سؤال يبحث عن الجرأة في الجواب..؟.!

[خالد البقمي]

السلام عليكم .


كيفكم ..


أخــلـيكم مع الموضــــــوع..


..........................................


محمـد يدخل بيت خالتـه .. نوره على طريقتة:





هلا محمد ، أخبارك ؟ هاه عساك شاد حيلك عاد يقولون الحربية


كرف وشي يهد الحيل ..



محمـد / هلا وغلا نوره ايه الحمد كلش زين .. والحربية يبي لها


والمهتوي يقطع المستوي ..



نوره / صح صح يامهتوي ..




- طيب حياك للمجلس ....






**** **** ****





خالد يدق على بيت عمتـه ، ترد عبير..




أهلييييين خالد ، أخبارك وين الغيبات يالقاطع ..



خالد / اتغلى



عبير / تتغلى ولا مسوي جامعي ومشغول ؟



خالد / لا والله بس تعرفين الدنيا ومشاغلها ..



عبير / اييييـه الله يعيـن ..



المهم بس ولا يكثر وين عمتي ؟ أدق على جوالها ماترد ..



طيب لا تدف بناديها لك ..






**** **** ****





يتخرج من الجامعة بتقدير امتياز هذا هو خالد ..




….. ألف ألف مبرووووك ، فرحت كثير بتخرجك



عقبال الدكتوراة يارب ….



........................ تم ارسال الرسـالة ..





-----





بعد هذي المقدمة البسيطة اكيد عرفتوا ( موضوعنـا )اللي راح


نتناقش فيـه ..




.... العلاقة بين اولاد / بنات الخاله او العمـة ..



هل هي [ سطحيـة ] وعيب نتكلم معهم ،، والى خلاص كبرنا ماعاد


نتكلم معهم..!؟



او فيها سواليف ، السؤال عن الصحه والحال ومباركة بالتخرج

ورسايل والوضع فري ..!





- هذا اللي نبي نناقشكم فيـه ..




الموضوع مايكمل الا بتفاعلكم ونقاشكم الراقي أكيـد ..




لكم تحياتي

خالد البقمي(:

[ليالي جنوبية]

والله عن عايلتنا بالنسبة لنا عادي ..
يعني السلام والسؤال عن الحال والمباركة باي مناسبة هاذي مافيها كلام ..
واتوقع انه في ناس كثير كذا ..
وتوصل احيانا للمزح والسوالف بس بحدود ..
يمكن علشان اننا متعودين على كذا من يوم احنا صغار

[روح القصيد]

والله عن عايلتنا بالنسبة لنا عادي ..
يعني السلام والسؤال عن الحال والمباركة باي مناسبة هاذي مافيها كلام ..
واتوقع انه عايدي ..
وتوصل احيانا للمزح والسوالف بس بحدود ..
يمكن علشان اننا متعودين على كذا من يوم احنا صغار
وترى التحجر ولا من زمان والله يعطيكم العافيه

[أبو ريان]

من الناحية الشرعية بالطبع لا يجوز لأنهم ليسوا محارماً لبعضهم ..
ومهما كانت نوعية العلاقات والميانة فإن الأمر شرعي بحت ولابد من الإهتمام بذلك
وأتركوا الإجتهادات اللي هي في غير محلها..
تقديري للجميع ..

[ابوفهد العمري]

خالد البقمي

اسعد الله كل او قاتك بالخير والهناء 0الجواب ما يحتاج سؤأل ما وافق الشرع يعمل وما خالف الشرع يترك قال تعالى ( وما اتاكم الرسول فخذوه وما نهاكم عنه فانتهوا ) وبعدين قس الامر هذا على نفسك 0 وسلامتك

[المسكت]

هناك حدود يجب ان نقف عندها
تختلف من عائله الى عائله بحكم الترابط بينهم
وللخجل دور في مثل تلك العبارات


على العموم عندنا كانت زمان وكانو الجماعه من طرف يباركون ويسلمون (وكانت القلوب صافيه وصادقه)
اللحين يفتح الله هههههههه


شكراً خالد وبارك الله فيك

[أبو مانع]

او فيها سواليف ، السؤال عن الصحه والحال ومباركة بالتخرج


ورسايل والوضع فري ..!

أعتقد أنه مايجوز مثل ما وضح الأخ أبو ريان
ولا فري ولا فور كل واحد يلزم حده ويعرف اللي له واللي عليه
واللي يجوز واللي مايجوز ..!

[بہرسہتہيہج]

الحمو الموت يابطل .... :)

[عاشق ثرى الديره]

والله الموضوع خطير بالنسبه للمراهقين اما العقال فاعتقد الموضوع عادي للسوال عن الاحوال وما شابه

تحياتي لك

[ريانة العود]

مستحيييييل لعون لعون لعون اعون شي

[capitano]

اذا متراضعين يمكن فيه سؤال وفى الأعياد مصافحه

[خالد البقمي]

*_*

منوووووريييييين ياااااحلوييييييين وماننحرم من ردودكم لبى قلوبكم(:

عااشق سجل اعجاابي في ردك *_^

[آل غيهب]

خالد البقمي
يعطيك الف عافيه على الطرح الرائع
وانا اشوف ان اذا كان فيه سلام وسوالف اعتياديه يعني اذا شافته وسلمت عليه واسألت عنه او العكس بحدود الادب
اعتقد عادي وطبيعي ومهما يكون هو او هي بالاخير من الاهل
وخصوصا لو كانت بينهم ايام الطفوله علاقة لعب ..............الخ
تقبلي مروري

[الادهم الازدي]

اولا مشكووور اخوي على الطرح
ثانيا احنا مستحيييل ننكلم مع بعض مجرد مكالمه يمكن سلاام واذا ركبنا بسيارته واذا فيه تهنئه فاكيد باقولها على لساان امه او اخته واحنااا من النوع اللي يستحي وبقووه من جمييع الاطراااف سوائن بناات عم او اولااد عم وكذالك قرابة الاخوااال...تقبل مروررري

[خالد البقمي]

ال غيهب
والادهم الازدي

منورييين ماننحرم ياارب من تواجدكم ومن مروركم (: