المهلهل.........

[الشيباني]

البدع


يا ابو ليلى طالت الغيبه وادور لك دوار=
القصايد وارده بالطيب ما هي شورهات =
اقدم اقدم واسمع المضمون والعلم الوكيد=
انا شاعر وانت شاعر والقصايد في سلامي=
يالله جملنا مع الشعار وارفع حظنا=

[الشيباني]

ابو ليلى ....وينك ...
هل هذا انسحاااب........؟

[ابوليلى المهلهل]

اررررررررررررررحب يالشيباني...
استلم.,,,

انت عارفني ونا عارفكـ في نفس المسار
مرحبا ياصاحبي واهلين هات الشور هات
طالت الغيبهـ عسى دنياكـ مافيها نكيـــــــــــد
يوم شفت اسمكـ لمع برق المحبهـ من كلامي
والوفا والطيـــــــب يجمعنا ويعــــــلي بختنا

[الشيباني]

يالاووووووول

معرفة مثلك وشرواكم معزه واقتدار
والبقا يا من ترحب من قلوبٍ صافيات
دام اشوفك في سلام وستر فالخاطر سعيد
غير شد الحيل يا بوليلى واشد العمامي
جاتك الابيات مثيل السيل واحذر سيلنا

[ابوليلى المهلهل]

خلوووووووووووووووووووووووووووووووووها

الفلكـ دوار سبحان الذي انشا المــــــدار
دارت الفتنه على صدام في دار الفرات
وانتهى صدام من دنياهـ بأول يوم عيد
يوم جا للمشنقه خلوهـ ربعهـ والعمامي
ذنبهـ انهـ حارب الشيعهـ وروضهم لنا
............................

[الشيباني]

الله الله...اسمع

ادري ان صدام من ضمن ...الدنادين الكبار
وادري انه كان ضد الشر في كل الجهات
غير ما بعد.. البطل غير المعول والبليد
يا زميلي لا تودينا... السياسه والظلامي
دامنا في المملكه بارض... السعاده والهنا

[ابوليلى المهلهل]

خلوووووووووووووووووووووووها

مادخلنا في السياسهـ غير بعض النـــــــــــاس بار
شف بلاد القدس راحت والعرب عنها سكات
ياغبوني ياصلاح الدين يالوحــــــش العنــــــــيد
راحت ايام البطولهـ راحو رجال ـن عظامي
واليهود اليوم داسونا وداســــــــــــــــــوا حقنا

[سعيد عوض العمري]

عفية على الشعّار الجزال
دام البوح والقصيد
حنا متابعين بشغف ,,,

[خالد]

ما شا الله عليكم
كبير يا بو ليلى
وكبير يالشيباني

الله يعطيكم العافية
ومتابعين لكم

[الشيباني]

يالاووووووووووول:


اشهد انك صادقٍ والوضع في ذلٍ وعار
والعرب يا خوك في هذا الزمن صارو شتات
يا صلاح الدين رحت.. وراح خالد بن الوليد
اصبر اصبر والليالي دايره والوقت حامي
باذن ربي يرجع الاقصى وترجع قدسنا
*****

[ابوليلى المهلهل]

خلوووووووووووووووها..ارررحب يالشيباني

طلتكـ ياصاحبي تقلب ليالينا نهــــــــــار
من يطول غيبتهـ جاب المطايا مثقلات
بالغنايم والعلوم الغانمـــــــهـ ماهي بعيد
واللهـ اني قد فقدتك فترة واصبحت ضامي
للشعر وعلومكـ الجزلهـ وطاروقك هنا

[الشيباني]

البقا.. يا شاعرٍ ماله مثيل في الشعار
يا زعيم المعرفه راعي العلوم الغانمات
منطقه بالخير والقالات منطوقٍ يفيد
اشهد انك وافي يالكفو.. يالحد الحسامي
والي ما يبني سواتك قلت ميده وش بنا
*****

[ابوليلى المهلهل]

انت وافي ولد وافي هذي مافيها غبار
بانشدكـ من هو الذي جا عالخيول المسرجات
سيفهـ بيمناهـ راعي حكمهـ وعقـــــلٍ سديد
مامعهـ غير اربعين من الذيابهـ والسهامي
وحٌد اديار عريضه بالبـــــــنادق والقنا

[الشيباني]

دام عز المملكه خير المنازل والديار
والبطل خلف رجالٍ والمواقف شاهدات
التطور والحضاره كل يوم في مزيد
هذا بو تركي زعيم المعرفه وابن الكرامي
شجرة ال سعود يا بيت المدايح والثنا
*****

[ابوليلى المهلهل]

قبل فترهـ حاربتنا زمرة الحوثي الصغار
ثارت البندق وفتينا جحافلهم فتـــــــات
مادروا عن جيش بو متعب رجال من حديد
لعنة اللهـ عالروافض عد ماهل الغمامي
مشكلتهم مالقوا غير المتاعب والعنا

[الشيباني]

يخسى قايد زمرة الاعداء يجي حول الديار
نحرقه بالنار ولا نرجمه بالراجمات
جيش بو متعب هل الوقفات هل باسٍ شديد
العدو من بعدها عادو كما العظم الرمامي
مالقوا غير المهانه والمذله والفنا

[ابوليلى المهلهل]

وش هو اللي قد حصل ياربعنا وش هو اللي صار
انقطع حبل الرجا في الناس واللي راج مــــــــــات
وانقطع حبل الاخوه من الوريد الى الوريـــــــــد
والكرم ودع مخــــــاواة الهــــــــلايم مايــــــــــــلامي
لعنة اللهـ عالذي خرب طبايــــــــــــــــــع ولفـــــــنا

[الشيباني]

خل قلبك في سكينه خل قلبك في قرار
مادام ان الحب في وسط االقلوب الوافيات
كل حبلٍ ينقطع لا بد يرجع من جديد
اسمعك يا صاحبي وتنوح نوحات الحمامي
ودنا ندري وش الي في ضميرك ودنا
*****

[راعي الهدلا]

ماشاااء الله تبارك الله قامات شعريه عاليه
الاخوان المهلهل والشيباني تحياني لكما
بصراحه كني بين الغويد وبن مصلح
تعبتم الشعار بعدكم

[الشيباني]

الشاعر راعي الهدلا....
مرورك شرف لنا وتسلم على هذا الاطراء...
والجاي معك ان شاء الله...

[ابوليلى المهلهل]

من كثر ماشفت في الدنيا تمنينا شهار
شاب راسي ياعرب لكن ماقد فات فات
من ترك دينه وخلا فرضه الليلهـ وحيد
عق ابوهـ ومادرى لو هو مريضٍ ماينامي
ودنا ياصاحبي للشهار تكفى ودنا

[الخطاف]

الشيباني+ المهلهل
عشتوا والله يعطيكم العافية على هذا الابداع الرائع
ولكم خالص المودة والتقدير