مباراة الهلال والنصر

[@ROYAL@]

السلام عليكم ورحمة الله وبركاته



ستقام بمشيئة الله مباراة النصر و الهلال

ضمن مباريات كأس ولي العهد
في دور الـ 8 , في يوم الأربعاء القادم 10 / 2 / 2010 م


عند الساعة 8:05 مساء بتوقيت مكة المكرمة .

في مدينة الرياض على استاد الملك فهد الدولي

وسوف تكون منقولة على
قناة الجزيرة الرياضية 1 المفتوحة || ART7 || القناة الرياضية .

أتمنى من الجميع المشاركة وإبداء وجهات النظر بخصوص نتيجة المباراة
و توضيح النقاط التي بنيت عليها وجهة نظرك


من ناحيتي أتوقع ان النصر بيكون له كلام ثاني يوم الاربعاء يعني ممكن يفوز وذلك لـ

النقطة الأولى : هي الإنتقام و الثأر من نادي الهلال لأن نادي الهلال هو من اقصى النصر الموسم الماضي
و نادي الهلال مطرود لاعب من بداية المباراة و هو _ ماجد المرشدي _ و نحن شعب جبلنا على الثأر و تاريخ أسلافنا خير دليل على ذلك

النقطة الثانية : النصر سيحاول اثبات تغيره للأفضل في ظل ادارة كحيلان النصر بالحصول على لقب واحد على الأقل

النقطة الثالثة : تأكيد أن هزيمته للهلال في الدوري لم تكن محض مصادفة و إنمى توديع لسنين عجاف كان فيها نادي النصر فريسة سائغة لنادي الهلال

النقطة الرابعة : أن نادي النصر لم يحقق لقب كأس ولي العهد في تاريخه سوى مرتين في موسمي 1973 / 1974 على التوالي أي قبل 36 سنة
بخلاف نادي الهلال الذي حققها ثمان مرات في تاريخه وكان نادي الهلال بطل المسابقة 4 مرات في آخر خمسة مواسم ما عدى موسم 2006/2007 الذي كان الأهلي بطل المسابقة

النقطة الخامسة : كما أن هزيمة حامل لقب البطولة و بطل الدوري لهذا الموسم تعني بطولة لجميع الأندية وليس نادي النصر ( لم أقل ان هزيمة الهلال بطولة بل هزيمة حامل اللقب وبطل الدوري لهذا الموسم هي البطولة)

ولكن أمام الهلال تصبح الدوافع لهزيمته مجرد أحلام مع احترامي لعشاق الأصفر

وأتمنى التزام الأدب في الكتابة وتراهى في النهاية كرة قدم

[Oscar]

طرحك راقي

وبـــــــــس

التوقعات صعبه

[ولدبن باحص]

همام بن مرة
مشكوووووور والله يعطيك الف عافيه
3-0
لنصررررر

[ابوليلى المهلهل]

اووووووووووووووووووووووووووووووووووووهـ
ياكبرها عند اللهـ
3-صفر مرهـ وحدهـ
هههههههههههههههههههههههههههههههههههههههههههههه
اتوقعها خمسهـ صفر للنصر
صدق اللي قال..
واللهـ وطلعلكـ ريش يالنصر وصرت تطير

[حمتو]

مشكووووورين "همام"
و باذن الله .. فوز الزعيم .. تحياتي لكـ

[الزعيم777]

التوقعات صعبة يا شباب

ولكن نتمنى الفوز للزعيم

[(`•.¸ـاليآآمـي ¸.•´)]

كلاآآآمـ جيد ..

بس فيه نقطه يوم تقول النصر فرئيسه سائغه للهلال ..

اخالفك الراي في النقطه هذي ..

وبالعكس الهلال كان يتقدم على اغلب الفرق في الدوري ولم يوقف تقدمه في الدوري سوى النصر وغالبا مايتعادل معه ..

بالعربي (( نشبه للهلال )) على مستويات الهلال الجيده اللي نشوفها ..

ع العموووم البطوله للعالمي ان شاء الله ..

عقب مايفوز على الهلال ..

[ابوليلى المهلهل]

اليامي استريح بس
خلك والفوتشوب
افضل لك من شيء والله ما تفقه فيه

[بہرسہتہيہج]

احس النصر بيفجر مفاجاه مدويه ..

[أبوزيد الهلالي]

{}{}2 الهلال

[سيف الساهر]

توقعى اننا سوف نشاهد مباراه مفتوحه وسريعه من الفريقين

بالتوفيق للناديين


تحياتى

[جنتلمان8]

السلام عليكم ورحمة الله وبركاته

اخي همام بن مرة

اشكرك على طرحك الجيد

واللي غير مستغرب منك

بالنسبه لدوافع الهلال ان هزيمته مجرد احلام فهنا اختلف معك اخي مع احترامي لكل الفرق
ليست مجرد احلام بل هي عادة الفرق ان تفوز على اي نادي مو شرط الهلال

اتوقعها رغم ان الهلال يريد الثآر من النصر
1/0 لصالح العالمي ( إذا حافظ النصر على المناطق الدفاعيه بعد رحيل إيدير)

اشكرك على طرحك وبارك الله فيك وللجميع

تقبل تحياتي

[غليـــــــص]

اتوقعها بلنتيات
نصراويه بأذن الله

[خالد بن آلوليد]

ههههههههههههههههههههههههههههههه
والله مجرد احلااام
اتوقع النتيجه مدويه
لصالح الهلال

[بحـــر]

طرح جيد تشكر عليه

نتمنى مبارة شيقه لكلا الفريقين

توقعاتي النتيجه نصراويه وعلى يد السهلاوي

[غلا.....ي]

طبيعي التوقع يكون للميول اكثر .. ولكن في علم الغيب لا نعلم ..
كنت أتوقع فوز الهلال في الدوري عطفا على المستويات وكذلك الهمه ..
سار العكس .. النصر والهلال لا تخضع لقائتهما لأي مقاييس ..
طالبت بأن نحترم الرأي في المداخلات وأنت لم تحترمنا كـ محبي للنصر
فقد استنقصت النصر ببعض الجمل .. وكذلك ليست هزيمة الهلال بطوله
حتى لو كان الفائز هجر أو الطائي .. الهلال فريق من فرق الدوري السعودي
ما احد راح يشيله من مكانه لو فاز عليه ... بينما البطوله تؤخذ للدولاب ..
إلا اذا أصبح القفص جاهز .. من يكسب فهو التاريخ يعيد ذكرياته سواء اصفر او ازرق
وليس رد الاعتبار للنصر الهلال المطالب برد اعتباره حيث انه يعتبر الدوري مر بسبب
خسارته من النصر .. وهذا النصر اللي مايجي بنص عيونكم يامحبي الهلال بط قلوبكم
بهزيمته للمتصدر والحائز على الدوري .. كم هلالي تمناها تعادل اقل شي حتى يحقق
الهلال ماحققه الإتفاق حيث لازال الوحيد محقق الدوري بدون هزيمه ..
شخصيا راح اتابع بهدوء من يكسب نبارك له والخاسر هاردلك ...
تقديري ..

[بقايا حلم]

لم يجد جديد .. الهلآل يضرب بعصى من حديد ..
كمآ جرت عليه العآدة ..
الزعمآء يوآصلون مسلسل إنتصآرآتهم ..
مبآرآة قوية كآنت بمستوى تطلعآتنآ ..
استطآع أبنآء الهلآل كسب المبآرآة مستوى ونتيجة ..
مبآرك لأنصآر الهلآل ..
والفرحة الكبرى .. حينمآ نعتلي منصة التتويج بإذن المولى
تحيآتي للحميع

[أبوزيد الهلالي]

ألف ألف ألف مبــروووووووك
يـــازعيــــــــــــــــم
يـــاعشـــق الملايين
الهــلال يوجــد في السماء والــريـاض فقط!!!

[لاهووبــ]

مالها الا الزعيم
لاحظو الهلال فاز وياسر مو في يومهـ
تخيلو لو تسجل كم فرصه من الفرص الهلاليه التي وقف دون تحقيقها الحظ
********
قالو ايش قالو العالمي !!!!

[Oscar]

لقد فعلها الهلااااااااااااااااااااال

[الزعيم]

لا جديد ..

[@ROYAL@]

والله حرام فريق زي النصر يحط منافس للهلال

لحد يزعل مني يا نصرااوية ولكن فريق جالس يضيع وقت

مقفل المباراة وش خلى للفرق الضعيفة

الهلال و هو متقدم جالس يلعب الكرة بسرعة

وظلم تحكيمي واضح بلنتي لياسر اغفلها الحكم

ولكن في النهاية لا يصح الا الصحيح هذا هو الزعيم

ونصيحة لا تحرمون انفسكم من متعة الهلال

تلذذوا بلعب نيفيز استمتعوا بفنيات ياسر

آه ياسر لو سجلت هجمة وحدة كان كلام ثاني الليلة

والله ممكن المباراة كان تاصل لستة اهداف ولكن يأبى الحظ ضد ياسر

وفي النهاية لاشوف واحد يكتب ما يملي عليه قلبه

تبي تكتب اكتب بما يملي عليك عقلك وليس قلبك و ميولك

الف مليون تريليون مبرووووووك لجميع الزعماء

[ابوليلى المهلهل]

همام بن مرة
مشكوووووور والله يعطيك الف عافيه
3-0
لنصررررر


هههههههههههههههههههههههههههههههههههههههههههههههه
3_صفر

[غلا.....ي]

مبروك من الأعماق التاهل لمربع كاس ولي العهد ... يا محبي الأزرق ..
من أول نقول كل لقاءات الفريقين لها ظروفها غير الكل شاهد حسين يتحامل على الاصابه
ويصاب من جديد السهلاوي واستبدال في وقت يحتاجه الفريق اقوى من كذا
الدفاع بعد ما جاء محمد عيد لسد تلك الثغره وراح .. يعني حظنا كل ما ماقلنا تكمل .. تخرب ..
ومع ذلك شكرا لكل لاعبي النصر .. بحق مع النقص وفارق القوه بين عناصر الفريقين
إلا انه سجل والهلال المتعادل ولم يتبقى سوى 6 دقائق يحقق الهلال التقدم .. صحيح نيفز
كان القلب النابض للهلال ومع ذلك لم يتحقق له سوى كوره وحده لعدم الضغط عليه
لابد ان تقتنعوا يا جماهير الهلال أن ياسر خلاص كم كوره ضاعت منه لو تهيأت للعابد وحده
منها جابها .. واقتنعوا أن التحكيم لازال يهرول على ساحلكم .. حيث أن هنالك ضربتين جزاء
للنصر لم تحتسب الاولى ضرب حارسكم لعباس بالركبه في اول 5 دقائق والكل صادق على
صحتها من محللي القنوات وخبراء التحكيم .. رغم عدم قناعتي ببعض الهرج .. إلا انها واضحه
اي منطق رياضي محايد يحكم عليها بأنها ضربة جزاء .. باسكل يتعرض للإعاقه من اسامه هوساوي
بعد ما سحب رجله .. هنالك ضربة جزاء لياسر على حسام غالي .. واعطي الحكم 6 من 10 .. مقبول ..
شكرا احمد الدوخي ابداع بحق تستحق النجوميه شكرا راضي .. شكرا حسين .. شكراً عباس ..
قدموا ماعليهم .. والفارق هدف .. عندما فاز النصر في المباراه السابقه الكل قال اجمل مافيها التحكيم
يكسب النصر بهدوء .. لكن عند انتصاركم لابد من تشريف الطاقم المبجل ...
اكرر التهنئه .. ولايمكن ان اهضم حق الأزرق فقد كان في يومه وليس له ذنب في قرارات التحكيم ..
تقديري ..

[ابوليلى المهلهل]

ابغى يفوز الهلال مباراهـ وحدهـ من دون مايقولون تحكيم.لكن كثر البكاء والعويل ليس مستغرب عليكم.من ايام رئيسكم الاول.

الف الف مبروكـ يازعيم نصف الارض.
وطبعا لا جديد.
هههههههههههههههههههههههههههههههههه

[غلا.....ي]

مستحيل يفوز الهلال والقاضي العادل غير موجود ...
فيه مناسبات سبق وفاز من غير قاضي .. لكن ضربتين جزاء تمر كذا
كيف تنافس الفرق على البطولات اذا كانت السلطه تبغى كذا ..

[بہرسہتہيہج]

ماذا اقول وانت الخصم والحكم .... : >

[ابوليلى المهلهل]

مستحيل يفوز الهلال والقاضي العادل غير موجود ...
فيه مناسبات سبق وفاز من غير قاضي .. لكن ضربتين جزاء تمر كذا
كيف تنافس الفرق على البطولات اذا كانت السلطه تبغى كذا ..


طيب ارفعوا اوراقكم , وراجعوا اللجنهـ..
يمكن يعيدون المباراهـ.
هههههههههههههههههههههههههههههههههههههههههههه
اجل تبغوون بطولهـ؟هاااهـ
خلوها لرجالها..هههههههههههههههههههههه

[ابوليلى المهلهل]

ماذا اقول وانت الخصم والحكم .... : >


ترى نجران فاز امس.
ههههههههههههههههههههههه

[بہرسہتہيہج]

نفسه نجران فاز قبل فتره على زعيمكم بثلاثه ,,

فلعلكم تتداركون الموضوع قبل موقعه الاثنين ..

وتتفقون مع المهنا كالعاده ...

[ابوليلى المهلهل]

قبل فترهـ ماهو قبل اسبوووع.
اااااه يالازرق ما أكثر اعدائكـ..
استمرووووووووووووووووووووووووا
ههههههههههههههههههههههههههههههههههههههههههه

[@ROYAL@]

مستحيل يفوز الهلال والقاضي العادل غير موجود ...
فيه مناسبات سبق وفاز من غير قاضي .. لكن ضربتين جزاء تمر كذا
كيف تنافس الفرق على البطولات اذا كانت السلطه تبغى كذا ..

غلاي هاردلك الهزيمة و المستوى الباهت الذي ظهر فيه النصر

لكن بسألك واصدقني القول في رد السؤال

هل النصر بصرااحة لو فااز أمس على مستواه و مستوى الهلال الي مسيطر على المباراة كاملة

بنقوله ان النصر فاز ويستحق الفوز بصراااحة ؟

بناقشك في قضية السهلاوي و عبد الغني انت تقول انهم طلعوا وغيابهم أثر على الفريق

طيب الشوط الأول كانوا موجودين وسيطرة كاملة لنادي القرن

يعني وش سوى عبد الغني و السهلاوي في الشوط الأول الا فريق النصر وش سوى في المباراة كاملة

بالنسبة لياسر والله و توافقني ان له هيبته في الملعب شفت كيف يستلم الكرة يسلمها براسة احلى تمريرة

و بالنسبة للتحكيم والله العظيم مليت من هذي الأسطوانة ظلم تحكيم ظلم تحكيمي كمان يا شبااب

الحكم أجنبي وش تبون طالبوا بحكام سعوديين وش تبون

قلتوا بطولات الهلال من الحكاام السعودؤيين جبتوا حكاام أجانب والهلال ياخذ البطولات ويترك لغيره حسب بطولاته والتصاريح في الملعب

تحياتي يا غلاااي

[حمتو]

سلملي عالعابد بس http://forum.baniamro.com/images/icons/icon10.gif

يقلك هيفا و هبي تنظم لنادي النصر بجانب باسكال خخخخخخخخ

[(حسيكي مطور)]

اصدقوني القول يا هلاليين هل ضربتي الجزاء التي لم تحتسب من الحكم صحيحه ام لا بالرغم من ان خبير التحكيم اثبت ذلك وكذلك ضربة جزاء للهلال فاصدقوني القول
الف مبروك للهلال

[@ROYAL@]

اصدقوني القول يا هلاليين هل ضربتي الجزاء التي لم تحتسب من الحكم صحيحه ام لا بالرغم من ان خبير التحكيم اثبت ذلك وكذلك ضربة جزاء للهلال فاصدقوني القول
الف مبروك للهلال
أهلا و سهلا بك

من ناحية التحكيم يقولون ان العتيبي خروجه كان متعمد

هل يعقل ان العتيبي بيضرب لاعب النصر متعمد كمان انت وياه

بس بيني وبينكم في المنتدى

ما اجمل البطولة الي بالغش تقهر ناس واجد والي مهب عاجبه يقشر ثوم مهب بصل

التفتوا لمشاكل ناديكم وخلو ا الزعيم في حالة
بدري على علاكم الزعيم

[غلا.....ي]

هل النصر بصرااحة لو فااز أمس على مستواه و مستوى الهلال الي مسيطر على المباراة كاملة

بنقوله ان النصر فاز ويستحق الفوز بصراااحة ؟
مباراة خروج المغلوب عاده تظهر بدون مستوى .. ولو كسب النصر ومستواه اقل من الهلال فهذه مشكلتكم عاد .. لكن بالطبع راح اقولك الهلال مسيطر ..

بناقشك في قضية السهلاوي و عبد الغني انت تقول انهم طلعوا وغيابهم أثر على الفريق

طيب الشوط الأول كانوا موجودين وسيطرة كاملة لنادي القرن

يعني وش سوى عبد الغني و السهلاوي في الشوط الأول الا فريق النصر وش سوى في المباراة كاملة
اولا لا اعترف بشيء اسمه نادي القرن إلا مايصدر من الفيفا ..
ماشفنا ويلي حقكم دخل منطقة الجزاء الا بعد خروج عبدالغني
والسهلاوي خروجه اراح الدفاع كثير يستلم كوره فالنص معاه اثنين
ولو جلسوا لكانت ليلتكم سوداء لان خروجهم زاد الضغط على محاورنا والدفاع .. والنصر كثر خيره على فارق نقاط القوه والضعف إنه ما خسر الا قبل نهاية المباراه بـ 6دقائق ..

بالنسبة لياسر والله و توافقني ان له هيبته في الملعب شفت كيف يستلم الكرة يسلمها براسة احلى تمريرة
والله لو ركنه المدرب مع الدعيع إن يصحصح ولا يترك المكان لغيره
قدام الباب اكثر من خمس كور لو العابد جابها وش براسه ويصلح وهو داج قدام خط المرمى ..

و بالنسبة للتحكيم والله العظيم مليت من هذي الأسطوانة ظلم تحكيم ظلم تحكيمي كمان يا شبااب

الحكم أجنبي وش تبون طالبوا بحكام سعوديين وش تبون

قلتوا بطولات الهلال من الحكاام السعودؤيين جبتوا حكاام أجانب والهلال ياخذ البطولات ويترك لغيره حسب بطولاته والتصاريح في الملعب


تحياتي يا غلاااي


انت خلك صريح وقول الحقيقه ضربتي جزاء لاغبار عليها للنصر لو احتسبت الأولى كان لخبطت اوراق
الهلال مثل الهدف المبكر في المباراه الماضيه .. الديربي نفسيات اكثر منه مستوى ونتيجه هدف يخلص
واي تهاون يكلف الفريق .. صحيح هنالك ضربة جزاء لياسر .. اعطني حقي واترك الباقي عليه أما عيني
عينك .. سواء الحكم اجنبي ولا سعودي ... ماهو المصير واحد ... نكون اكثر واقعيه النصر رغم ضعف بعض
الخطوط في صفوفه ورغم الإصابات الماضيه والبارحه ورغم هبوط المستوى إلا انه كان راح يفجرها البارح
لولا الحظ الذي خدم الهلال ... نعم الهلال مستوى ونتيجه وأستحق .. ولايعني عدم احتساب الحكم للجزائيتين
انه لايستحق لا ذنب لمن يعرق داخل الملعب ..
تقديري ..
و

[غلا.....ي]

هل يعقل ان العتيبي بيضرب لاعب النصر متعمد كمان انت وياه
نعم ضربه متعمد او غير متعمد خطأ من الأخطاء التسعه داخل الصندوق وين عايش انت .. وبكذا تحتسب ضربة جزاء

بس بيني وبينكم في المنتدى

ما اجمل البطولة الي بالغش تقهر ناس واجد والي مهب عاجبه يقشر ثوم مهب بصل

التفتوا لمشاكل ناديكم وخلو ا الزعيم في حالة

بدري على علاكم الزعيم


والله شوف احنا وانت محبين ماخسرنا الا وقتنا نتابع اليوم وقبل اليوم والقهر والفرح للي
تدفع فلوس وتعمل ليل نهار .. لكن اتضح انك صريح بعد أن عرفت ان الله حق بقولك بطوله بالغش
ومن غشنا فليس منا .. يعني ذي أول بطوله بيصعد لها الهلال ومافيها شك الله يهديك ..
لو كنت ادري بردك هذا قبل ما اتداخل معاك فوق كان اوقفت النقاش لان اعترافك حل مشكلة التداخلات
على مدى سنين عبر هذا المنتدى مع محبي الهلال من اول وتالي ..
سلملم ..

[بہرسہتہيہج]

http://up.mn66.com/images/744444.jpg (http://up.mn66.com/view.php?filename=744444.jpg). (http://forum.mn66.com)

[@ROYAL@]

غلاي يقول الأمير محمد بن فيصل رئيس الهلال السابق

في أحد البرامج الرياضية عندما سأل من مقدم البرنامج بأن بطولات الهلال بالغش تدري وش قاله سمو الأمير

قال أنا عندي list _ قائمة _ بالحكام الي يساعدون الهلال

في اجابة سمو الأمير محمد بن فيصل إنكار للسؤال

وفي قولي لكم بأن البطولة لها طعم بالغش ابي اسكر النقاش في قضية التحكيم مفهوم ياعالمي

مفهوم حبيب ئلبي غلا...ي

[حمتو]

http://up.mn66.com/images/744444.jpg (http://up.mn66.com/view.php?filename=744444.jpg). (http://forum.mn66.com)

شكله الخُـميـني الي مطلعها http://forum.baniamro.com/images/icons/icon10.gif كخخخخخخ

يا حبيبي اذا عندكـ شي يثبت ان الدوري جاء برشوه
هاته و بالادله ..


ملاحظه: الجزء الاول من النص على عيني و على راسي ..

عالعموم اظحكـ الله سنكـ يالسفير ههههههههه

[صاحبـ الـسـMــــو]

الف مبروك يا هلال

حظ اوفر يا نــــــصر

[غلا.....ي]

وانت الصادق من زعله بعد الهزيمه قال فيه حكام تساعد الهلال ..
وانطقه ربي .. ولقى عتاب من شرفي الهلال خلى بعضهم يطق قهر منه ..
سمعت اللقاء داخل الملعب .. وهو صادق بيض الله وجهه انه اعترف
الحكم الزيد اعتزل طبعاً .. هلالي صميم .. قال لن احكم مباراه طرفها الهلال
لماذا ؟؟ لأني هلالي ولا اجد نفسي حكم امامه .. يعني يا أستاذ لو تدرس ابنك
بتنجحه لو مايتسحق النجاح .. ليه أين الضمير الغائب أو المستتر .. أنت حكم
ويفترض لما تكلف بمباراه أن تكون عادلاً وصارماً اما تحكم ضد النصر والاتحاد
والهلال لا .. مصيبه .. والله الهلال ليس بحاجتهم صراحه لكن حبهم الزائد له يخليهم
يقعون في المحظور ...
الله يحبك عند الله ..

[بہرسہتہيہج]

هههههههههههههههههههههههههههههههههههههههههههههههههه هههههه

[صالح آل سلمان]

غلاي الله يصلح قلبك
التعصب اعمى قلبك قبل عينك
ههههههههههههههههههههههههه

[@ROYAL@]

غلاي مساء الخير يا بطل أولا ً

سكند ثينق تذكر في أحد المشاركات لي قلت لك أني استفيد منك

إما انك تتحفني بمقالك ولا أني أموت ضحك ياخي فوز الهلال بالغش يعني

النصر قدم المستوى ولعب طيلة 120 دقيقة على باب واحد الي هو باب الهلال

و الهلال ماله الا الدفاع ولكن الحكم الروماني لميوله المعروفة الهلالية الي يعرفها غلاي و تجهلها لجنة الحكام

اغتصب الفوز من النصر وسلمه للهلال

يعني أنت واثق من فريقك انه الأفضل وشله التبرير هذا

قفل على موضوع التحكيم حبيب ئلبي غلا..ي

[غلا.....ي]

أبو عبدالله .. قلبي سليم ابشرك وعيني تشوف مثل الفوده وغيره ..
ولو ماقال اللي قاله كان قلته .. نفهم حن ونشوف .. بس طبيعي اللي
يقول الحق يبقى بنظركم متعصب .. سبحان الله ...
همام .. انت من قال ياحلاوة البطوله بالغش .. وهذا المفيد ..
وقلت ياخي لكم إن الهلال كان افضل مستوى وطبيعي بحكم ظروف النصر
من قبل وأثناء المباراه .. لكن الضربات الجزاء اللي ذكرتها وذكرها قبلي
خبير التحكيم لا غبار عليها سواء لنا أو لكم .. ماهو شي يزعل أو يضايق
لما نتكلم عن شي صريح شاهدناه في الملعب .. وماقلتك ان الحكم دمه ازرق
فهو مثل غيره يخطي ويصيب .. بس حضنا إنه جاب العيد فينا .. لو أعترفت انت
ولا غيرك ماهو عيب ياصاحبي ولا راح تعاد المباراه او تسلب منكم النتيجه ..
خلاص طارت الطيور بأرزاقها .. ههههه 120 دقيقه على باب واحد وهدف باسكال
كان فينا صح هههههههه .. يالله عقبال ما تجي أحلام وتبدد الأحلام ....
حبك هادي ...

[@ROYAL@]

غلا...ي والله أنك تحفة نادرة

يعني أنت شيء نادر وجوده

ياخي دايم تتحفني بمداخلاتك اللطيفة

دايم تلطف الجو

تحياااتي

[غلا.....ي]

يالله تلطف كمان وكمان .. يقولك النصر بيتعاقد مع عبدالملك الحوثي ..
على شان يدربهم على التسلل ...
اهم شي رضاكم ..

[@ROYAL@]

ما تاصل لهذي الدرجة يا بطل

[أرياف الجنوب]

http://up.mn66.com/images/744444.jpg. (http://forum.mn66.com/)

ههههههههههههههههههههههههههههههههههههه لعد احد يبارك للهلالين حرررررام لحد ياخذ ذنب
888888888888888888 خخخخخخخخخ والله شي يضحك.


أما بالنسبه لضربات الجزاء ولا وحده صحيحه الحين العتيبي داخل على عباس مو على الكوره <<والله يضحكون على عقولكم
الله يخلي لكم اتصلات رئايسكم إللي يقلب راس فوده قبل كل تحليل.

ثانيا حتى احنا عندنا ضربة جزاء واضحه ومفروض ينطرد المصري تبعكم والدليل ان الحكم غاش معنا طرد رادوي وماحسب ضربة جزاء واضحه.

نصيحه لكل نصراوي والله انه رؤسائكم يضحكون عليكم وانتم مع الخيل شقراء.

[غلا.....ي]

همام ذي ولا شي ليتك شفت شي وصلني ..
صباح الليل يا أرياف مذا قاعد أقول من ذاك الليل إلى ذا الليل ..
قلنا ضربتين لنا وضربه لكم .. غير راحت مع اللي قد راحت ..
نجدد التهاني .. والجايات أحلى ...