الشاعر سعيد بن مقبل قصيدة للمجاراة

[الرادار]

ترى الزمن دكتور يكشف لك امراض
ماكنت تعرف يوم عنها ولاشي
واللي بنيته من أمل يصبح انقاض
ماعاد به كنٍ ولا عاد به في
واللي تخبر اعزومها اجسام واعراض
ساحت مثيل الملح لاساح في المي
ولاعاد باقي غير ذكرى من الماض
وإلى أنتهت قل يازمن وش بعد ذي
وماهي مصيبه صاحب العمر يغتاض
المشكه اللي سي ويحطك السي

[سيد الموقف]

ترى الزمن دكتور يكشف لك امراض
قاله سعيد وقولته ما لها زي

كم من مرض جانا ولا جاله اعراض
وكم من مرض يودي براعيه في غي

واللي تظنه لا علا الشر يغتاض
دار الزمن واظهر لنا صاحبك عي

واذا الزمن هدم حياتك ولا عاض
ولا ترك لك لا شراب ولا في

بكرة يبين ما خفى تحت الانقاض
وتظهر لك الدنيا صحيح ومعدي

والشاعر اللي جاه شعرك ولا هاض
ما نال من شعره ظلال ولا ضي

[أبو ريان]

الله يعطيك العافية ..
شكراً لروعة الطرح الوافي ..
تقديري ..