طلقها بسبب بنطلون جينز لبسته للعشاء

[أميرالأحساس]

طلقها بسبب بنطلون جينز لبسته للعشاء






طلق عريس سعودي زوجته في الأسبوع الأول من شهر العسل عندما أصرت على ارتداء بنطلون جينز أثناء خروجهما لتناول العشاء

رفضت الانصياع لرأيه فاحتد الخلاف بين العروسين وتمسك كل منهما برأيه وكان رفض العروس رفضا قاطعا أن تستبدل بنطلون الجينز بأي زي آخر

واتهمت زوجها بـ"التخلف" وقالت له "كل البنات يلبسن البنطال"فما كان من الزوج إلا أن ألقى يمين الطلاق على عروسه.

[انا الهوى الغايب]

طبعا واضح انهم خطبو وتملكو وتزوجو بيوم واحد,,,,يعني مو متفاهمين.


أمير الاحساس يعطيك العافيه.

[بنت السهوه]

الحمداللله والشكر والله من صغر عقل الزوج وحتى الزوجه بعد عشاان بنطلون طيب وش فيها لو لبسته
وحتى الزوجه يوم شافته رافض خلاص مو قضية تغيره بنات اخر زمن
تحياتي لك

[جاسر الغراني]

التفاهم بينهم غير موجود .

المرأة في مثل هذا الموقف ، لا تستخدم العناد .

ليس كلامي من ناحية المرأة تعصباً ؛ بل الأمر واضح في أن الحل هو لين الجانب من جهة الزوجة ( في هذا الموقف ) .

أميرالأحساس .. شكراً لك ..

[بہرسہتہيہج]

ههههههههههههههه
شر البليه مايضحك ..

ماقصر هو على العموم ..

[آل غيهب]

لو ماطلقها اليوم بيطلقها باكر
عنيد وعنيدة مايتفقون أبداً

[ريانة العود]

يالله في صلاح الذر
.

[دمعة حائره]

احسهم بعقليات أطفال

اللهم عافهم ولاتبلانا

[حاكم السلطان]

الله يأخذ اعمارهم كان ساروا تعشوا وصدروا

[جروح ماتروح]

لاحول ولاقوه الابالله

والله الطلاق صار زي شربه المويه

[القرش الصغير]

والله من الجهل

يسلمو على مواضيعك الحلوه مشتاقين لهالمواضيع

[أبو ريان]

إذا الموضوع صحيح فعلاً فأعتقد بأن كلاهما مخطئ ..
وأرى بأنهما استسلما للشيطان ولم يحكما العقل لحل مثل هالإشكال اللي ما يستاهل أصلاً ..
احترام وجهات النظر بين الزوجين عامل هام من عوامل نجاح الحياة والتعامل بالأمر والنهي على مستوى العلاقات بينهما أمر سلبي جداً وغير منطقي فالزوجة لها منطقيتها ولابد من احترامها وكذلك الزوج ولكن أن تصل الأمور إلى درجة أنا كلامي اللي يمشي هكذا لله فالله فأعتقد بأن ذلك غير جيد من الطرفين ..
لك التقدير ..

[أمآبعد ㋡]

ماظن انه في ناس بهذا العقليه بكل صراحه .
وإذا في عالم يفكرون مثل كذا فتحمد ربها انها ماكملت ..
مع واحد صاحب عقليه متحجره ..
ومن الطبيعي ليه تعابط زواجها وليس كل رجل ان يفرض على زوجته اللي في راسه واهل العقول في راحه ..
أمير الأحساس .."
يعطيك العافيه على الطرح

[غلا.....ي]

الحياه تفاهم مع اي شخص فما بالك مع الزوجه .. التي تعتبر دنياك الوحيده ...
هنا الأثنين لكم عليهم بصراحه ( الدعوى مسكت عناد ) أذا ما يقدموا تنازلات من بدايتها
فالفكه من بدري احسن .. رغم انه دخل بها .. يعني انتهى الضمان ...
بس مافيه رابط بينهم هذا إن كان ما حملت في ذا الاسبوع ...
لي رأي .. أن الملامة على الزوج وبنسبة كبيره .. يعني وش المشكله لو لبست الجنز
هل عشان المفهوم العام عند الناس انه عيب وان الجماعه يعيبوا .. ياسيدي يعيبوا على
الناس والعيب فيهم .. والأغلبيه حتى منهم فوق سن الأربعين وجسمها يساعد تلبسه ...
ما اشوف فيه شي وعند الركوب والنزول من السياره خاصة السيارات الكبيره ..
ترفع رجلها لين الدور الثاني وتطلع عورتها .. لو لابسه جنز كان استر لها من وجهة نظري ..
أحدهم الله يجزاه خير قال في احد المناسبات .. تخيلوا كثير بنات سار لهم حوادث لابسات
جنز هههه طيب انحفش لين الركبه ولا ايش قصده ... يبغاهم يلبسون تنانير عشان ما ترجع الا
من نحرها ... وكل مناسبه وكل طلعه وكل حادثه لها ظروفها أعتقد ...
يفترض التعقل والنصح بطريقه بها بشاشه وبطريقه فيها لين وبطريقه تقبل .. العناد ماعمره
يحل مشكله أبد ... والدليل أنها كثرت حالات الطلاق والشكاوي والمشاكل ...
لك التقدير ..

[صاحب الكلمة]

الله يفشلهم نعم كانوا تعشوا ورجعوا البيت وتفاهموا الخبلان
ههههههههههههههههه شكرأ امير الأحساس

[الأزدية]

ما منعها الا من دافع الغيرة والحرص عليها

ولو كان جنزها ساتر ما منعها

والشرهة على من رباها وعودها على الخروج

بهذا اللبس بحجة ان البنات كلهم كذا

[ليالي جنوبية]

صغير عقل وتزوج صغيرة عقل

[أميرالأحساس]

الله يعطيكم العافيه على توااااااااااجدكم جميعاااااااااااااا

[أرياف الجنوب]

الاثنين غلطانين وكل واحد تفكيره اخس من الثاني

لكن كان على الزوج بما انه السلطه بيديه ان يخليها تمشي رايها هالمره ويتركها
وكان إمكانه معاقبتها فيما بعد بأي شي اخر وبطريقه تجعلها ماتكرر عاندها.

الحين ايش اسفادو الله لا يبلانا

[عطـ‘ـر آلـورد]

يحسب الرجوله يفرض رأئه والا... ؟
صراااحه مو رجال اللي كذا
ولابد من التفهاهم بهدوء والبعد عن العنااااد !

فاائق تقديري ~

[نوووسه]

شكلهم باقي كتاكيت :P
وكلن يبي يكون المسيطر
الله لايبلانا

[فجر]

الله يكن فى عون اهله واهلها وياما جاب الغراب لمه على قولت اخواننا المصريين


صراحه كلاهما غلطان ويبغاله إعادة تربيه كيف إن المشكله اكبر شويه ياترى إش كان صار

غير الطلاق

اللهم اهد شبابنا وشاباتنا يارب

اخى الفاضل لك التقدير

[صدى الأمواج]

مافيه بينهم اي تفاهم..
المفروض انه يسمحلها تلبس والواجب انها تطيع زوجها وماتلبس..

ألف شكر لك على هذا الطرح الرائع..

[بنت آل الشيخ]

خخخخخخخخخخخخخخخخخخخخخخ أهل العقول في راحة

[الادهم الازدي]

تستاهل والمفروض هي تسمع كلامه
من اللحين بدت تبرز عضلاتها عليه وقوتها
هه حريم اخر زمن عساني عيد ايده

[أميرالأحساس]

أشكر الجميع على التواجد لكم تحياتي