المساعد الشخصي الرقمي

مشاهدة النسخة كاملة : حياك يا الحب الجديد الغالي ! ! !


راجي الوصل
01-29-2010, 06:16 PM
مما نظمت :
. . .
. .
.
حياك ياالحب الجديد الغالي
حياك يا راعي مقام ٍ عالي
.
حياك تنسيني هموم ٍ زادت
على خفوقي وانهكت لي حالي
.
حليت في قلبي وجبت الراحة
واصبحت بوجودك سعيدْ وسالي
.
اواه من شي ٍ دهاني قبلك
كن الخفوق يشب فيه الصالي

مشتت الافكار ضايع جدا
ولاشكيت لعمْ والا خال ِ
.
والاصدقا مابه صديق ٍ وافي
اقدر افضفض له بما في بالي
.
وان صار في مرة شكيت لواحد
يقول وش تاليه ذا الموال ِ
.
وانته تخيل عاد ضيقة نفسي
في ظل كبتْ وشدةٍ واهوال ِ
.

اخترت صمتي عن كثير الشكوى
يوم ان دريت ان السكوت احلى لي
.
وبعد ما صارت حياتي مُرّة
ولوّن الوقت القديم التالي
.
لفيتني بالسعد يا حيّا بك
ورديت روح اللي غدا تمثال ِ
.
صارت حياتي معْـك والله فلة
معك اهتنيت الزاد والفنجال ِ
.
وصرت اسولف لابغيت اسولف
ومن نبرتي تفهم عليّ طوالي
.
واذا شكيت تحس في شكوايه
وترد باحلى الهرج والاقوال ِ
.
الله يطول يا حبيبي عمرك
ويسلمك يابو كلام حالي
. . .
. .
.
شعر /
راجي الوصل

سيــف العرب
01-29-2010, 06:30 PM
اررررررحب يا راجي الوصل

من زمااااان مبطين من جزايلك طال عمرك

صح الله لساانك ملايين

شاعر مبدع ووافـــي ونسعد دائماً بالاطلاع على جديدك

لا تحرمنا من جدايدك

تقبل خالص الود

سيـــــــــــــــــــــــــ العرب ــــــــــــــــــــــــــــف

يوسف آل عايش
01-29-2010, 07:56 PM
راجي الوصل

لاعدمناك وصح لسانك وسلمت يمناك يالغالي
لاتحرمنا جديدك

ولك كل الأحترام والتقدير ..

Oscar
01-29-2010, 11:40 PM
راجي الوصل




تسلم يمين الغلى اللي حاكة لنا هالابيات

وصح الله لسان منهو ع الروح غالي

ابيات في قمة الروعه والجمال

لا هنت ولا تحرمنا وصالك

(*بسمـــــه*)
01-30-2010, 12:09 AM
.
حياك ياالحب الجديد الغالي
حياك يا راعي مقام ٍ عالي
.
حياك تنسيني هموم ٍ زادت
على خفوقي وانهكت لي حالي
.
حليت في قلبي وجبت الراحة
واصبحت بوجودك سعيدْ وسالي
.
اواه من شي ٍ دهاني قبلك
كن الخفوق يشب فيه الصالي


صح لسانك

ابيات جميلة جدا

احترت وش اقتبس منها

يعطيك العافية

جبرني الوقت
01-30-2010, 01:53 AM
راجي الوصل

حياك ربي من جديد ...

وصح الله لسان على هذه القصيدة الجزلة ...

واشكرك على إتحافنا بما لديك ولا زلنا نطمع ونتوق للقادم ...

إحترامي