حرمتني حتى الخشـوع بصلاتـي

[عاشق ثرى الديره]

من زود حبّك جيتـك بكـل ذاتـي
واشكي غيابك يابعد كـل مزيـون


خلّـك رحـوم بحالتـي يامنـاتـي
طال الغياب وضاق بعيوني الكون


ليه الجفا وانـت الوحيـد بحياتـي
مدري تغلي أو دلع منـك وفنـون


يازيـن ارحـم حالتـي ياغناتـي
يكفي تعذّب واحـدٍ فيـك مفتـون


حرمتني حتى الخشـوع بصلاتـي
واسهرتني يـوم الاوادم ينامـون



عقلي ثقيل وكـان أحلـى صفاتـي

وخليتني أمشي مع الناس مجنون






يآلغالي لو فـي وصالـك وفاتـي

راضي ولا أقبل غير قربك وممنون






الموت عنـدك راحتـي وامنياتـي

ومعك الدقيقه تنشرى بالف مليون






ترفّق بـي ليـن اكتـب وصـاتـي

واطلب سماح اللي يبي منّي ديون






ومن بعدها لـو تحكم علي بمماتـي

عمري وكل اللي تبينه لـك يهـونون

[Oscar]

يآلغالي لو فـي وصالـك وفاتـي

راضي ولا أقبل غير قربك وممنون






الموت عنـدك راحتـي وامنياتـي

ومعك الدقيقه تنشرى بالف مليون

عاشق ثرى الديرة

رائعه بيض الله وجهك وصح لسانك

يا غالي لا غرب في ذلك فقد تعودنا

اكثر من هذا بكثير فلا تحرمنا

جميل ما عندك . تحياتي.

[عاشق ثرى الديره]

اسعدني مرورك الكريم عمري ولا احد قدي

بارك الله فيك وهذا قليل مما عندكم

تحياتي لك