الى شعار المنتدى؛؛؛؛؛؛ [الأرشيف]

الشيباني

11-17-2009, 01:02 AM

سلامي يالمنتدى شاعر وخيالي
الشعر مثل المطيه وانا خيالي
والشاعر الي تخيل بالتخيالي
والنار ما تحرق الا رجل واطيها
*****
يابوليلى تقدم واعطنا ما تجيد
الجماهير والميدان لك ولا ليه
ويتبين لنا المهزوم والهازمي

~.ĴỘҚЄЯ.

11-17-2009, 05:14 AM

مرحباً أخي الشيباني

الظاهر الشيباني ناوي على نية ..
ننتظرأبو ليلى ؛؛؛ ومحاورة من العيار الثقيل ..

..|.. تحياتي أنا الجـــــوكــر ..|..

ابوليلى المهلهل

11-17-2009, 06:22 AM

العلم واضح وخل الشعر لاصحـــــــــــــــــــــابه
الشعر هو خادمي لاناموا اصحـــــــــــــــــى به
علم(ن)وتاريخ(ن) ونقد(ن) وفصحى به
والنار ماتحرق الا رجل واطيها
,,,,,,,,,,,,,,,,,,,,,,,,,,,,,,,,,,,,
الذيابه تقدم والثعالب تحيد
اعرف الحق ماابقي حقوق(ن)عليه
والرياحي تراه اطلق من العازمي

الخطاف

11-17-2009, 12:27 PM

الشيباني + ابو ليلى
حياكم الله وأنا سعيد جداً بتواصلكم مع هذا القسم من جديد
وما شاء الله محاوره حماسيه وقويه من البداية من شاعرين بارعين
ولهم تواجدهم و أهميتهم في هذا القسم
وأتمنى أن يستمر هذا التواصل
وان تثرون هذا المنتدى بكل ما لديكم من إبداع
ولكم كل الحب والتقدير
أخوكم الخطاف

الشيباني

11-17-2009, 10:32 PM

يالاووووووول
الشعر ما هو بلك يا شاعر جاهل
الشعر للشاعر اللي منطقه عاقل
ما غير مشي معك ونغظ ونجامل
والنار ما تحرق الا رجل واطيها
*****
ياحليل الذي باقي مقيد بقيد
لا تزيد الهروج وتكثر البلبليه
ابن ثايب تراه اطلق من السالمي

ابوليلى المهلهل

11-18-2009, 06:32 AM

راعي التجاره بصنعا قفلوا سوقه
والشاعر اللي يعاند دايم اسوقه
واللي يحب الشفر فنان ويسوقه
والنار ماتحرق الا رجل واطيها
..................................
الذيب صياد والليله ترى فيه صيد
البل عطوى ولكن قالوا البل بليه
ليت بعض العرب من لطمتي سالمي

الشيباني

11-18-2009, 03:59 PM

ادري انك الذيب يعوي لشرقت شمسه
ما يعرف الفرق بين الديك والبسه
والي شرا موتر يفرح على جمسه
والنار ما تحرق الا رجل واطيها

*****
اسمعوا في كلامي يوم اكرر واعيد
يا بو ليلى تجنب عن طريقي وحيد
والله ان السيوف الشابيه فيصليه
وانت من ضربها معدوم وعادمي

ابوليلى المهلهل

11-18-2009, 05:25 PM

ادري انك الذيب يعوي لشرقت شمسه

ما يعرف الفرق بين الديك والبسه
والي شرا موتر يفرح على جمسه
والنار ما تحرق الا رجل واطيها

*****

ماتركب مع المواااال؟؟؟

ابوليلى المهلهل

11-18-2009, 05:28 PM

*****
اسمعوا في كلامي يوم اكرر واعيد
يا بو ليلى تجنب عن طريقي وحيد
والله ان السيوف الشابيه فيصليه
وانت من ضربها معدوم وعادمي

[/QUOTE]

الذيابه تقدم والثعالب تحيد
اعرف الحق ماابقي حقوق(ن)عليه
والرياحي تراه اطلق من العازمي

كلمه مكرره ارجو التنبه لذلك

ابوليلى المهلهل

11-18-2009, 05:29 PM

ياللي تسب الشنب والله مالومك
بانت لي هروجكم بانت لي علومك
لتكون ياصاحبي صانع لجل قومك
والنار ماتحرق الا رجل واطـــــيها
................
والنعم يالشاعر اللي معدنه من حــديد
حديد منقوش به ختم(ن)ولابه صديد
شامخ ومرفوع راسه رفعة الفــــــيصليه
اشوف زول(ن)ولاظنه بــــزول ادمي

الشيباني

11-18-2009, 07:59 PM

هد اللعب تونا بدينا
اسمممممممع

لا تحسب انك تخيف الناس باشنابك
لا والله الا حضر من يكسر انيابك
اثيابنا بيض واما السود فثيابك؟؟؟
والنار ما تحرق الا رجل واطيها
*****
انا شيخ مع ربعي ورجل سديد
وانت أعدك حثاله من صفوف العبيد
ما معك بيت يامسكين ولا هويه
يا حليلك مع العربان والعالمي

ابوليلى المهلهل

11-19-2009, 04:48 AM

يافرحتي فرحتي لاشفت صاحبـــــــــــنا
افزع وانومس خويي يوم صاح بـــــــنا
شعار ورجال(ن)وقوم(ن)فصاح بنا
والنار ماتحرق الا رجل واطــــــــــــيها
...................................
الشاعر اللي يغظ الطرف عقله رشيــــــــد
بسايرك لين تخلص م الردى والثريــــــــــــــــد
شعري وناموسي اكبر من علوم(ن)رديــه
الشعر ماهو كذا يالشاعر الحالمـــــــــــــــي

الشيباني

11-19-2009, 09:21 AM

الي نوى بالجميله يلتقي خيرا
والي نوى بالمعيبه يلتقي شرا
يا زينها لا التقى سمنِ مع برا
والنار ما تحرق الا رجل واطيها
*****
احترام لكم يالجمع ولا الفريد
اسمعو علمنا الوافي وعلم مفيد
والله انا بنبعد عن دروبِ الغويه
لاجل ما يزعل الرايح ولا القادمي

ابوليلى المهلهل

11-19-2009, 06:46 PM

سارت جموع القبايل صوب سوق ابها
والشعر مثل العصاة اللي اسوق بـــــها
بعض العرب لانشب خثرد وسوقبــــها
والنار ماتحرق الارجل واطــــــــــــيها
’’’’’’’’’’’’’’’’’’’’’’’’’’’’’’’’’’’’’’’’’
من يخاوي ردي القوم يصبح طريد
والذي عارف(ن)دربه يسمى شديد
نحمد الله ظلام الليل والسرمديـــــــه
ماتضيع طريقي لا ولا القى دمــــــــي

الشيباني

11-19-2009, 07:16 PM

للتنبيه فقط راحت سديد
وبعدين اما تشقر ولا ترد

وردت سوق القصايد وانت بياعي
والقيتك تبيعها بالرخص والصاعي
صوتك مثيل الذي نادا من القاعي
والنار ما تحرق الا رجل واطيها
*****
قصدنا بالسلام ونبتدي من جديد
غير عييت ياراعي الفواد السويد
اشهدوا يارجال المنتدى والحميه
منهو الي بدا بالحرب ويخاصمي

ابوليلى المهلهل

11-19-2009, 07:44 PM

ياخوي انت ماخليت فيها لاشقر ولارد...والدليل موالاتك....وطلوعك وتغييرك للقافيه...لكن انا حاولت ابعد عن الكلام الردي حاولت اغير مجرى المحاوره..والدليل اخر ردين لي لكن مافيه فايده....واعذروني يالمطاليق.....
اسمممممممممممممممممع..

اللي يدور على الشرهه يحصلها
وام الكباير على ثوبك مفصلها
الشعر والمرجله منته بواصلها
والنار ماتحرق الا اشناب شرواكم
,,,,,,,,,,,,,,,,,,,,,,,,,,,,,,,,,,
بنت راعي الغنم شافت علوم(ن)تكيد
شافت الفحل والبلشه بلاها يزيد
وانت مافيه فرق(ن)بينكم يالمطيه
دور اسلوب تقدر تقنع الخادمي

صدق من قال((من رافق الاجرب جرب معه))

الشيباني

11-19-2009, 08:39 PM

اول شي يابوليلى بدينا المحاوره بقصد تحدي... ومزح....
لكن انت الي بديت تدخلنا في... المهاترات... وطالع في قصيدك كله
ثانيا انت... مره ترد... ومره تشقر.. وليتك تشقر شقر كامل ومشيناها لك
ثالثا هدينا اللعب وقلنا بنغير رجعت انت تتكلم وتقول عصاه ... الى اخره
على العموم حصل خير

الله عفا عنك لا تزعل ولا تخاصم
ما بقعد اقابلك واسب واشاتم
هذا الكلام الصحيح الحاسم الحاسم
والنار ما تحرق الا رجل واطيها
*****
انا شاعر مع الشعار ماني بليد
لا تعاند وقدامك صليب عنيد
هد الاعصاب ونعيد معاكم بعيد
الذي جا تشره ياعرب من خويه
حطو بيني وبينه يا عرب حاكمي

ابوفهد العمري

11-20-2009, 12:01 AM

يا الربع بيضان بيض الله وجيهكم واقفلوا الموضوع وانا اطلبكم لا تردوني 0قولوا تم وتروا اللي ما يقبل العذر مايحقه0