ياغايبه

[ابوصاهودالعمري]

ياغايبه

أتحملـك..! وشلـون وأنـا عشـانـك
متحمـل ضيـم الليالـي وراجـيـك


ياغايبه.. منهـو يجـي فـي مكانـك.!
من يوم غبتـي والغـلا منتهـي فيـك


روحي ترى قلب على العهـد صانـك
يبقى لك أوفا مـن وجودك..لطاريـك


ياراحله...منهـو يـعـوض حنـانـك!
لاضاقت الدنيا علـي ويـن ألاقيـك..!


ياقـدرة الله...كيـف قفـى زمانـك..؟
وأنـا نهـاري فيك...والليـل يبديـك


تدري وش اللي يذبح..؟ الصبر عانك..!
وأنا علـى فرقاك..(ميـت وأناديـك!)


ياويـل حالي...يـوم رحتـي بأمانـك
كـنـك تِمنيني...وكـنـي آمـنـيـك


قفي ودمعـي لاوقف...قلـت خانـك..!
ببقى لك أوفا مـن وجودك..لطاريـك


مدري وش أسرع يوم قفـى كيانـك..؟
خطوة فراقك...وإلا هو قلـب مغليـلك..؟

[جبرني الوقت]

ياقـدرة الله...كيـف قفـى زمانـك..؟
وأنـا نهـاري فيك...والليـل يبديـك

الله عليك يا بوصاهود العمري ...

راقي ورآآآآقي ما تطرحه دائما ...

لا عدمتك

تقبل مروري

[بن خشيـل]

صح لسانك
مبدع دائماً
كل التقديــــر

[ابوليلى المهلهل]

قصيدهـ رائعهـ
لاهنت يابو صاهود

[الشيباني]

قصيده......معبره
وجميله جدا....
تسلم يا ابو صاهود...

[Oscar]

رائع دائما

لا هنت ابو صاهود العمري


كما عمودتنا حظور جميل

[ابوصاهودالعمري]

يالله حيهم
ولاهنتو على المرور
الله يسعدكم

[أبواللمى]

الله من قدره شاعر يوزن القوافي وأبيات ليس لها نوافذ أمنيتي أشوفك في ساحة من ساحات الشعر

[ابوصاهودالعمري]

لو ضاقت الدنيا
على راعي الطيب
يبقى شذى طيبه
على الناس
طايب
للغيم في صدر
الثرى صوت ترحيب
والطيب هو فعلك
ياراعي
النجايب
وفي كل يوم تشرق
الشمس وتغيب
ويبقى ابواللمى والكل غايب