زمــان يــا زمـــــــــــان . [الأرشيف]

الزير

09-25-2003, 04:47 PM

الله لا يحرمنا منك من وين استخرت ذي

يعني تذكرت الصورة يا مسكت

هذه الصورة التقت للمسكت قبل عشيرين عام
اثناء توصيل ابنته وعد الى المدرسة
وتلاحظون ابتسامته الشهيره التي لا تفارقه
وما زال يحتفظ بحماره الجميل كذكرى

تحياتي لك ابو فارس

الزيـــــــــــــر

أبوفارس

09-27-2003, 12:19 AM

هلا وغلا فيك اخي الزير ...

اللي صرت أخاف لا شفت أسمه في الردود لأي موضوع ...هههههههه

وتشوفي اطوف من أقصى اليمين من على الرصيف ،،، خايف من التوقيع لا يجيب خبر الشاشه..bgfgt)

((( والظاهر إن المسكت راح تجمع الأصوات على انه هو صاحب الصوره))) ....

الصورة مأخوذه من موقع لأمريكي عمل في أرامكو قبل ما يقارب أربعون عام

بن فارس

10-11-2003, 04:04 PM

احنا من زمان ما يقرب على ( لا لا لو قلت الوقت عرفت كم عمري ) خلنا نقول من فتره فقدنا اكرمك الله حمار يسوى 50 من اللي العين عليهم وكانت مواصفاته تقرب من مواصفات حمار المسكت كما تدعي لاان ابغي اعرف من هو منك انت والمسكت اللي خطف الحمار .

اذا شاء الله سوف نأخذ فيه مقعد او دعوه عند ال سعد وانت تدري انهم الله يكفينا شرهم دعوتهم بين العيون .
اشتور انت المسكت وردوبنا قبل اوري اليماعه صوره الحمار الله يكرمك

تحياتي وتقديري واعجابي بك

أبوفارس

10-11-2003, 09:57 PM

الله يرج ابليسك يا بن فارس ...

تبغى تورطني أنا والمسكت ...

الله يهديك محنا دارين نقسط سيارات ولا نقسط قيمة حماركم ......!!

بالنسبة لي ( وأندرأحلف لكم ) أيمان الخمسة والعشرين إني ما شفته ولا خبرته ...

وين المسكت يجي يشوف الإتهام ....

والمتهم برئ حتى تثبت إدانته ....Y) ....

المسكت

10-13-2003, 11:32 PM

الله الله يابن فارسY)
ولا لقيت تتهمني الا بالعلم ذيه ما بحلفلك
غير تعال احلف انت ايمان الف والالفين
انه حمارك وشرهتك على ذا ياخذ ريال

وإن كنت في عازه تشل صرام ولا شئ فابشر بسعدك

المسكت

بن فارس

10-17-2003, 09:45 PM

الله يكفينا شركم اشتورتو عليه ، لكن العرب يسمحون في رقاب بس لو كان في ند رقبه او رقبتين عسيه فدى عظامكم ، بس الحلال حرقه والحمار غله ماله وصف ، بس مادام انكم اهل علم طيب وهذا والله الخبر فيكم فعسى الدنيا تفداكم واللحين ما عاد فيه الا شبحات وبي ام ويا لاطف الطف والله اكبر لا له الا الله ،

اما من ناحيه ابو فارس فعايني واخفرك من الدين والله يسامحك

اما انت يالمسكت فكيف احلف وما عرفه من اهل المنتدى الا انا لكن واعود اسامحك مع ابو فارس ليش لي بكم حايه ، اذا اعتزناكم عماله فلا تتوخرون ، تعرف الحال فيه ثمايل وفيه صرام وفيه حضره وفيه عمل ومثلك عارف .

ايش رايك يالمسكت نتعاصب انا ويالك في حمار اكرمكم الله هههههههه

انت دريت وش قصدي ؟؟؟؟؟؟؟؟؟

تحياتي لكم

أبوفارس

10-17-2003, 11:56 PM

بن فارس الله وأكبر !!! يوم تتهمنا بالحمار أنا والمسكت ....

لكن الصادق الله يعينه ، ابشر بالفرج يا مسكت ولا تعطف لبن فارس أصبع Y)

لا !!!؟ ويسامحنا ؟؟؟ وتقول انه سامحنا في رقبه هههههههههههه

والكلام للمسكت : ( اقول ودنا بحق من بن فارس ) على إتهامه إيانا باطل ....

ما أطول عليكم دورت حول بيت بن فارس وحصلت حمارهم ( أكرمكم الله ) مربوط بهايلكسهم القديمه وعليه النزيع ههههههههههههههههههههههههه

http://www.chucklohr.com/images/9612mexico/donky.jpg

المسكت

10-18-2003, 12:06 AM

اقول يابن فارس
شلها بشحمه
عينا لقينا الحمار مربوط وقاعد تحط وتشيل علينا

لا وباقي تبغانا نسير حن وياك عصبه

ولا تستعملنا نبني معك فرضه
لو اخذتنا النخوه وبنينا لك ولا ساعدناك فعاين ولو النفس ما بتكون طيبه خاصه بعد مالقيناك رابط الحمار ((الله يكرم الجميع)) بالهايلكس ولو نطلبك حق في الاتهام بتطول السالفه لكن اينا في وجه الله منك انت وحمارك

الله يازمان العصبه الا ما ودك تحل ربيعٍ عندنا

بن فارس

10-19-2003, 09:38 AM

اولا وعليكم السلام ورحمه الله وبركاته

انا سمحت عن رضاء خاطر اما انكم وتعودون تنشبونها في الصفاء فخاف اني واعود اخلي من السماح الله الله يا محفوظ

وكان تدورون للحق فشلو شلل واشل شلل وذ اهي في ينبه يقوم بها والله يعينه ، ونهب الشلل عن واحد انتو ترضونه

اما الحمار اكرمكم الله ذا عن البيت فأنه فلو شرينه بعد ما وخذ الكبير وبعدين اخاف انكم ماتشوفون الحمار المأخوذ ابيض والصغير اسود والصغير هذا ما يشل جربه ماء .

ملح الكلام هو ودكم بالطيب والصلح فانا زاهب وان بغيتو الحقوق فشلو شللكم وانا مثل ونتداعى عن من تنصبون وسلا متكم .

المسكت

10-19-2003, 12:01 PM

صحنا من احمد فيا لحمد ولد
يابن فارس عاينك تشوف نفسك ضربت بها الى الكوع
وودك انك تطلع من الاتهام وحن ما شدينا عليك لكن اينا اونردها عند اليماعه ونشوف اما اوتقعد تاخذ وتعطي فينا فلا ضني ان اونسمح لك ولا نسامحك عاينا ناييبك منيه فتاييبنا منيه يعنى ندور نظهر بعلم فتردنا لغيره

ما عاد لك بطول السالفه خلنا نشوف ابو فارس ودي ان للمحترم بديه على الموضوع

قد قلنالك شلها غير انك عييت

هذا في قد علمنا وسلامتكم

البرئ المسكت

المحترم

10-19-2003, 12:11 PM

يو يو يو .. فيكم ياعرب .. مافيكم رشيد ؟؟
مذا سنعكم الله يهب لنا ولكم خير ..

الحقيقه اني ولاني سمه اما ذلحين !!
لكن لي عوده انشاء الله ونصلح الموضوع !!bgfgt)

أبوفارس

10-22-2003, 12:20 AM

إما قولك يابن فارس إنك سمحتنا عن طيب خاطر !!! فمذا سمحتنا فيه ؟

ما معنا أنا والمسكت صلح hhr) إلا أو نشل شلل ونشوف منذا أو تجي في جنبهY)

وإيذا المسكت أختار المحترم ،،، الله يكفينا شره فـرّاع وبيده مّيمـهW)

هذا شللنا وأيها من الحين أو يسمه المحترم يابن فارس ،،،،،،،،،،،،،،،،،،bgfgt)
http://www.muzzleloaders-etcetera.com/_borders/wr1.jpg

مقاميع ( مجاميع ) وأيه مافي بني عمرو مثلها .....:}

المسكت

10-22-2003, 12:33 AM

قدها وقدود يابو فارس

وانت يابن فارس
ما ودنا العلم يبطي
تعرف مقبلين على شهر فضيل ولا نبي يكون في خاطر واحدٍ شي
نبغيى نصوم والنفوس طيبه ولا يكون بخاطر حيٍ علم على الثاني
انت اتهمتنا وتعرف حقوق الاتهام ما تخلي الواحد يرتاح ولا ودنا نشيل عليك بقلوبنا شئ مره غير اسرع واعطنا علمك واي المحترم في الطريق سمعنا انه او يايي بكره
اما انك عدلت ولا انك امتثلت وقمت بالحق

وسلامتكم

سماااا

10-22-2003, 12:50 AM

ياربى وش هذا كله حمااااار ومسدسات

فى البر احنا ولا بالمنتدى ضيعتونى

ههههههههههه

يسلمووووو ابوفارس

اقول لزمان ارجع يازمان

السيكا ميكا

10-22-2003, 11:39 PM

بديتوو والباادي اضلم
واشتلها بو فارس والمسكت على بن فارس غير هذي فيها علووم
وباقي بنتناقش ونتدارس وانت يالمسكت واشوووف لك حل مالك يوم تتنبش خلق الله اهبووها في ظهرك فيك تهبها على بن فارس السود فالي مالقيت الا بن فارس
غير على قووولت يدتي طبك عندي

وخلووها شلل يا شلل
شيبان اخر زمن
روووحو دورو حميركم برى
والله يا نهيق سمعته الله يكرمك
يقووولون جابوو حمار بالريموت
وانتو باقي تدورون حمير كانت تربط با اسلاك اشتراك

لنا عوده
وتوقع لا تتفقع
ههههههههههههههههههههااااااااااااي

أبوفارس

10-23-2003, 12:40 AM

سمااا ،،، حنّا في بر الأمان bgfgt)

هذي بروفات ايام أول ،،، زمان يا زمان

أبوفارس

12-04-2003, 04:08 PM

حياك الله اخوي السيكا ميكا

أنا والمسكت ما لنا ذنب ‘‘‘‘ بن فارس اللي أتهمنا
على العموم ما ودنا نطول السالفه الموضوع الحين بيد المحترم
وشلينا شلل والرجال ابطى علينا ، لا شفنا صلحه ولا رد لنا الشلل Y)

والظاهر ان الحل بيدك يا سيكا جب لنا هذا اللي تقول بالريموت عساه يحل المشكله

مع تحيات شيبان آخر زمن

بن فارس

10-26-2006, 10:43 PM

الاخوة في الادارة من مدير ونائبه
الاخوه المستشارين ( اخص ابو أحمد) وباستثناء المعنيين بهذا الكلام
الاخوه المراقبين وعلى راسهم ابو ريان
الاخوه المشرفين بدن استثناء
الاخوه الاعضاء بدون اعتذار

الى الله المشتكى ثم اليكم
واعتبروها ربعه عندكم يا اخوان في كلاً من ابو فارس والمسكت فقد سرقوني عياناً بيان
وقد سلطوا عليه السنتهم بسبب ضعفي وعدم قدرتي وقلة حيلتي
فهذا الامر بين ايديكم تابعوا وانصروني فانتم على الحق قادرون وللضعيف معينون
وللظالم قاهرون
هذا العلم وسلامتكم وايه عندك يا ابو أحمد
قلت بأشكي عليكم في رمضان هم عودة قلت الناس صيام وفي شهر فضيل فقلت ذمه وعاد نفطر من رمضان

لا تبطون علي

عذب السجايا

10-26-2006, 11:07 PM

والله يابن فارس ان كان معك دليل ان الحمار لك
والا انك ذا عليه فجبه والا فيحلفون ان الحمار لهم
وانك لا لك فيه لا سلك ولا ملك
وودي ان كان معك شهادة ميلاد للحمار تاييبها
وسلامتكم

بن فارس

10-26-2006, 11:15 PM

الله يمصخ عقل عدوك يا عويذب

اشكي لكم من جور الاجوار ومن ظلم المظاليم وتقول اجيب شهادة ميلاد للحمار

ان انا وانا اااادمي ما معي شهادة ميلاد ههههههههههه

الله يفشل عدوك

أبو ريان

10-26-2006, 11:18 PM

هههههههههههههههههههههههههههههههههه

هههههههههههههههههههههههههه

(ماسنجر هاااااااه) هذي خلوها مشفّرة .. طيب طيب ..

المهم .. بن فارس من حقه يسأل هذه الأولوله ..

أمّا الثانية فأعتقدر بن فارس ممن قد قدموا بعض المساعدات لخبراء النفط ..

والأمريكان نسوا يرجعونه فلقوه الشباب وغيروا لونه وربطوه بالهايلوكس ...

حلوه غيروا لونه .. ورشة حمير هههههههههههه

المهم لا تروحون بعيد كل له وجهة نظر وكل واحد يـــرا إن كلامه هو الصح فلا تتلايمون على واحد

بالقوة وهو يدور ويسأل ... عانونكم عقال يا يماعه الله يصلحكم .. هيا زان اصه ..

بن فارس

10-26-2006, 11:25 PM

فلقوه الشباب بارك الله فيك يا ابو ريان

هناء اثبات بان لهم دور في هذا الامر

طيب غيروا رجعوا كل هذا ما يعيد لي حقي المسلوب ولا يعيد لي ما اصابني من كلام

ابو ريان الله يوفقك لا تجامل

أبو ريان

10-27-2006, 12:47 AM

فلقوه الشباب بارك الله فيك يا ابو ريان

بن فارس الله يوفقك .. صحيح إني واقف معك في طلبك لحقك وأحقيتك بالسؤال

بس كلامي فوق ما يدل على إن الشباب هم هذولي اللي معنا هنا .. الشباب واجد الله يسلمك

تكفى لا توهقنا ..