رسالة الى قلبي !!!!!!!!!!!!!!!!!!!!!!!!!!!!!!!!!!!!!!!!!!!!!!!!

[راجي الوصل]

نظمت قصيدة وارسلتها الى قلبي قلت فيها :
. . .
. .
.
احْد(ن) حياته مثل من يطلع جبل
واحْد(ن) حياته مثل مشي المستريح
.
احْد(ن) تضيق بعيشته كل السُبل
واحْد(ن) طريقه سالكٍ سهل ٍ بريح
.
واللي قبَـله الله يازين القـَـبَـل
واللي تحدى الوقت لو يحذر يطيح
.
عز الله بتاتيه حسراته دبل
لاصكته بقعا ايلين اصبح طريح
.
هذي هي الدنيا ومن يجهل خبل
ترى مصايبها تكاثر ماتبيح
.
كم واحدٍ مما تسويه انهبل
وكم واحدٍ من فعلها يمسي جريح
.
وكم عودٍ اخضر من سواياها ذبل
وكم وجهٍ اتبدل بعَـد ماهو مليح
.
يا آه يا دنياي وش في المقتبل
ان كان ساقي صيّره وقتي كسيح
.
يا خافقي يا اللي على الهم انجبل
خذها على المكشوف بالقول الصريح
.
ارضْ بنصيبك لو غدا همك جبل
واقرب من الله كان ودك تستريح
. . .
. .
.
شعر /
راجي الوصل

[نواااااره]

هلابك ياراجي الوصل

و صح لسانك والله

[المسكت]

هذي هي الدنيا ومن يجهل خبل
ترى مصايبها تكاثر ماتبيح
.
كم واحدٍ مما تسويه انهبل
وكم واحدٍ من فعلها يمسي جريح


حكمه من حكيم

لا أجد إلا أن اصفق لمشاعرك بكل حراره

دمت وافي راجي الوصل ولاعدمنااك

إحترامي