محاورة رآئعه /احمد الناصر ومستور العصيمي

[سيــف العرب]

احببت ان اكتب لكم هذه محاورة لشاعرين الكبرين
احمد الناصر و مستور العصيمي
محاورة قوية وطرق رآآآئـــع





احمد الناصر:



سلامي رده صافيه سويتها وابدي بها
تسمعوا يامن حضر سلامي رده صافيه
يازين درب العافيه ياطيبها,, يا طيبها
نصف الشهر خمسة عشر,, يازين درب العافيه


مستور العصيمي:



تبا تبان الخافيه والدار نعرف ذيبها
واليا بدا نور القمر تبا تبان الخافيه
خل القلوب الصافية تضحك وتظهر غيبها
وانا معي وجهة نظر يا أهل القلوب الصافية


أحمد الناصر:



ترى الاشارة كافيه قصة يصيب مصيبها
واليا سريت اخذ الحذر ترى الاشاره كافيه
هات العلوم الوافيه لك عادة اتجيبها
احذف حجر واقلب حجر هات العلوم الوافيه


مستور :



انا لبوسي ضافيه جيب الحقيقة جيبها
آخذ خبر واعطي خبر وانا لبوسي ضافيه
ترى الليال الدافيه كل العرب تمشي بها
وانته على جال البحر وقت الليالي الدافيه


أحمد :



دربيلنا كشافيه دنياك ما اعرف غيبها
واحسابنا طرح وجبر دربيلنا كشافيه
اخلاف ماش خلافيه تقبل ولا تقضي بها
والريف أخير من الدهر واخلاف ماش خلافيه


مستور:



ياللي بنيت القافيه وراك ما تبني بها
حط الحجر فوق الحجر ياللي بنيت القافيه
بعض السوالف كافيه اصبح بها وأمسي بها
يا عود داخلك الكبر بعض السوالف كافيه


أحمد :



بالوسط والاطرافيه علومي ما تدري بها
دعوى يضيق بها النحر بالوسط الاطرافيه
يا للي عيونك غافيه تفتح ولا تغضي بها
عبره من كبار العبر ياللي عيونك ضافيه

تقبلوا خالص أطيب التحايا

ســ ي ـــف الــ ع ـــرب

[غارم حسن العمري]

سيف العرب

بيض الله وجهك

روعه والله من شعراء فطاحله

تحياااتي

[سيــف العرب]

وجهك ابيض طال عمرك

والروعه في تواجدك الكريم

تقبل أطيب التحايا

[ابوليلى المهلهل]

سيف العربان
مبدع كعادتكـ..لاهنت لاهنت

[سيــف العرب]

الإبدآآع في مرورك طال عمرك

تقبل أطيب التحايا

[راعي الهدلا]

اضافة رائعة والفكرة جميلة جماهير المحاورة والقلطة واجد وانا من محبين القلطة وكم اتمنى يكون الموقع متنوع لجميع الفنون الاصيلة ويجد الزائر من جميع القبايل ما يريد ويكون موقع شامل ومبدع من محاورات من قصائد نظم لعمالقة الشعار للقصص الحقيقية والتي تعود بالفائدة على الجميع
سيف العرب ارقى سنود يا ابيض الوجة وانا في انتظار جديدك يا ذيبان