من كثر المحبة استحي

[الرادار]

والله اني مانسيتك ولا بنساك يوم=لكن اني صرت من كثر حبك مستحي

وإن هجرتك في الحقيقة تجيني في الحلوم=والعلوم اللي تسولف بها تاجي وحي

ودي انك تفهم الشعر مني ومخدوم=والله إن اطلعك شي لو ما كنت شي

ياحبيب وسد الروح والحفها هموم=مايموت القلب مادام باقي الراس حي

اعترف لي واعترف لك ولا تبطي كتوم=اسألك بالله ويش سلط اسهومك علي

كان عندك علم بالله عطني م العلوم=حبذا يانور عيني تسهلها شوي

وإن كنت مثلي هايم بالمحبة ومحروم=يمكن إن تكون هية ولو ماهيب هي

انت تفطر تو عيني وتحسبني بصوم=والله إنك طحت يانور قلبي في يدي

لكن افهمني وقدر فلا شي يدوم=السعادة تنتهي والمحبة تنتهي

وانت مثلك ياخذ العقل ياحلو الرسوم=خل باقي لا اوصف اللي تخفيها علي

والنهاية لاتبيع المحبة ولاتسوم=طل عينك ياحبيبي ورد القلب لي

واعتبرني وافي في مطاليبك عموم=واعتبرني شاعر في تواصيفك وفي

[جبرني الوقت]

الرادار

انت مبدع في كل مجالات الشعر ...

ما خليت شي ما شا الله عليك ...

الله يبيض وجهك وصح لسانك ...

وابشرك القصيدة ذي ضبط تنسيقها وانشالله يمديني انسق قصائدك الاخرى

تقديري

[بن ظافر]

تبارك الرحمن الله يعطيك العافية يا الغالي.... ويكفي

وانت مثلك ياخذ العقل ياحلـو الرسـوم
خل باقي لا اوصف اللي تخفيهـا علـي
والنهايـة لاتبيـع المحبـة ولاتـسـوم
طل عينـك ياحبيبـي ورد القلـب لـي
واعتبرني وافي فـي مطاليبـك عمـوم
واعتبرني شاعر فـي تواصيفـك وفـي