يله الكل يستعد ترى الدراسه بدت...وه

[<>شمس الفجر<>]

لكل أم ...لكل أب...لكل أخ وأخت..بل لكل أسرة ومن يتحمل مسئولية طالب...........طبعا أكيد كل منكم حاط يديه على راسه ويقول بدييييييييينا على الحنه والرنه ادرس ياولد وراجعي يابنت...وهم يحليلهم يصارخون الود ودهم يحرقون الكتب اللي بيدينهم واعطيكم هنا بعض النصائح واللي مجربينها ومازلنا نمارسها مع اطفالنا اللي بالبيت...ووالله صصدقوني هذا الاسلوب يكفل لكم ولابناؤكم خصوصا الراحه...وراح نظرتهم تجاه المدرسه وضغوطها تختلف إلى حد ما ....وتقل نسبة تذمرهم من المدرسه وتكاليفها لان كل شي بالوقت وراح تكون عندهم الفرصه الكافيه للعب ....الخ وكل مايحبونه ..وماعليكم سوى تعويدهم على
1=أو مايرجع من المدرسه على طول وبلا جدال يدش الغرفه يبدل ملابسه / يتحمم/يتوضأ/يصلي.

2=يكون الغدا جاهز...يتغدى (يتناول غداءه) ....

3=طبعا ماراح يكون فيه وقت يحرق الاكل لذلك على طول ينام في حدود ساعه ونصف..وإذا كان يحب يعمل تمرينات خفيفة على السرير يكون افضل له...هذي الطريقة تجلب النوم على حسب تجربتي الخاصه..(بس مادري علميا صح ولا خطأ) .......

4=يصحى العصر في حدود الساعه 4ونص..يصلي/ ثم .يزاول اي لعبه او اي نشاط يحبه لمدة نصف ساعه وبعدين على الخفيف يشرب شاي او حليب أو فواكه شرط عدم أكل الحلاوة (الشوكليت)(يفضل الموز لانه يسعف الذاكرة) ..ويبدأ يدرس ..وما بين كل مادتين أو حسب الضغط ياخذ راحه لاتتعدى10دقائق علشان الوقت ... أو من الممكن بعد الصلاة مباشره ياكل خفيف ويباشر مذاكرة..وينتهي من وقت وبعدين يزاول النشاط اللي يحبه (أنا افضل هذي لان هذي الطريقه تجعله يخمر كل مادرسه ويكون أفضل )

5=وآخر خطوة يرتب كتبه ...وينااااااااااااام نومه هنيه وعلى الاغلب مابين الساعه 9و10

أتوقع انه لاجديد بالنسبه للأغلبيه في هذا النظام..........ولكن العنصر المهم فيه هو الووووووووووووووووووووقتhttp://www.shojoon.org/album/animation/mix/s_shojoon577.gif وتنظيمه يعني الشغله فيها حسبه.....وأفضل تخصيص منبه خاص (وطبعا الطلاب في مستوياتهم متفاوتين منهم السريع ومنهم البطيييييء أما البطيء هذا فالحل عندي وإن شاءلله في موضوع آخر
http://us.greet1.yimg.com/img.greetings.yahoo.com/g/img/yahoo/bs01.gif


تحياتي لكم
وعسى طلابنا كل سنه بخير
أختكم شمس

[المسكت]

يعطيك العافيه
شمسوووه
على التذكير
وعلى التوصيه

تحياتي لك وتقديري

اخوك المسكت

[دلع]

يعطيك العافية شمس فعلاّ موضوع في محلة
بس ذكرتي الكسلانين بالمدرسة كنك تعذبينهم
الله ذكرتيني بالمريول ذكرتيني بالبكل يوم كنت اشتريها بالدرازن اروح مرتبه ارجع بلا بكل (ربطة شعر) ذكرتيني بنوم العصر وسالفة الواجبات اه منك ياشمس

على فكره قدني تخرجة خلاص يعني مو طالبة

اشكرك على موضوعك فعلاّ نظام حلو تقبلي خالص تحياتي ولي رجعة انشاء الله

اختك

دلع

[الزير]

اخت شمس اعتقد أنك وضعتي خطة عمل رائعة وميسرة لكل طالب وطالبة
وتقنين جدول زمني اكثر من رائع ليوم دراسي كامل...... ولكن

في مجتمع كمجتمعنا يبقي مجرد نظريات لا تطبق لأننا نعاني من مرض
عضال وهو ( عدم معرفة أهمية الوقت ) ونحن لا نعلم اننا نعاني بل نتهم
من يصفنا بذلك بأنه مصاب بالجنون !!


اعتقد متى ما أدركنا أهمية الوقت سوف نتقدم ونرتقي مع الشعوب
لأن عـــــــــــقــــــــــارب الساعة لا ترجع الى الــوراء.

بقي ان اشكرك على تناولك للمواضيع التي تمس حياتنا اليومية وتهم كل
فرد منا وتعود بالنفع على الجميع

[<>شمس الفجر<>]

لمسكت..حياك الله والله يعافيك
ويله إن كان عندك(بثور ،عوال..
طلاب) روينا شطارتك وعطنا النتيجه
ودام النصيحة مني تراها ماتطيح الارض
(وحده واثقه)



?:)

[<>شمس الفجر<>]

مفارق الخلان..العفو
وتواجدك بين ماضع يبهجني
أما عن سؤالك...أقولك بصراحه ماأدري
لاني مو مختصه بهالسوالف
*********
بس اقولك رايي... ان هذا
الشي يتوقف على شيئين :الاول طبيعة الشخص نفسه =يعني جسمهم لديه استعداد للسهر
وفيه منهم جسمهم لايقوى على السهر فلا
يؤثر فيهم نوم الظهر.

الثاني:ساعات النوم مرتبطه ارتباط
قوي بذلك ..فكلما طالت مدة النوم ظهرا
شي اكيد على الاغلب راح يكون فيه سهر بالليل
وكلما قلت ماراح يكون فيه سهر

أما عن نفسي لايؤثر فيني الامرين وأحيانا
ما انام الظهر بس بالليل اسهر..(مثل اليوم
قاعده وبعدنب ماجاني النوم)
ولو نمت الظهر ::عادي انام بالليل يعني
الحال متقلب.

ولكن اقول يامفارق ترى النوم حق الطلاب
مهم لان خلايا المخ ترتاح وتتجدد ..فيكون
جهاز الطالب العصبي مستعد لانجاز المهام
بشكل أفضل
فلا تفوتون عليهم نومة الظهر
_________
وإن شاءالله يكون رايي صائب..وعلمني ان
عرفت الجواب
bgfgt)

[الفيصل]

شمسوووووووووووه

شكلك والله اعلم معلمة ابتدائي

يعطيك العافية على موضوعك الجيد والجميل في طرحه

تحياتي لك
الفيصل

[الـمـؤشـر]

يعطيك العافية شمس الفجرعلى موضوعك الجيد والجميل .

[الوفــــاء]

شموسة شو ها الخطط الخمسية الخطيرة..

تدرين بس انتى الحين رمستي عن الكبار اللي يقدرون يدرسون بروحهم بس اليهال هم الطامه الكبري وانا بصراحة خلقي ضيق في سالفة التدريس صحيح اني ما استخدم الضرب بس الصراخ عندي مشكلة عشان كذا خواني يتجنبوني في سالفة تدريسهم إلا في مادة الانجليزي ما لهم حل غيري فيتحملون صراخي شو يسون بعد ههههههههه



يعطيج العافية شموسة الغالية وننتظر تكملة الموضوع



اختج الوفاء

[<>شمس الفجر<>]

حيااااااااها الله الوفاااااااااا.........أفا عليج إلا خمسيه وبسسسس....عجييييييييييبه تراها مب إلا جيه وبس...........

بس صدقيني يالوفا هالكلام اللي قلته مطبقينه عندنا بالبيت صح إن الاطفال يطفرون الواحد بس المفروض السيطرة تكون من الكبار..ونحن اللي نلزمهم وإياني وياج تصدقين سالفة يوم يقولون ابتعدوا عن الضرب والعصبيه واعتمدوا على التعزيزات ترى اخرطي احيانا مابينفع هالكلام..وشبعنا من كثر مادرسنا هالوسائل بالجامعه وبعد ماتخرجنا طبقناها ولافادة....وهذا لايمنع استعمالها بل بالعكس هي مسانده.

يعني عطيهم العين الحمراشوي gv) وهم يمشون معاج بس لاتزودينها عاد.....واعطيج جرنتي بالكثير اسبوعين ويتعودون على السالفه ويمكن يستحلونها بعد...بس انتي خلي عندج سيطرة تجاههم . ... ولاتقولين صغاريه ومايسمعون الكلام ورووسهم يابسه أبدا.........

علشان كذا يالوفا انا تعمدت في موضوعي اخاطب الكبار(الوالدين الاخوة...الخ اللي لهم السيطرة على الصغار وهي مسألة تعويد لااااااااااأأكثر) ......وهالطريقة ترى مووووووشرط تخلي الولد ولا البنت من الاوائل وشاطرين لااااااا موهذا القصد...القصد فقط ضمان الراحة +ضمان أكبر قدر بقدر الامكان من التركيز والنشاط وقت المذاكرة (لان الكسل والشطارة تعتمد على الذكاء والدافع الداخلي)
bgfgt) ومررررررررررحبابج وفوووووووووووويbgfgt)