يا صالح السلمان %%%

[الموج الأزرق]

ياصالح السلمان بانشدك عن عدة علوم
عن فارس قد مات ياخوك من عدة عصور
تنسب له الابطال وانت وانا معكم نسيب
والثانية بانشدك عن معلماً يحكي قصاص
متشومخاً ماغيره كثر هبّاب الهبوب
والثالثة بانشدك عن بارز والجن به
والرابعة بانشدك عن واقفاً ومعه زميل
تقدر تقول انها تحيط البلد بالدايرة
وتقدر تقول انها هوية قديمة قادمة


ملاحظة النثر مقبول من صالح آل سلمان والشعر مقبول من الشعراء
وسلامتكم.

[المحترف]

الشاعر القدير والقلم الفكاهي الحميل خشعني عنكم

اشكرك على هذه القصيدة الجميلة

فيها تسؤلات لمديرنا القدير الأخ صالح

وفيها رمزية ربما يفهمها أبو عبدالله أكثر من أي شخص آخر

تقبل فائق الاحترام ....

[مصاص الدماء]

صح لساااااااااانك (:
ونشوف الباشا ايش راح يرد (:

[ابوفهد العمري]

خشعني
خذ الاجابه وان شاء الله انها صح0

تنشد عن اعلوم وانا اعطيك من عندي علوم
تر جدنا ياخوك قد مات من عدة عصور
وخلف بني عمرو الهول يوم كل له نسب
والمعلم المطلوب كامل ولا فيه انتقاص
هذاك مطلانا الى قيل في الدنيا جنوب
والثالثه حرفه بريع وجد الجن به
والرابع الضورين يا شامخ من دون ميل
من شافها من الناس ترجع قلوب حايره
وتقول لابد الزيارة سنين قادمه

[صالح آل سلمان]

اولاً فوالله ماني شاعر
بس خشعني صابني في مقتل
يدري اني احب الالغاز واحب الشعر
فجمع الاثنين ووهقني
الحل معروف والشعر مشحوح
بس حاولت على قد الاستطاعه
ولا تضحكون من شعري فنختصم
المهم
استلم يا خشعني عنك انت وعلمك

اقول
يا مرحبا يا ذيب ( ن) يعلم علوم
اجدادنا يحكون لنا اسطورة عصور

عمر ابن الحجر فارس ويفخربه نسيب
وانا افتخر بمن حطه العمري للتركي قصاص

شجعان في المطلى فزعاتهم مثل الهبوب
يا ليتني مع وليفي على حرفه واجن به

اخيلك مثل الظور شامخ ومعك زميل
لا تحترك من مكانك فاشتكي للدائره
لو تلتقي يا ظور مع رفيقك فالقيامه قايمه

والمعذره والله اني ميت من الضحك على الشعر المكسر
ابو عبدالله

طبعاً اكيد الناس ما فهمت من شعري واعذرهم
الفارس هذا طال عمرك جدنا عمرو بن الحجر
والمعلم هو جبل المطلى
والبارز هو جبل حرفه
والواقف معه زميل فهي الظورين

[أبو ريان]

صح لسانك خشعني عنكم ..
قصيدة جميلة ورائعة ومبنية على احساس وافي الذوق فالله يعطيك العافية ..
رائع والقصيدة رائعة وتساؤلاتها قمة وجمال ومنطقية جميلة جداً ..
أبو عبد الله ..
حلها لي بالعدد ولاّ بالاسما ولاّ وقعي لي وانا بأحلها ..
تقديري ..

[صالح آل سلمان]

ابو فهد صح لسانك
واقبله يا خشعني بدل ردي
اعتبره لي
شعري انا وابو فهد متخاشرين فيه
يعني ما تقسمنا
تقبلوا مودتي
ابو عبدالله

[صالح آل سلمان]

بو ريان اخاف ان ودك بالختم
الله يعين على اهل الخميس
المهم لا يمنع نشوف اكثر من رد
فلا تبخل لانك شاعري المفضل
ولا يهون ابن عويش
تقبل مودتي
ابو عبدالله

[الموج الأزرق]

الأحباب أشكركم جميعاً وأشيد برد أبو فهد ورد صالح آل سلمان

ولكن الحبيب أبو ريان أتمنى أن يقبل هذه كعربون محبة ههههههههههههههههه


يا مرحبا ياصاحباً نعرفه وقت اللزوم
اراقب النجمات بالعين وانت لي تدور
الله ذا سيّر مقاديرنا مع النصيب
يا خي سعيّد بعض الاحيان تهديني رصاص
مافادني طب المداوي وهايم في الدروب
ياصاحبي بعض الحكى اهايبه واظن به
مرة نرقيها سنود ومرات تميل
اخاف صحبتنا معاكم تصير معايرة
يا من يبرّدعلمنا دين انا لاصادمه

[صالح آل سلمان]

ابو ريان اذا كان هذا عربون محبه
فحليلك
وخشعني عنكم ماهو بسيط وشاعر كبير
ابو عبدالله

[بنت الشيخ]

ياصالح السلمان بانشدك عن عدة علوم
عن فارس قد مات ياخوك من عدة عصور
تنسب له الابطال وانت وانا معكم نسيب
والثانية بانشدك عن معلمٍ يحكي قصاص
متشومخ ٍ ماغيره كثر هبّاب الهبوب
والثالثة بانشدك عن بارز والجن به
والرابعة بانشدك عن واقفٍ ومعه زميل
تقدر تقول انها تحيط البلد بالدايرة
وتقدر تقول انها هوية قديمة قادمة


ملاحظة النثر مقبول من صالح آل سلمان والشعر مقبول من الشعراء

وسلامتكم.

قصيدة رائعة واسمحلي بتعديل بعض الكلمات نحويا ليستقيم المعنى فالمجرور يجر بالكسر طال عمرك

تقبل مروري وشكرا

[الموج الأزرق]

هلا بنت الشيخ
والنحو أنا أعلمه أكثرمنك ولكن قصائد العرضة لاتتطلب تعديل وشكراً لك.

[صالح آل سلمان]

بنت الشيخ الله يعطيك العافيه
كويس كشفتي لي بعض نقاط الضعف عند خصمي
من شان المرات القادمة
خلاص نصبت نفسي من شعراء بني عمرو
ولا اقلكم بطلت اخاف على قطعت ارزاقهم

[بنت الشيخ]

بسم الله على وم جابتك

اوك خلك متشومخا يابو العلم كله بس لا تنشر اللحن في لغتنا العربية!

[الموج الأزرق]

لو سمحتي أنا ما أحب أحد يتكلم في أمي

هذا رابط لموضوع قبل شهرين وقد أشرت فيه بأن الأخطاء تكون متعمدة في القصائد الخاصة بالعرضة لكي تفهم لمن يشاهدها فمن يشاهد ليس كمن يسمع
http://forum.baniamro.com/t53940.html

بعدين أنت أتمنى أن تراجعين تعديلك ففيه خطأ ولكن أتركه لك لأنني اعتقد بأنك لا تدركين ماهي حروف الجر .

[ابوصاهودالعمري]

دق الزير يااااااااولد
ابو عبدالله شكلك تسمع للخراشي واجد
دمتم لنا فخرآ ايها الاعزاء

[صالح آل سلمان]

ابو صاهود
شرهتك على ذا يسمع لاحد
الا يا ربي اذا حضرت حفلة وشاركت في المعراض
اما اني اقتني اشرطه ولا اسمع فلا
بس قررت اكتسح الساحة الشعريه
بس الان محتار في من يزاملني
تقبل مودتي
ابو عبدالله

[بن خشيـل]

كانت لغز وصارت محاره ساخنه !!! هههههه

[بن مذكر]

صح لسان الشعار
مشكوووووور ين والله يعطيكم الف عافيه

[الخطاف]

الاخ العزيز خشعني عنكم
مشكور وصح الله لسانك على هذا اللغز المُحكم
والشكر موصول لأبو فهد وصالح السلمان وبيض الله وجيهكم جميعاً
واحسن شئ اكتشفنا ان صالح السلمان معه جنية شاعره بس شكلها تربّت في المدن عشان كذا ما يحب الشعر كثير
اما ابو فهد فجنيته الله اعلم انها من وادي بالكاشح
وترى ياخشعني كنا نفكر ان فيه جائزه للي يحل اللغز
لكن تراك مسموح عشّنا أربعة ولا خمسة خرفان ياللي شاهدنا الموضوع والأخوان اللي حلو اللغز
والله يخلف عليك ان شاء الله

[الموج الأزرق]

أشكركم جميعاً وسعيد بتواجدكم العذب
أما شاعرنا الخطاف فأقول آمر وستجدني تحت أمرك

القصيدة الموجّهة للحبيب أبو ريان لازالت تنتظر فارسها أبو ريان ولكي يصبح هذا الموضوع منوع وغير ملزم لأحد
فهذه قصيدة أخرى مغايرة تماماً للقوافي السابقة ومن أراد الرد فمرحباً به ومن أراد النقد فلينقد ولكن بشرط أن يكون ناقداً بارع لأنه ليس من المنطق أن ننصب أنفسنا نقاداً ونحن نفتقر لمبادىء النقد



القصيدة تقول

يا كل مغرور تجنّب دروبنا
وبانصحك من الكبر فالكبر مالهلاك
ماتدري انك في عيوني كما الذباب
حتى ولو رفعت خشمك على العباد
يجيك من يعطيك معنى يصحي راسك
والخير موجود وقد وصل راسنا

[ابو حماطه]

صح لسانك خشعني ويعطيك العافيه

[صالح آل سلمان]

واحسن شئ اكتشفنا ان صالح السلمان
معه جنية شاعره بس شكلها تربّت في المدن عشان كذا ما يحب الشعر كثير



الخطاف لا عاد تكشف الاسرار
صح انها متربيه بالمدينه
بس لها قرابه في حرفه
ههههههههههههههههه
الله يضحك سنك كم ضحكت على ردك
تقبل مودتي
ابو عبدالله