الحياه اقفلت دونك بابها

[راضي]

ديرة ماتهتني فيها النفوس=وشلي اعشقها وليش اهنا بها
الهوى لاصار يوزن بالفلوس=خاب شاريها مع جلابها
عشرة اعوامٍِ قضيناها عبوس= ننتظر هل المطر بسحابما
وابرق البارق على بعض الطعوس= حيًٌُرتني عشر في مرقابها
سدرها ميًٌُاس واوراقه يبوس= والحيا ماحلًٌُ يوم اهدابها
الوحيد اللي فرح فيها العروس= هلًٌُت السدره ورق لخضابها
صدقيني عشت لك ذلٍِ وبؤس=والحياه اقفلت دونك بابها
اشكر الله كانت ايامي دروس=ياعسى غيري يداري مابها
واشكر الله كنتي اوًٌُل من يدوس=فوق جناتي وفوق اصحابها
كان حلمك نار وافكارك تروس=ربع قرن انفخ مع شبابها
مامعي بالحرب غير اوصال قوس=والسيوف اهديتها بنصابها
راحت اسناني وهليًٌٍُِت الظروس= سمًٌٍُُِ حيه سلهمت بنيابها
دولة الطاغوت بعد الروس رؤس= يتلف الله رؤسها وانيابها
جرًٌُبت بالبوسنه حربٍِ ظروس=ليش بالشيشان تبرد مابها

[ساهية]

شف هي حلوة جدا
بس انا ما احب اللي مايوضح هي من كلماته
ولا لاهفها من مجلة ولا جريدة ولا اكتاب
منقولة مختارة من نضمك
هنا تضيع الحقوق
رغم حلاوتها ضاعت لمجهوليتها

[المسكت]

يعطيك العافيه راضي
وعاش من شافك والله
من طول الغيبات جاب الغنايم

اشكرك واشكر لك ما سطرت اناملك

رعاااك الله
اخوك المسكت

[صالح آل سلمان]

دولة الطاغوت بعد الروس رؤس"="يتلـف الله رؤسـهـا وانيابـهـا
جرًٌُبت بالبوسنه حـربٍِ ظـروس"="ليـش بالشيشـان تبـرد مابـهـا

تحياتي راضي على ما وضعت والحمد لله على السلامه
تقبل تحيات اخوكhttp://www.montada.com/customavatars/avatar2_0.gif دباس الجارح

[راضي]

ياساهيه.ماني:بـشـاري قصـايـد = ماني لذاك الطبـع يابنـت معتـاد
ياسيـده مانـي حرامـي جرايـد = ماني لتقصيـص المجـلات وراد
نهـر القصايـد مايـدًٌُور (لبايـد)= والا يبيع اسمه علـى كـل عـوًٌُاٌد
اقولهـا والعلـم وافـي وزايــد = اقولهـا بكبـار واغـرور وعنـاد
بعض العرب هرجه يشب الوقايـد = والبعض صمته يحرق ارواح واكباد
اعطوني اوتار المريخـي وزايـد =واسلوب -خالد-دايم السيف وعناد
وابغى ثلاثين الف واحـد محايـد = ماينخـدع والا يجامـل وينـقـاد
ثم اجمعي مـن تحسبيهـم فرايـد =من بادية نجران لا سـور بغـداد
كوني على كـل المعازيـم قايـد=واختـاري الحكـام سـاده ونقـاد
والكل يسبح فـي متـون القلايـد =والكـل يسمـع والمعازيـم شهًٌُـاد
من قبل توزيع الرتـب والشهايـد = نبغى قرار اللي حضر جمع وافراد
ماقلتهـا لجـل احتسبهـا فـوايـد= والا تجاهلت الف شاعـر وطـراد
بس الكلام اللي وصل كـان كايـد=والمعذره للمنتـدى (هاي)وانـداد


اخي الكريم : راضي
بما أن القصيدة ردا على الإستفسار الوارد من الأخت ساهيه فقد تم دمج الموضوعين مع بعضهما 0
للجميع خالص تحياتي

[المسكت]

يديمك الله شاعر(ن) دوم رايد=كلام نقاد البشر دوم ما فاد
ياسيدي لك بالغلا فود فايد=غيرك يروح وجعله اليوم ما عاد
كم للخوي نحتاج وقت الشدايد=وكم للنذل في هرجته دوم قصّاد
دامك على دربك صريح(ن) وسايد=لالا يهمك عاذل(ن)قصده إعناد

انا حطيت ردي قبل
الدمج على القصيده
ياسيده وتحياتي للكل
تحياتي اخوي راضي
والله يعطيك الف عافيه
وعاش من شافك
اخوك المسكت

[سيف الساهر]

مامعي بالحرب غير اوصال iiقوس والسيـوف اهديتهـا iiبنصابـهـا
صح لسانك راضى وداءما ننتظر جديدك والى الامام ان شالله
تحياتىلك

الساهر