خنجر وسط الضلوع

[الموج الأزرق]

ياسعيّد انا اليوم جيتك ولا ابغى محاورة=
واقول رداً واحد كافياً يشفي اللزوم=
وش حيلة اللي يرقب الصبح من قبل الظلام=
افهم كلامي وانت فاهم وللمعنى فهيم=
ياخوك انا منصاب من خنجر ٍ وسط الضلوع=
وماهي كما الخناجر الا.. ترى اشبا مالسيوف=
من عدة اعوم وانا في تفاكير وهبال=
والناس من حولي تقل ذا غشيم ومهبله=

[صالح آل سلمان]

صح لسانك يا شاعرنا
وفي انتظار المبدع ابو ريان
لاكمال المحاورة
تقبل مودتي
ابو عبدالله

[أبو ريان]

يامرحبا باللي نظر مقدمه وامحا وره=
من يلزم الونعم بعلمه فترني به لزوم=
ما ودي انبش قول هذا جحود وذا ظلام=
الشور مني ان كان هايم بدربه لك فهيم=
تنحل بإذن الله وين الدلايل والضلوع=
ما ينقش الخاطر يكون العذاب ومس يوف=
للونعم انهض له واناديه واحط له بال=
واحد على اللقمة يدور وغيره مهب له=

[صالح آل سلمان]

للونعم انهض له واناديه واحط لـه بـال

واحد على اللقمة يدور وغيره مهب لـه




صح لسانك لا عدمناك
رد ممتاز على بدع رائع
تقبل مودتي
ابو عبدالله

[الخطاف]

خشعني + ابوريان
صحت الألسن والأبدان على هذا الأبدع المنقطع النظير
ونقدر هذا الحضور وهذا التواجد المستمر في قسم الشعر
ومثل ما يقولون الحي يحييك فلا عدمناكم ولكم تقديري

[الموج الأزرق]

شاكر ومقدر لكم يا أحباب
أبو ريان أبدعت في الرد ولكن الأيام بيننا هههههههه.