من روائع محمد الدحيمي

[أسير حبك]

للترف خيل غدى مركاظها صدري=وطيور شوقي غدى مقيالها عيونه
لبا جفونه ولبا طبعه الخدري=ولبا سواد رقد في خدري جفونه
اثره بظحكة سنونه حافر قبري=ولا كنت اظني باموت بظحكة سنونه
شرهة متونه...على شلالها الخمري=وان نثرته الهبوب مرده متونه
جيت اجبر الكسر لكنه كسر جبري=مجنون والحظ ساقه يم مجنونه
يتفنن بلوعتي واتفنن بصبري=حتى غدت لوعتي من اجمل فنونه


لا رحم ابو الحظ ساق الهجر من بدري=شيد جسور الجفا من دوني ودونه
واقفيت لاني كفيف ولاني ببصري=ليا منعني الحيا ساقتني المونه
جهمت اسوق الخطا بالدرب واهذري=(تكفون ياللي خذوا خلي تردونه)
ابطى وخلى سؤال يلهث بصدري=مدري يصون الغلى مدري هو يخونه
ويوم اني اسج بين ادري وما ادري=عقب البطا جا يقول:الدار وشلونه
قلت انت دارك هنا واشر على صدري=قال انت دارك هنا واشر على عيونه

[المسكت]

اختيارات رائعه
اسير حبك


يتقبل تحياتي لك

ويعطيك العافيه
على ما نقلت

اخوك المسكت

[القوبائي]

اختيار موفق اسير حبك


وفي انتضار المزيد

تحياتي

[أسير حبك]

القوبائي

المسكت

مشكورين على مروركم وتعليقكم





أسير حبك أسير حبك

[القفلي]

فعلااابيات في غائت الروعه وتستاهل الاطلاع واشكرك من قلب اخي اسير حبك على اختيارك الرائع وكلك ذووووووووووووووق
تقبل تحياتي
اخوك القفلي