اخطاء سلوكيه في حياتنا..رقم 2

[ابوليلى المهلهل]

من قاللكـ؟
- هاهـ , هم قالوا لي ..

طيب , كيف جبت هالمعلومه هذي ؟

- كيف ؟ ايه مدري بس يعني هم قالوا لي ..

على اي اساس استندت ؟

- على هذاكـ .. ياخي هم قالوا لي ..



ياكثر مانسمع ذا الجمله .. او مثيلاتها ..

بسم الله , السلام عليكم ورحمة الله وبركاته .. <-- بدري !؟


كم معلومه مغلوطه يتداولها الناس على انها معلومات صحيحه ؟

كثير .. كثير ..


بس قبل كل شي .. خلونا نستعرض على السريع بعض من

هالمعلومات المغلوطه ../













( سم العقرب .. طريق القبر .. )

يعتقد الكثيرين ان سم العقرب مايردهـ عن طريق القبر شي ..

يعني ان سم العقرب " مميت " .. وهذا اعتقاد خاطئ ..

حيث ان اقوى سم العقارب مايقتل ! ولكن قد يتسبب بموت

( الطفل الرضيع , كبير السن , مريض القلب ) إذا لم يتم علاجه ..

فإذا لدغتكـ عقرب لاسمح الله .. اعرف انكـ ماراح تموت بحول الله ..

روّق .. وهد اعصابكـ .. ورح اقرب مركز صحي او مستشفى ..

- وعلى فكرهـ .. ترى العقرب كائن غبي , اي شي قدامه يحاول

يلدغه ..

يعني لو يصدم بـ جدار .. حاول انه يلدغ الجدار .. جد والله ..

شي غبي ..







( مشينا نهظّم ؟ ) ..

امر شائع عن اغلب الناس ..

بعد مايضرب لكـ وجبه دسمه .. يآخذ له واحد من اخوياهـ ..

ويمترون المكان اللي هم فيه .. ويعدون الكيلوات ..

طيب ليش ؟ يقولكـ ( والله ودنا نهظّم الأكل اللي تو أكلنا ) ..

غلط !

الحركه هذي بتقلل تدفق الدم للجهاز الهظمي .. وبالتالي تقل عملية

او سرعة الهظم عن الوضع الطبيعي ..

فينصح بعد أكل وجبه دسمه .. انكـ تمدد كراعينكـ وتروق ..

وتخلي الباقي على الجهاز الهظمي .. هو يعرف شغله ..

حتى ان العلماء يقولون ان ( الأسد ) بعد مايجرش احد الفرائس

يتكّي تحت شجرهـ ويمدد .. ما شافوهـ يمتر المكان ومن كيلو لـ كيلو ..









حلاوة بقره .. للأبد ..

( لا تآكل حلو وآجد , يجيكـ السكّر )

فيه اعتقاد خاطئ .. بأن أكل السكريات هو اللي يجيب مرض

السكر ..!

يعني لو أكلت سكر كثير تراكـ بتمرض بـ مرض السكر ..

وهو السبب الرئيسي ..

برضو غلط .. :/

مرض السكر سببه هو تلف في خلايا ( بيتا في البنكرياس ) ..

او عدم فعالية الأنسولين المفرز داخل جسم الإنسان ..

ولحدوث هالشي اسباب متعددهـ .. ولكـ ان تتخيل ان اكل

السكريات ماينطوي تحت هالأسباب !











( كل بس كل, اذا مانفعكـ ماضركـ ! )

وش اللي اذا مانفعني ماضرني .. ليش يعني وش السر في

( الاعشاب الطبيّه ) ..

الواحد يآكلها اذا تعب .. اما انها تنفعه او مستحيل تضرهـ ..!

المشكله ان هالشي متداول حتى في ( الصيدليات ) ..

الصيدلي المفروض عارف ودارس ..

يبربر عليكـ المصري : العلاق دا متكون من اعشاب طبيعيه ..

موش حتزُركـ .. ماتخفش !

وكل هالبربرهـ علشان بس يبيع السلعه ويلهف من وراكـ دراهم ..

ولو تموت .. ماعليه منكـ ..

ياجماعه .. بعض الأعشاب (( ســـــام )) .. !

وبعضها يسبب حساسيّه لناس معينه ..

الاعشاب " تحوي على مواد كيميائيه " .. مثلها مثل بقيّة الأدويه ,

بس انها طبيعيه .. وماتم تحضيرها في المصنع !



وسوف نوافيكم بالجزء الثالث اول مانفضى:qlbe12:

((م.ق))

[ابوفهد العمري]

والله ما عدت اعرف صدق نصايحك هذه من غيره0ههههههههههه
واحد لدغته عقرب وديته العياده حلف الدكتور لو جلس عشر دقائق ماعاد تهب الرياح في مسامعه وتقول ما هي مميته ؟ الله يستر من نصايحك 0

ابوليلى شكرا لك وتقبل مروري 0

[هند آل فاضل]

معلومات جميلة

بارك الله فيك

تقديري

[ابوليلى المهلهل]

والله ما عدت اعرف صدق نصايحك هذه من غيره0ههههههههههه
واحد لدغته عقرب وديته العياده حلف الدكتور لو جلس عشر دقائق ماعاد تهب الرياح في مسامعه وتقول ما هي مميته ؟ الله يستر من نصايحك 0

ابوليلى شكرا لك وتقبل مروري 0

هههههههههههههههههههههههههه
هلا ابو فهد..يعني تقدر تقوول ماهي مميتهـ:040104_emI2_prv:

بس ترقب الجزء الثالث

[ابوليلى المهلهل]

معلومات جميلة

بارك الله فيك

تقديري

الف شكر ياهند
لاهنتي

[نبض الخفوق]

والله يابوليلى اني مادري عنك
انت ونصيحك هذه
واطلبك انك ماتنزل الجزء الثالث شكلك بتجيب العيد

[اخصائيـے اجتماعيے «●]

لا بجد روعه >> هههههه

سبحان اللــه كل شئ جآيز

يعطيك العافيه المهلهل وإذا على كذآ انا انتظر الجزء 3 بفآرغ الصبر

لك ودي واستمتعت بالقرآءه صرآحه ,,,

[ابوليلى المهلهل]

والله يابوليلى اني مادري عنك

انت ونصيحك هذه
واطلبك انك ماتنزل الجزء الثالث شكلك بتجيب العيد




هههههههههههههههههههههههههه
نبض الخفوق الف شكر..

[ابوليلى المهلهل]

لا بجد روعه >> هههههه

سبحان اللــه كل شئ جآيز

يعطيك العافيه المهلهل وإذا على كذآ انا انتظر الجزء 3 بفآرغ الصبر

لك ودي واستمتعت بالقرآءه صرآحه ,,,


هلا وغلا بالضيف الكريم..
لاعدمنا طلتكـ يالغالي
الف شكر