مطلوب إقتراح عنواناً مناسباً لهذه الظواهر

[المحترم]

ياحبنا للزحمة في الأسواق قبل بداية الدراسة بيوم واحد ؟؟؟
لشراء أدوات الدراس !!
لماذا لانحاول شراء مانحتاجه قبل بداية الدراسه بوقت كافي ومريح..
لكي تكون فرصتنا أكبر في حرية الاختيار والشراء بأسعار معقولة .. قبل يوم النفرة .. ساعتها حتى البنقالي مايعطيك وجه ..

ياحبنا للزحمة والانتظار في المطارات قبل السفر خصوصاً مع بداية الصيفية ؟؟؟
نموت في الزحمة !!
ليش ؟ ما ادري !!
ليش ماترتب وضعك وتحجز من بدري ..
لتتجنب الاحراجات والتوسل عند اللي يسوى وحتى اللي ما يسوى تحس انك ضعيف أمامه خاصة في المطار !!!
لماذا كل هذا وأنت تعلم انك مسافر عن طريق الجو .. ولديك الوقت الكافي للحجز من بدري ..

ياحبنا للزحمة قبل بداية رمضان بيوم ؟؟؟
نروح نُقُشْ كل سلعة أوشكت صلاحيتها على الانتهاء ..
لالشيء ؟؟ إنما حُب للزحمة ..
رتب وضعك في كل أمور الحياة..
جرب وسترى بانك أصبحت في وضع افضل وتستحق ان تعيش دائماً في حياة أفضل . بدلاً من العشوائية والاتكاليه والفوضى ..

ياحبنا للزحمة اذا شفنا سياره وقع لها حادث أو حتى مبنشره على جنب الخط ؟؟؟
كل واحد يتوقف بطريقه مفاجئه وينسى انه يسير على خط سريع والنتيجه إزدحام وحوادث جديده بسبب التوقف المفاجيء ..
أضف الى ذلك اعاقة رجال الاسعاف والمرور عن الوصول لموقع الحادث..
ظواهر اجتماعيه سيئه ..

حبيت أذكركم خاصة إن العودة للمدارس أصبحت وشيكه..
ومافيا القرطاسيه بدأوا يكشرون عن أنيابهم ..
فكل واحد ينتبه لعُمره .. والفرصه لازالت مواتيه اذا بدأت من الان في جلب احتياجاتك ..
ولاتنسون اللي عنده ( عنوان ) مناسب يقترحه لهذه الظواهر فلا يبخل به
أسأل الله ان يوفقني واياكم لما يحب ويرضى ..
واتمنى الفائده للجميع ،،،:p

[المسكت]

هلا وغلا المحترم

وعزالله انك صادق بكل شئ

انا اقترح لها
((عنوان الله لا يشغلنا))

نقطه

اصبحنا فريسه لمن هب ودب بكل شئ
لا قرطاسيات ولا اسواق

ولا رحلات ولا حتى اسكان

في كلشئ سرنا مستغلين

لكن الله يزينها على جمله الناس


تحياتي

لك اخوك المسكت

[المحترم]

هلا بالحبيب المسكت
الظاهر وانا أخوك ان الزملاء في المنتدى كلهم عزابيه ..
لكن صبرك إسبوع وتشوف مهارفتهم على المحلات ..
والنصيحه كانت تشترى وبعدين صاروا يتهادون النصائح واليوم ببلاش يالله لك الحمد والشكر ..
اهم شيء إني ريحت ضميري وابلغتكم تنتبهون لهذه الظواهر وتحاولون التغيير .. بدلا من النفرات السنويه ..
قبل بداية المدارس بيوم ..
قبل بداية الاجازه بيوم ..
قبل بداية رمضان بيوم ..
قبل بداية العيد بيوم ..
تحياتي مسكت وياليت نشوف تفاعل الاعضاء مع هذا الموضوع ..

[سداح]

انا بدلي بدلوي ... ياحبيب
مشاركه فعلاً فى محلها
لكن من سمع اوأستجاب !!!!
من وجة نظري أسميها اِلأتي: ((( اِنتفا ضة من بعد اِلأ جازه الصفيه )))
(( اِنتفاضة الكسلانين))
(( انتفاضة العزائم ))
(( انتفاضة البخيل ))
(( انتفاضة من تأخر عن عمله ))
(( انتفاضة الغيور ))
(( انتفاضة من عرف قدره فرحم نفسه ))

[المحترم]

هلا بالزميل سداح

وفعلاً جبتها ( انتفاضة )
لكن انتفاضه في غير محلها !!
ليش ماننتفض من بدري بدلا من الزحام ..
تحياتي لك على مرورك ..
ولاتنسى كلامي ..

[سداح]

يمكن حذ ف كلا مي كا ألعا ده ولا هي غريبه
على العموم يا بن أخي : ____
( تر ودي انك تأخذ الحذر والحيطان .... من الكلام الى يزيد العناء عنوان )
( خل البعض لاهو براضي ولا زعلان... ولا يطيع الا يكون بألكلمه الوديه ويوقع أبهامه وتنشر سبايبه)

[المحترم]

سداح
وسع صدرك أهم شيء اني ريحت ضميري ..
وفي اعتقادي ان كلامي مايزعل أحد ..
معقول أحد يزعل اذا قلنا له اترك الزحام ورتب أمورك مبكراً ..
اللي وده بالعلم والا فيخليه في الحدبه ..
اللهم صلي على النبي ..:p
بالنسبه لكلامك أنا أضمن لك ما احد يحذفه ..
أكتب كل ماتريد .. وكل انسان مسئول عما يكتبه ..
تحياتي لك ،،،

[المليحي]

يا هلا والله بالاخ المحترم
كلامك في محله وهذه عاده والكل صار يمارس
هذه الهوايه اللي اعتبرها من الهوايات الخاطئه
وعلى قولتك كلها ايام وليالي وتشوف الزحام
على المكتبات والاسواق
لكن الدنيا سعه وانا خوك
واللي ما راح في مثل هالاوقات الله يعينه على الزحمه
وبيني وبينك انا انسان احب الزحمه
حتى ما ارتاح الا لما اشوف زحمة الاعضاء في المنتدى
ولا اعتقد في عنوان يناسب هالموضوع غير
( لا تؤجل عمل اليوم الى غد )
تحياتي لك اخ المحترم
وكلي امل ان نرى قلمك يسعدنا بهذه المشاركات الجميله

المليحي