجنانه
الوقت ما ندري بتدويرته

[الرادار]

ايو الله الدنيا تلف وتدور
وحنا اخويا واصحاب وابنا عموم
نرمي على مركاب رميٍ ندر
نختار من صيد البراري سمانة
والحد نعرف وين تسميرتة

[الرادار]

المعركة خصت ولا جات دور
دارت على الحضّار وابنا عموم
والصدق قوله في زمنّا ندر
اعرف صقور الشعب واعرف سمانة
ويش لي على ذنبه وتسميرتة

[ابوعقاب]

صحت السنتكم
كبار والله اكبر
لكن نحاسب مبارك على الوقت في القصيدة الاخيرة
اما بالنسبة لوزن الابيات والتركيب
فمثل ما قال ابو عبدالله
كلهم مانميز واحد(ن)عالثاني مايسد اللزوم الا قناصلة

[ابوعقاب]

كما قلت سا بقا
ولكن اضيف ملاحظه بسيطه على الشيباني كلمة وسوم راحت عند مبارك
وبيض الله وجيهكم على المحاوره الرائعه وانا اشهد انكم شعار بلا منازع

[الخطاف]

الأخوان الأعزاء الشيباني والرادار
صح الله السنتكم وأبدانكم على ماقدمتوه لنا من إبداع
واشكركم على هذه المحاورة الراقية بمضمونها وشعراءها
وأتمنى إن يستمر هذا التواصل وهذا الإبداع في الأيام المقبلة
ولكم كل الحب والتقدير

[سعيد عوض العمري]

البدع




انا على بدع القوافي قدور
يدرون خلق الله خصوص وعموم
وانا مثيل السيف وسط النحر
باعه زميله بو عوض يوم خانه

اسمه مبارك وادري ابعيرته



في الحقيقة أبدعتو يا شعّار والله يبارك فيكم جميع
لدي هذا الرد البسيط وسوف ابرهن على سبب غيبتي
إن شاء الله غدا رب ان صور الأمسية ترفع بكرة
وسوف أنزلّ الرابط هنا ,,


العذر يا اهل العرف وانا امعذور=
عارف ومدرك علمها والسلوم=
اغتبتني ما تدري ويش العذر=
لكنّ ربي ناصري جلّ شانه=
عالم بحال العبد في غيبته=

@@@@@@@@@

قصايدي حكمة وغيدٍ عذور=
عن طينة الاهوا رفيعه سلوم=
محشومةٍ وتسود كل العذر=
واللي غدر بالشعر عابه وشانه=
معتوه وامحاسب على غيبته=

[ابوعقاب]

حياك الله يابوعوض والليل الليل
البدع
يا سلامي لابو فارس واثني السلام
ابن عم(ن) وقدره فوق عين(ن) وراس
ابغي احاورك والليل يسري سرية
هذا بدع القصيدة هات مردودها

[ابوعقاب]

تكفى لا تروح
الرد
مدري انته تريد الحرب والا السلام
بيرقي شامخ(ن) معكم وثابت وراس
وانت يابو عوض منته بقايد سرية
مر في لحمك الثعبان ومردودها

[سعيد عوض العمري]

السلام عليكم
العذر والسموحة أبا عقاب
لا زلت مشغول ولكن خذ
هذا الرد السريع إرضاء لك ,,


يا هلا ومرحبا بك عدّ نوح الحمام=
يا صحيبٍ عزيزن له قواعد وساس=
نظرتي فيك عليا ما بها مكرهيّة=
شاعر ٍ والمعاني دايم اتجودها=

@@@@@@@@@@@@

عندنا من الشعر نوع ٍكقذف الحمام=
زاهب ٍ ما يصيب الا شبيه البساس=
ما نريد التعدّي ولا نريد الهريّة=
والنفوس الزكيّة تعرف ابجودها=

[ابوعقاب]

مافيه الا حاضر بحاضر
البدع
هذا الليله بوسمكم بناري وسام
لين اعرف الذهب والفضة امن النحاس
يقولون انت شاعر ومبارك خويه
والهزيمه لكم والليل تسروبها

[ابوعقاب]

الرد
يا رخيص الثمن وايضا قليل الوسام
ما ابغي ادمرك ولا نحيس ونحاس
الجمال العوافي ماهي المنخوية
طالعو في قوافلها وفي اسروبها

[سعيد عوض العمري]

انت ما تقتنع حتّى تشوف الحسام=
والشياطين بالاذكار تجفل خناس=
وجهك اللي تلوّن مثل لون الشويّة=
نارنا كايده وتذيب محسوسها=

@@@@@@@@@@@@

لي معك موقفن ثابت شديد الحسام=
حتى تعرف وتوقن ان للمخ ناس=
كان تصبر وانا خو كل طايع شويّه=
لكن الشعر له ابيات وان سوسها=

[ابوعقاب]

البدع
حن رجال(ن) نشاما حن رجال(ن) عظام
وانت رجال عند المولمه والكباس
وانا سيفي بريع(ن) من سيوف(ن) برية
والقصايد تعلم سر مكنونها

[ابوعقاب]

الرد
يا قليل الدسم وايضا قصير العظام
اقدر اوردك للمر ويجيك باس
لو تقدم بك الشيطان روحي برية
وانت وسط الرماده وسط مكنونها

[سعيد عوض العمري]

انت شكلك عبيطن ما تعرف النظام=
لا حقك رضختن ولا مريض المساس=
ولا جاك الجرب ولا في حلقك دريّة=
ما تفيدك مشافي طيلة اسنونها=

[ابوعقاب]

البدع
اطلب الله ربي قبل بدع الكلام
وابو فارس قصيده دايما في انتكاس
وعلومك ردية دائما منحنية
والبيوت الطويلة فانت من دونها

[سعيد عوض العمري]

انا من لابت الاجواد ما هي تظام=
مات من حاول ايقرب ولو بالمساس=
ما معه عن حياض الموت أية درية=
جاته الباقعة تنهشه باسنونها=

[ابوعقاب]

الرد
طاح عرش النصارى وايضا الملك لام
وانت مسكين ماقد فدت سيف(ن) وكاس
مثلكم يا ولد عمي نحنه حنيه
والكرم والشجاعه ماتجي دونها

[الرادار]

اشكر الشاعر سعيد وابو عقاب على ما قدموه من شعر والمعذرة على طيلة الغيبة المرض شين يبرك الرياجيل والحمد لله على كل حال
عسى الله يشافي كل من كان مرضان
ويمحى بما جاهم ذنوبٍ عصية
طرحني مرض صدري على مر الأزمان
ولاني بعاذل كل دعوة خفية