نوم بالنهار وسهر بالليل

[العزابي]

نوم بالنهار وسهر بالليل
أخي العزيز كيف قضيت العطلة ؟ وما لذي ستفعلة في بقية العطلة؟...
أحس انه أنتابك شعور طفولي عندما سئلت عن هذا السؤال.. إليس كذلك؟
وهو سؤال دائماً ما نسأله في بداية كل سنة دراسية جديدة. خصوصاً في حصة
((التعبير والإنشاء)) إلا أن هذا السؤال يحمل الكثير من المعاني وله العديد من
المغازي .
فأنت أخي الشاب أجب بكل صراحة وبكل صدق وبكل أمانة وبكل إخلاص كيف
قضيت العطلة وأين قضيتها ؟
كم كتبت قرأت ؟
كم دورة تعلمت ؟
وكم مهارة تدربت ؟
إن الفراغ في الإجازة يجعل الشاب في حالة فوضوية .. لايعرف كيف يرتب لنفسة
أو لأوقاته .. دائماً يقول إنه فاضي ..
وشبابنا في الإجازة يقضي النهار في صراع مرير مع السرير متقلباً يمنة ويسرة ..
وأما في الليل فهو يسهر في الشوارع والطرقات وفي الإستراحات ..
أخرون يقضون أوقاتهم في مشاهدة الفضائيات وعلى (( البلاي ستيشن )) وبين أشرطة
الفديوا .
بينما نجد أخرين استغلوا أوقاتهم بما يفيد وينفع .. عملوا في النهار واستفادوا من أوقاتهم
ليلاً 0
أخوكم اسير الحزن
منقول بتصرف من مجلة شباب العدد الخامس والخمسون

[القفلي]

بصراحه انا كل وقتي كان في عملي وبيتي لم احصل علي اجازه الا علي عشرة ايام رحت الديرة ورجعت وعلى قولتك الليل سهر علاشن الرياض ليله نهار والعكس
شكرا اخي اسير الحزن
اخوك القفلي

[الوفــــاء]

انا بصراحة قضيت الاجازة بين جدران البيت والاستعداد للاعراس عشان تدرون انتو بعد الصيف كل اللي يبا يعرس كان مأجله للصيف ههههههه


شو بعد ايه المنتدى كان ماخذ تقريبا كل وقتي اما بالنسبة للتلفزيون انا ما وايد متابعة له يعني امر عليه مرور الكرام...


وطبعا الصيف بعد تكثر الضيوف ...


شو بعد يا الوفااااء ما ادري بس طبعا انا اعشق القراءة بشكل كبير وكنت بعد اقراء وطبعا النوم الشئ الحلوووووو في الاجازة ليش انه الجامعة على الابواب خلاص ...







الوفااااء

[المسكت]

والله ولا كتيب قريت
وبعدين الطلبه ما يحسبون على الله
تجي الاجازه ويطشون الكتب تبيهم
يروحون يبحثون عن كتب يعني

كثر منها
طالع بالشوارع نهايه الاختبارات
كلها اوراق ممزقه
عدت الاجازه على خير
وانا مقابل هالشاشه



تحياتي لك


المسكت

[سلطان القلوب]

بصراحة الديرة ماتساعد الواحد عشان يطور نفسه .. الواجب إن فيه دورات تعليم اللغة الإنجليزية ودورات حاسب أو على الأقل نادي رياضي .. يقضي الواحد وقته فيه ويطلع بحاجة من الإجازة..

مع تحياتي ....

[صالح آل سلمان]

صدقني اخي انها استوت الاجازه وغير الاجازه كلها عندي واحد ولا يوجد اي فرق بس بصراحه انتظر الربيع في الرياض وايام البرد وبس اما الحر على قولت الشباب بين اربع حيطان0
تحياتي لك على الموضوع المفيد جداً
تقبل تحيات دباس الجارح

[<>شمس الفجر<>]

http://www.shojoon.org/album/pics/design/s_shojoon001109.gif
مساك الله بالخير والسرور يا أسير الحزن... ونعم الاختيار واعتقد ان اي شخص راح يفكر في نفسه ويسأل (صحيح أنا طول هالاجازة شو سويييت؟؟؟ والبعض راح يتفاجأ انه انشغل فيها انشغال سلبي)

اما عن نفسي فأنا اجازة الصيف ولا غيرها صارت ماتفرق لاني مخلصه جامعه وقاعده بالبيت ..و بكل صراحه ولله الحمد اني عرفت انتفع من هذي الاجازة الطويييلة الامد والله العالم متى تنتهي على الاغلب بشكل ايجابي ...يعني قضيتها مابين الالتحاق بدورات تحفيظ .. والالتحاق بنوادي فتيات.. وكذلك تعلم الطبخ..اما الاوقات اللي اشعر فيها بالملل اقرأ كتب وقصص وشعر وكل مايجذبني .. استمع لأشرطة محاضرات... بالاضافه للجلوس مع امي الله يخليها وابويه بعد الله يخليه... يعني قضيتها اتعلم واعلم وكل شي بجدول خااااااص والحمدلله إلى حد ماااااا تغلبت على مشكلة الفراغ اللي كانت ذابحتني في بداية تخرجي.. يعني انام نومه هنيه وانا تعباانه مرهقه بس متأخر ......هيييييييييه صح نسيت اقول اني لاااازم اقعد على النت والمنتدى خصوصا .
http://www.shojoon.org/album/pics/design/s_shojoon001109.gif

[العزابي]

أخي القفلي شكراً على مرورك وفعلاً الرياض شي
ثاني .. الله المستعان.
أختي الوفــــاء هههههههههه شكل مايفوتك عرس:sdf23)
أخي المسكت والله انك صادق الواحد بس تجي الإجازة ومايصدق
على الله ياخذها نوم ولعب كل الإجازة .
أخي ولدالفجيه أنا معاك ونحن نناشد محافظ بني عمرو أو المسؤل
يفتحون المعاهد ومركز التدريب والمراكز للأنشطة الصيفية لأن الناس
يتوافدون على المنطقة من جميع أنحاء دول الخليج.
أخي دباس الجارح والله انك صادق بما أن الرياض زحمة وحر .. كل
الناس تنتظر المربعانية يربعون ويستانسون بالبر .. وهنيكم ياهل الرياض.
أختي <>شمس الفجر<> ماشاء الله عليك عرفتي تستغلين وقتك بما ينفعك
بالدورات وقرأت الكتب وتصفح الإنترنت وإستماع الإشرطة المفيدة .. لاكن البعض
مو عارف يستغل وقته ..

أخوكم أسير;tr5s4)