من قصائدي الغزليّة

[أبوزيد الهلالي]

http://www.zahraan.net/bsm.png

هذه القصيدة اهديها للأخ بن خشيل خاصة ولجميع اعضاء المنتدى عامّة
************************************************** *********************************


من يبلـّــغها ســـــــــلامي
****************


ياهنـــوفاً زادها ربي جــــمال وجــــــاذبيّة .. ما وجـــدت لجاذبيتها وروعتــها نــــــــدايــد

بنتٍ أغلى من تواصيف الحروف الأبجديه .. ماتوصّفها بحور الشعر وحروف القصـــــايد

جادله مهما كتبت من الحروف العاطــــفيّة .. ماقدرت اوصف حلاة عيونها ساعة تكـــــايد

ايه ياذيك العيون الناعســـات الغــــشمريّة .. جعل روحي فدوةٍ لاهدابــها وقت الشــــــدايد

طير يا الليّ حرك اشجاني باللحان الشجيّة .. من سمعتك شب في صدري من الفرقى وقايد

افتكرت الليّ غلاها بالمـــعاليق الخــــــفيّة .. الهنوف الليّ بها من بــدّ خــلق الله زوايـــــــد

من يبلّــغها ســـلامي بالصباح وبالعشـــيّة .. دامت اشواقي تحاصرها مدارات الــعوايــــد

بلّغوها من تفارقنا وانا حـــالي رديـــــــّة .. ماهتــنت عيني لذيذ النوم وعناق الــوســـايد

وان تلاقينا باقــول العمـــــر كلّه لك هديّة .. والقصـــايد ليتها تبقى على صدرك قــــــلايد

******************


اتمنى ان تنال إعجابكم وإستحسانكم



.............................................

</B></I>

[بن خشيـل]

أبوزيد الهلالي
صح لسانك شاعر جزل .. وقصيده شامخه
هديتك جميله ومقبوله ولك مني كل الشكر
كما إنني أهنيك على هذا الإبداع الرائع والخيال العاطفي
كل الــود

[Oscar]

ابو زيد الهلالي

قصيده رائعه وجميله من شاعر

اروع واجمل

دمت لنا ودام لنا ابداعكـ

وننتظر جديدك القادم بكل شوق.

[نواااااره]

وش عندك يبن خشيل :):)

من قدك ياهوووه :):)<<امزح لا تدفون:$:$

عوافي و صح لسانك يبو زيد:)

[طيف]

كلمآت رآئعة كروعة من نسجهآ

شآكًرة لكً طرحـك آلرآقيً

[أبوزيد الهلالي]

عمري ولااحد قدي
نوااااره
نجديه
شكرا لمروركم
كل الود

[حلاها زايد]

http://www.samysoft.net/forumim/shokr/1/5464564.gif

[العزوبي]

صح لسانك مليون وعلى شانك والله يالغالي

[بن خشيـل]

وش عندك يبن خشيل :):)

من قدك ياهوووه :):)<<امزح لا تدفون:$:$

عوافي و صح لسانك يبو زيد:)

:) :) :)

[جبرني الوقت]

أبوزيد الهلالي (http://forum.baniamro.com/u18930.html)

اشكرك على نقل هذه القصيدة الى هنا ...

واهنئك على ذائقتك الجميلة ولكن لي عليك عتب بسيط ...

القصيدة للشاعر / عبد الرزاق الحذيفان ... وانت هنا تنسبها الى شخصك وهي لا تمد لك بصلة الا اذا كنت انت عبد الرزاق الحذيفان فهذا امر في علم الغيب ...

واخشى ان تكون قد ارتكبت سرقة ادبية ....

تقديري

[الذيــــــــــــب M]

فعلا .!!

القصيده للشاعر عبدالرزاق الحذيفان

[بدر كعب]

من يبلّــغها ســـلامي بالصباح وبالعشـــيّة .. دامت اشواقي تحاصرها مدارات الــعوايــــد

بلّغوها من تفارقنا وانا حـــالي رديـــــــّة .. ماهتــنت عيني لذيذ النوم وعناق الــوســـايد

وان تلاقينا باقــول العمـــــر كلّه لك هديّة .. والقصـــايد ليتها تبقى على صدرك قــــــلايد

تسلم يمينك على هذا الطرح الرآئع ..