((مـــن فوائد نادي الهـــلال))

[المسكت]

رئيس الرياض بشجاعه:الجابر دمر المنتخب
اامير فيصل بن عبد الله رئيس نادي الرياض
رجل صريح
وقال بالحرف الواحد في جريدة الرياضيه اليوم
ان سامي الجابر يشيل ويحط اللاعبين على كيفه
في المنتخب السعودي النكبه خلال كاس العالم


وهو السبب في تردي المنتخب
وهذا هو السبب الحقيقي
الذي تجاهله الجميع
على شان خاطر الهلال

واخترعوا مشاكل مالها اصل
من اجل التغطيه على الموضوع
ولجنة التطوير ايضا لم تتشكل الا في اعقاب اخفاق المنتخب

الغريب والعجيب
ان المسؤليين يتجاهلون الاسباب الحقيقه
ويقولون الاحتراف ومشاكله
ومعاناه الانديه

كان لازم يتعاقب الجابر
عقاب رادع

الجدير بالذكر
ان الامير فيصل
تطرق الى الحديث عن الحسد والغيره
لدى اعضاء شرف الهلال
وهو شي ليس بالغريب عليهم

ويريدون تدمير اي فريق

نصر او رياض او اهلى الخ
المهم تفضي لهم الساحه

وبعدين يلعبون لحالهم
المسكت

[المحترم]

اهااا
يعني الثمانيه كلها من تحت راس
سامي وأبو دعيّع :} K)
هيّا رقعها اما هذي يابن معتوق ..
شوف اللي قال الكلام .. مصدر مسئول
لاتقلي كيني ميني ..
كبتنية المنتخب من الان فصاعد
بنحولها نهائياً ..
يمكن نرشح الخوجلي كابتن as)

شكراً يالمسكت
وبصراحة كلام خطير وما ينسكت عليه K)

[علي معتوق]

الله واكبر يارئيس نادي اسي ميلان لبن !!

الان اعضاء شرف الهلال غيرانين منك انت وناديك as) as)

من اعضاء شرف الهلال الامير محمد العبدالله الفيصل فهل ينطبق عليه الكلام يا مسكت ؟

أهم شيء نتمنى لنادي الرياض التوفيق وكفاية عليه ياخذ كاس الدوري ويترك كاس الاتحاد للهلال الغلبان اللي ما عنده بطولات as) as)

تحياتي للمصادر المسئولة bgfgt)

[المليحي]

المسكت
والله ان ريحتهم كانت طالعه من زماان
لكن ما فضحهم غير كاس العالم
والا اخوينا معروفين ما فلحو غير في m) وعفاك
تحياتي لك على الموضوع

[صالح آل سلمان]

اخي المسكت ارجوا التزام الصمت فانت امام الهلال العملاق
او سوف احذف موضوعك نهائياً وقد اشطب جميع مشاركاتك0
( فكاهه وعلى شان تصدقون انني اضحك هههههههههههههههه
اخي العزيز انا قرات الموضوع وكلامك صحيح ولا اقول الا
الله يفضح الجوهر فضيحة كل يسمع بها ليش يترك سامي يتدخل
اما الدعييع اخي المحترم لم تفهم الموضوع قال الامير انه احبط معنوياً ونفسياً ولم يهتم بهذا الجانب مما جعله في حالة عدم تركيز
وفي النهاية الله يعز الهلال الزعيم
تقبلوا تحيات http://www.montada.com/customavatars/avatar2_0.gif دباس الجارح

[العذب]

ياشباب أنصحكم ترى الموضوع

سياسي بشكل ماتصورون أبعدوا عن المشاكل ( أبعد عن الشر ياعمري وغنيله ) وتراني أقصد العمارية مو " عُــمري "


وإذا عن الدوري السعودي والله ماعندهم وعند كهيلنا لاعادوا يلعبون بالرهوة

خل عنك وأشترك بـ orbit و art
وأتفرج على الدوري الأوربي والأسباني والإيطالي والأنجليزي
بلا دوري سعودي بلا خراط

وأرفع البندق انت وهو :}

[ساهر الليل]

مسكت /

تصدق إني غصيت .. يوم قرأت العنوان !!

فوائد !! وللهلال !!

ماتجي .. حتى في العنوان !!

وبصراحة يعطيك العافية .. انك قدرت تركبها كذا مع بعض !!

تحياتي .. الرياضية !!

[ابو تركى]

يعطيك العافيه ومقصرت
وعلى فكره المنتخب يوم لعب معى السنغال فاز 3-1لانه ماكان فيه
ولا هلالى وهذا يعنى لو نشوى الهلال وطقته ماجانا الى جانا s0)

[صالح آل سلمان]

تكفى يالعالمي الي جنن الانديه
تصدق وش رجع به النصر من بطولة العالم ( اذن الخوجلي) يعني ( مسمع) الي قعد يطوفبها الملعب كأنه حامل كاس العالم00
هههههههههههههههه
وش راي ابو تركي
والاهلي ما ودي اقول شئ لانه اقرب نادي لي بعد الزعيم000 ولا ودنا نتشره منه الوقت الحاضر0http://www.montada.com/customavatars/avatar2_0.gif دباس الجارح

[بحرالعيون]

الله يرجك يادباس الجارح والله انك صادق قالو العالمي والله ماعنده سالفه وانا معكم احترم النصر لاكن الهلال شئ ثاني شوفو الهلال وبطولاته والنصر وبطولاتهوشوفوا الفرق كل بطولات النصر صحون وشكرا اخوكم/سعد العمري من القوباء

[الزير سالم]

المليحي صادق اشربها وتوكل بس هذا فبسي والامترندا ؟؟
ترا الهلال سمعته أكبر منه ومشكلته مايعرف يلعب إلا إذا صار الحكم من عندنا ‍‍‍ * سامحني ياولد معتوق أدري انك ماتشرب المشروبات الغازيه

[المهاجر07]

أقووول الهلال من أسمه هلال يشع شع
في أرجاء الكره السعووديه
وانا ابغى افهم ليه حااقدين عليه

يا اخوواني اللي يلعب صح نقووله صح
صح ولا مو صح


الله يهديكم أطلعوو من السياسه

المهاجر07

[سلطان القلوب]

أضم صوتي إلى صوت المطلا ...
بالا رياضه سعوديه بلا خريطي ..والله ما عندهم سالفة كلهم لا هلال ولا نصر ولا غيرهم ..

إذا فيه فريق ممكن يكون زين فهو الإتحاد وغيرها من الفرق ..ما لهم داعي ..

[الحب الحب]

مع إحتامي للكل

لكن إلا الهلال لاحد يغلط عليه

هذا فريقي المفضل

ودائما أعداء النجاح واجد

أما بالنسبه للجابر والمنديال

فحصل نصيبه الجابر وما قصر محمد نور

ضربه حتى إختلف وطعنه بسكين علشان إنهم مسكنين الجابر في غرفه معزوله

والباقين مشتركه ...وغطوا على السالفه وقالوا زايده

والله منتخبنا راحت أيامه مع النعيمه وماجد

ونردد ياليل ما أطولك حتى نفوز بكاس

الحب الحب يتمنى للجميع التوفيق

[عائض شداد]

تحياتي يالمسكت ...........
وبالنسبة للهلال ...............
هلال مين احنا النصراويين ...............

بس وش تقول عاد للي ماعرفوا الكورة الا من سنين .........
بس التاريخ ما ينسى .........

[عائض شداد]

هلال مين ............
احنا النصراويين ...............

الله يسلم الحكام والصحافة .................
أي نجاح يأتي بسلب جهود الفرق الاخرى
ومساعدة الحكام ................
واذا تبون نرجع للتاريخ ماعندنا مانع ........
الا بالمناسبة :
كم بطولة شرعية حققها فريق الزعيق ــ عفوا الزعيم ـ

[الalwaafiـوافي]

المسكت

الله يسكتها بالعوافي ...

لما ذا لم تقل من فوائد سامي والجوهر والشباب ؟؟؟؟

الهلال له مكانته وتاريخه العريق !!
وكذلك بقية الانديه لها مكانتها وتاريخها العريق !!

ارجو ان ينسب الخطاء للشخص نفسه فنحن الهلاليون لسنا نعتز بسامي واشكاله من البهايم اللي ماهم الواحد الا كيف يشتهر !!

اخي انت تعرف والجميع يعرفون ان الهلال لم يظهر بسامي واشكاله من الجيل الجديد وكذلك بقية الانديه !!

نقاد عيب الناس عيبه ما يشوفه !!

تحياتي لك وشكراً على هذه الفائده .....



أبو عُــــــــــــــــــــــــدي

[المسافر]

السلام عليكم ورحمة الله وبركاته

المونديال راح بخيره وبشره ولكن ليس من المعقول ان نتطاول على اندية

لها تاريخ كبير واقصد هنا الراقي (( الاهلي )) واخص بالذكر مشرفنا

الغالي (( دباس )) . نتمنى ان يكون الموضوع اكثر عقلانيه وتركيز

لكل نادي سواء الهلال او النصر او الاهلي لهما من الجماهيريه والشعبيه

الجارفه التي لن ترضى على عشقها بالتطاول ابد .

الاخ على معتوق : الامير محمد عبدالله الفيصل من اهم اعضاء شرف

الاهلي وليس الهلال .

آآسف جدا للمداخله ولو انها متآخره ولكن لكي لا نجعل هذا المنتدى فرقا

للتعصب الاعمى الذي يمتاز به مشجعى الاندية السعوديه .

ولكم تحياتي