وينك يا الراااادار؟؟

[الشيباني]

السلام عليكم...
الحقيقه نبغا محاوره رباعيه..
انا وابو عقاب...
وانت يا مبارك وسعيد بن مقبل..
ولا واحد من المنتدى يكمل معك...

البدع

يا مبارك ودنا بالقصايد والقصيد
شد حيلك وانتبه للقصير وللطويل
دام انا خصمك حليلك حليلك يا مبارك
مالكم قسم مع اهل القرى والحاضره!!

[ابوعقاب]

الله الله يالشيباني...وانا معك
انت الشاعر وغيرك فلا..
اسمع..
الرد
الله الي عالم(ن)بالنوايا والقصيد
التحدي له خطوط وفي ذا الخط ويل
والجمل سمحان عند الحموله ما يبارك
في السنين الماضيه والسنين الحاضره

[الرادار]

عليكم والسلام

البدع

ابشر بعزك ولا عندنا حقد وكيد
دام ما للخصم في ساحة الملقا دليل
لا تحداني وانا توني باقي مشارك
والله ان تضحك عليك العيون الناظرة

[سعيد عوض العمري]

البيوت الوافيه عندنا علمن وكيد=
لا التقينا بساحة الملعبه شفت الدليل=
لو نجيت من الحفر ما نجيت من المشارك=
شدّ حيلك قبل ما نبتدي في مناظره=

[الشيباني]

يالاوووووووول:

البدع
يا مبارك لا تحمّس معي خلك رشيد
ما معك مخراج يا صاحبي ولا سبيل
اتحدا واكسب النصر في كل المعارك
وانت ما تقدر لشل الحمول الجايره

[ابوعقاب]

اسمع يا بوعوض
الرد
كم قرينا كم سمعنا بهارون الرشيد
كل حب(ن)يانشاما يغطيه السبيل
لابدينا في التحدي فنا للخشم عارك
لا تخليني من اهل القلوب الجايرة

[الرادار]

اسمع يا الشيباني
البدع
والله اني ماتعذر عن الملقا وحيد
ماذبحت الا سمان البكاير لك وحيل
وانت غرتك المدارج وتهوي في المدارك
واحسب انك بارعٍ يم تقود الطايرة

[الجنرال A]

الله يدلكم وآصلوا يا النشامى ...

[سعيد عوض العمري]

قد كلاها غيرك ولا تظنّ انك وحيد=
ما نفعهم كثرة البلبلات و شدّ حيل=
هقوتي في صاحبي ما معه وسع المدارك=
والمعرْفه طارت ابها الطيور الطايرة=

[الشيباني]

يالاوووووووووووووول


البدع
ما يفيد الهرج يا صاحبي وانته بعيد
والمواقف تثبت اللي كريمٍ... والبخيل
انت راكب في السفينه وحددنا مسارك
والبحر لاهاج وش حيلتك يالباخره

[ابوعقاب]

اسسسسسسسسسسسسسسسسسسسسسمع يا بو عوض

الرد
يابو فارس انت مثل الضحية يوم عيد
وانت تمشي عالقدم وانا مغوارٍ بخيل
والله ان تلقا علوم(ن)تضيمك ماتسارك
يوم انا بالصف الاول وشفتك باخره

[الرادار]

اسمع يا الشيباني
حدتني السيول والحمد لله خير ونعمة وسيول من بيشة الى القوباء باتجاه حلباء
البدع
والله اني مثل عزران في حبل الوريد
مير حايد عن طريقي وكثر مالهليل
لايجيلك ضربة قاسية في عقر درك
ماحسبت احساب جور السنين الدايرة

[سعيد عوض العمري]

ما حسبت احسابكم في صدور وفي وريد=
حيث منشار الخشب ما وراه إلا الهليل=
انتبه لا تترتبك ثم تعدل عن مدارك=
صحح افكارك عليكم تدور الدايرة=

[سيــف العرب]

بيض الله وجيهكم جميع

مبدعين وكبار

[الشيباني]

الله يرحمنا برحمته...

اسممممممع

البدع
والله ما عندك يكون السوالف والهديد
بدونا يا بدونا يا ملقحة...النخيل
والله ان آخذ بثاري ولا تاخذ بثارك
وانت وش سويت يا ابوالذراع القاصره

[ابوعقاب]

خلوووووووووووووووووووووووووها
الرد
من بنا من غير ساس(ن) فيبشر بالهديد
حن نجوم المنتخب وانت في نادي النخيل
لا يكون البادوي زعلك ياخي وثارك
خله ذا الليلة يعلّمك لعب الباصره

[الرادار]

يالول يالول
البدع
اعتبر هذي رسالة مع ساعي بريد
انت في راس القرا شارد والاّ نزيل
والله ان احدك الين تكتب لي قرارك
وتلتفت للمخارج وصوت الصافرة

[سعيد عوض العمري]

جو بيشه حرّ لا ترتجي منّه بريد=
والفنادق فاضية ما تلاقي ابها نزيل=
خلّك ابحالك عسى ربنا ايقرّ ابقرارك=
جعبتك ما فيها غير الهبا و الصافرة=

[الشيباني]

يالاووووووووووول:

اسمع
الرساله واصله غير مرسلها... بليد
انت موشك عالنهايه وموشك عالرحيل
والله اني شاعرٍِ بارع ٍ طفيت نارك
وانت قد ضيّعت في الوارده والصادره

[ابوعقاب]

الرد
اشعل النيران يا صاحبي وارجم بليد
يوم بعض الناس ذاليوم في وادي(ن) وحيل
يالمطوع والله ماعاد بنشوفك ونارك
يا مبارك صاحبك بو عوض بنصادره

[الرادار]

يالووووول
البدع
يا الشيباني ودي اهبك في سلسل وقيد
لن مثلك ما يقدر ولا يفيد الجميل
مايهيبني صمودك معي والا انتفارك
خايف من نظر بعض العيون الغادرة

[سعيد عوض العمري]

الشعر في داخلي جمر ما يطفى وقيد=
والقباحة ما عمرْها تقدّر بالجميل=
والطواعة فخر لي يا صحيبي لا انتفارك=
فا فركك ثم ارسلك باول رحله مغادرة=

[غارم حسن العمري]

يا سلام عليكم

والله هجوميين كلكم ما شاء الله

ما قصرتو والدعوه محاوره وتسليه

امتعتوني والله

[الشيباني]

خلوووووووووووها:

البدع
والله إنا للجمايل نفيد وما تفيد
وانت تمشي في حياتك ذليلٍ يا ذليل
الحضر والبدو يدرون قد خلص عيارك
يا حليلك..يا كفوف الضعيف..الحايره

[الشيباني]

الله يحييك: يالجنرال_ويا سيف العرب
وازيد الترحيب بـــالشاعر غارم
والنـــــــــأقد سمغوووول
ومشكورين علىالمرورِ

[ابوعقاب]

الله يحي الجميع
وشكرا على المرور

الرد
حيا الله من جاء لموضوعنا حاضر وفيد
جيتنا حراب يا صاحبي راكب ذليل
والله مانحسب كلامك ولا نحسب عيارك
عوذ بالله من سجون الرياض وحايره

[الرادار]

يالول وقف يازير
البدع
مايندك يا الحديد الصليب الاّ حديد
والنصايح تنشرا وانت عارف ياقبيل
احشم اللي حشّمك واتقا الفتنة وجارك
لايجيلك رميةٍ من ضلوعك نادرة

[سعيد عوض العمري]

ما تراعي لا قريبٍ ولا اتراعي حديد=
والله اللي وحده الرازق المعطي قبيل=
والعشم فيك ان تقدّر ضيوفك وايا جارك=
مير الاخلاق الرفيعة هي اللي نادرة=

[الشيباني]

اسممممممممع يا ولد:

البدع
الشيوخ اشيوخ ما همهم خصم ونديد
والاسد يبقى ملك لو كبر ظهر الحسيل
والله انا قد نوينا نوديك إل ديارك
في بلاد الهند ولاّ بلاد القاهره

[ابوعقاب]

الرد
والله ان شعرك شحيح(ن) ولاهو بالنديد
وانتبه واحذر الى جاك سيل وراح سيل
كل ما واجهتني زاد خوفك واديارك
لا تحدى وانت قبلك رجالٍ قاهره

[الرادار]

يالول يالول
البدع
مرةٍ ترمح ومرات تنوي بالهبيد
لكن ابرك ما بتقوى على الحمل الثقيل
وانت ياسمحان واثق وراضي باختيارك
ما علينا من هدير الجمال الكاسرة

[سعيد عوض العمري]

تزعم انك للْصخَرَ والجبل ترفعه بيد=
وانت داله يا مسيكين ابو الراس الثقيل=
لا وقعت ما ني اشمت ولا هو بختي آرك=
راعي السلعه ولو زادها بانكاسره=

[عذب السجايا]

عالقوووة محاورة ممتعه لكن ابطت متى بتطلقون

[الشيباني]

خلوووووووووووها:

اسمع
والله انك ما تشل الحموله يا سويد
والمعارف دربها ما تدله يا حويل
حن شعاعير المعارف وحددنا اختبارك
وادري انك يا مبارك فقدت الذاكره

[بدر كعب]

عالقوة عالقوة يا شعّار والله انكم وافييييين كلكم .. تحياتي ..

[ابوعقاب]

الرد
بوعوض بنسفره يا النشاما للسويد
لانه في درب الخطأ ماشي(ن) درب(ن)حويل
لا يكون الوقت ياصاحبي والبخت بآرك
درسنا مفهوم وان كان ودك ذاكره

[الرادار]

يالول يالول
البدع
والله اني ما مشيت الطريق الا ّ سديد
ما يخوفني المقمع ولا ضرب الفتيل
عندي اخبارك من اللي تعنا لك وزارك
بيّن الماضي من اللي نشوف امباشرة

[سعيد عوض العمري]

البحر داهمك وخّر تنحّى يا سديد=
ما انت في عرضه وطوله سوا حبل ٍ فتيل=
يا حليلك لا تحمّل ترى يكفي وزارك=
جاتك اللكمه سريعه تخبّ امبشاره=

[الشيباني]

يالاووووووووول

البدع
انا لي حاضر وماضي وتاريخ ٍ مجيد
يوم بعض الناس علمه وتاريخه ضليل
الله وش حدك على فعلتك يوم انتحارك
يالله انك لا تعيد السنين الغابره

[ابوعقاب]

الرد
جت في المعنى وبعض العرب ماهو مجيد
يوم ضوّت شمسنا راح دور له ظليل
لا يكون العمر يا صاحبي والعظم احارك
جوّكم يا خصمنا بعد فيه الغابره

[الرادار]

يالول يالول
البدع
كل ماشديت حيلك تحرا للمزيد
والله ان اصبحك في الضحا واهجد بليل
ياعميل ماتفرق يمينك من يسارك
اضربوا بك ضلع حرفة وضلع الصايرة

[سعيد عوض العمري]

علم زايد ما هو ابعيد هوّه علم زيد=
يا هنودن ما تمل الغثا وايّا البليل=
لا تدوّر مانت محتال في علم ٍ يسارك=
ناظر اعيونك من الهمّ يا وش صايرة=

[الشيباني]

اول يا اول..
البدع..
لا تعاند يا مبارك وانا خصمٍ عنيد
والله ان تسري ونكسر عصاتك يالعميل
بعد ما بانت علومك وطالعنا سرارك
لعنبو من يعتزي في الوجيه الناكره

[ابوعقاب]

الرد
الرجال اصحاب وايد البطل تحما عن ايد
والصعيدي اللي مثيلك نشوفه في العميل
طاح حظك يا خصيمي وقطعنا زرارك
والله ان وجيهكم بيننا متناكره

[الرادار]

يالول اسمع اسمع
البدع
خاب من يمشي مع الناس ماعنده رصيد
ياغريمٍ ماضي الوقت مازبن دخيل
ما تبين للمطاليق منتوجك وكارك
همد حبك في متون الثمايل صابرة

[سعيد عوض العمري]

مثلك وشرواك سهلن لنا ينجرّ صيد=
والخضيّر لو في الخيل ما ينعدّ خيل=
ما ادري امتى اتفوق من حلمك اللي في سكارك=
وجد الارض اللي تطاها و هيّه صابرة=

[الشيباني]

اول يا اول....

اسمع:
(مسيره)
يا مبارك تعديت الحدود وبان وقت الوعود
والتحدي مع الشعار مثل المعركه والحروبي
وانا شاعر خذيت الكاس والبيرق وخذت النصر
احتزم والتزم باوّردك درب العنا والمتاعب
ما تفيد الهروج وما تفيد البلبله يا آدمي
ما تفيد الهروج وما تفيد البلبله يا آدمي
*****

والله انا نكرم الضيف شايب والوليد
ما علينا من كلام الحثاله والعبيد
ما نمد الا بغالي...ومدّك بالقليل
وانت ما تذبح يكون الضعيفه والهزيل
ادري ان العمر يا صاحبي والوقت ضارك
ساس تمرك في ظهور الجمال السايره

[بدر كعب]

الله الله يالشيباني .. لو إني داخل المحاورة رديت على المسيرة والقصيدة .. لكن خيرهاا في غيرها .. المطاليق قدامي .. ومشكورين على المحاورة الجميله هذي ..
تحيااتي

[ابوعقاب]

معليش يا شباب على التأخير
والان يبدأ التحدي الشعري

اسسسسسسسسسسسسمع
الرد
يا الشيباني فوق ارقاب ذا الشعار روح وعود
انت حجري وانا حجري محد منا لدار الحروبي
وانت صقار خذت الصقر ودي اتميزه عن النصر
كل من جاء مفلل طاسته معنا فلا ادري متا عب
انعش الروح وارقبها معا شعارنا يا دمي
انعش الروح وارقبها معا شعارنا يادمي
....................................
لاتحط امسيلمه مثل خالد بن وليد
العب ابراسك ورجلك معانا والعبيد
تسكنون ابنازل الارض واسكن في القليل
والقصايد عندكم نازله فيها الهزيل
يا مطوعنا بيمشي الزمن طال انتضارك
غير ذا المره نجامله والا اسايره

[الرادار]

يالول يالول
(مسيرة)
والله اني خفرتك ماهقيت انك تعدا الحدود
وانا صامد في الموقف وشاعر واحتمي عن جنوبي
لو يطول المدى ياراعي المقصود والاّ قصر
حط في راسك إنا ما نحب المهزلة والتلاعب
ماربينا على الشينة ولا جعنا ومتنا ضمي
ماربينا على الشينة ولا جعنا ومتنا ضمي

-------------------
ردهم واحدهم بالمثايل ياسعيد
لا يهمك كل خاين وشيطان مريد
عاد موشك عالهزيمة وحضر له كفيل
واختلف نهجة وبيّن خفا القلب العليل
بعد مازدنا علية الضرائب في الجمارك
قام يشري بالربا والخطا ويتاجرة

[سعيد عوض العمري]

صلّوا على محمد ,,
في الحقيقة طالت المحاورة والشي إذا زاد عن حدّه انقلب ضده وصارت ممله
أخواني الشعّار وانا أقلهم شعرا وتمكن ما قصروا جميع ولإني وإن شاء الله أمون عل الجميع نريد أن نختم .
حصل الحوار واستمتع الجميع بهذه المحاورة والهدف تسلية لا أقل ولا أكثر والقلوب صافية وأعتذر من الجميع في كون إني تصرفت ولكن كما قلت سابقا امون على الجميع ولهم شكري وتقديري والمجال مفتوح للجميع وليس حصرا على اربعة شعّار ولا بنفس التنظيم فقد يكون هناك تبديلا لترتيب
الشعراء حتى لا يحصل أي تعصّب ,,


( مسيّرة)=
سيفنا يا النشمى في نصابه جاهز(ن) وامحَدود=
ما تصير المهازل بيننا وحن من اهل الجنوبي=
بالقلوب انتقارب والمنازل مو مسافة قصر=
هذي امداعبة شعّار تحصل في جميع الملاعب=
والنهاية قلوبن صافية والشعر يبقى انضمي=
والنهاية قلوبن صافية والشعر يبقى انضمي=

@@@@@@@@@@@@@@@@@@@@

والله اني ابخوة الغانمين ابقى سعيد=
باقي(ن) عالود والشيطنه ماني مريد=
ما احنا في زمان جهل(ن) ولا باصحاب فيل=
انحن ابدين النبي جوّنا يبقى عليل=
حجّ في مكّه وسلّط على ابليس ابجمارك=
والمسامح ربنا ينصره ويآجره=

[الشيباني]

اول يا اول
اسسسمع:
(مسيرة)

الجمل لا هدر فخفض براسك وانتبه يالقعود
والله انك ضعيف الحيل ما تقوى لقرع الخطوبي
ديرة البدو ماعمربها غير القرو والحضر
يا مبارك ترى الدعوى قصايد لا تجي بالنشايب
هات بدعك وخذ ردي ويحكم بيننا الحاكمي
هات بدعك وخذ ردي ويحكم بيننا الحاكمي
*****

يا مبارك لا تعاند وانا مثل العميد
والله ان تلقاء عقوبة وتضرب بالجريد
تحسبنك ونعمٍ وانت في عيني طفيل
وتحسب انك قاتلٍ وانت مهزوم او قتيل
التحدي مذهبي والهزيمة هو شعارك
والله انك صرت مثل الطيور النافره

[ابوعقاب]

يا بو عوض الله يعطيك العافية لا تبرد توه حمي الوطيس
خلنا نميز بين الشعار ونشوف من يخلص عياره

خلووووووووووووووووووووها

الرد
ما حسبنا حساب اللي وفق منهم ولا احسب قعود
يوم بعض العرب جانا دسيم الحال وراح امخطوبي
ودي انا نحقق في علومه واشهد اللي حضر
يا صغيرالعمر لا لا وربي والله منته بشايب
مادريت انك المحكوم معنا وانني الحاكمي
مادريت انك المحكوم معنا وانني الحاكمي

............................................

في الخطأ يالربع والله متعمد عميد
كل من يخطي فلا تنشر ابسطح الجريد
والله ما يمشي معانا العليمي والطفيل
عن دروب الشر ياربعنا ودي نحيل
منتدانا منتدانا ترى حنا شعارك
يالله ان تفزع لمن يشرب امن النافره

[الرادار]

يالول يالول
(مسيرة)
البروق اتلالا في السماء من قبل حن الرعود
وانت مغتر في نفسك ولاتعرف تخيل النصوبي
ساقتك قدرتك واحترت توي بين فرٍ وكر
لين ضحكت عليك الناس يامسكين حاضر وغايب
عقب ماشافتك تمشي وتاقف تايه ومنعمي
عقب ماشافتك تمشي وتاقف تايه ومنعمي

====
حن نقطف لك من الشمّخ الطلع النضيد
وانت في حجرتك ماظهرك جو الجليد
ماتت اعظامك وهيبتك من كثر الزميل
وان زرعت البر ما بان له عندك حصيل
كم تجنبنا على شان مانكشف ستارك
يابخيل ماعرفت البيوت العامرة

[سعيد عوض العمري]

( مسيّرة )=
خاب من ف الملاقى رقّ فينا ولاّ يرعد رعود=
ليس فينا الخباثة يخسى كل غدّار(ن) هو نصوبي=
لو يحسّب حساب الموت كان عاد ولاّ افتكر=
وش مصيره لونّه وسط شقّ في ثرى الارض غايب=
هو شقي حال ولاّ في جنان الخالق المنعمي=
هو شقي حال ولاّ في جنان الخالق المنعمي=

@@@@@@@@@@@@@@@@@@@@@

يا مبارك يا رفيقي ويا نعم العضيد=
لا تكسّر في عظام(ن) ولا تسلخ جليد=
أدمح الزلاّت هذا اخو وآخر زميل=
لو خذيت ابجرمهم فكّر اش صار الحصيل=
خلّهم واراك يا صاحبي للباس تارك=
حتى لو هيْ اقلوبهم للردى متآمرة=

[سيد الموقف]

الرييل اطلقوا

والمخيلة سروا

والعروس ردت لومها

وانتوا بعدوا هنيه




صحت السنتكم على كل حال يا الذيابة

[الشيباني]

السلام عليكم ورحمة الله وبركاته....
اما بعد:
اولا اعتذر عن الغيبه ولكن لبعض الظروف
ثانيا :اشكر الجميع شعار ومخيله....وخاصة الشعار واعتذر للرادار اذا كان بدر منا شي يزعل...وهو الله يسامحه
ثالثا بالنسبه للمحاوره فهي انتهت(الله يستر لا يقلون اني انسحبت) كما قال ايو عوض ...ولكن هذا ليس معناه اننا انتهينا انا والرادار باقي بيننا حسابات كثيره ولا بد من انهائها..
تحيااااااااتي

[الرادار]

الأخ الشاعر الشيباني اشكرك ومسموح والحسابات مابنختلف إن قدمت حين وخرت دين واشكر الشاعر ابو عقاب والشاعر سعيد والله يجمل الجميع والمحاورة كانت ممتزة واعجبت جمهور كثير وانشاء الله القلوب عند بعضها والدفاع عن النفس واجب وكلنا لبعض
وانت ويش حدك على فعلتك يوم انتحارك - يالله انك لاتعيد السنين الغابرة

[الرادار]

اتمنى سعيد عبدالله يقرا ويفهم وينقد