الفــــــــــــــــزعه يا بـــــثــــــور عمي

[(حسيكي مطور)]

مساكم الله بالف خير
اعتذر من الاداره الكريمه على وضع موضوعي هنا لاني ما ادري في اي قسم مفروض اكتب

الحاصل انا وثرنا نكتب
انا عندي ارض في العماريه مساحتها 50في 60
طبعا 50 على الشارع طبعا شارع واحد ابغى تساعدوني باحسن تصميم مدعم بالصور ووش ممكن يتسوى فيها طبعا بتكون خاصه
اجمالي المساحه 3000م

حاوشوني الله يوفقكم وانشالله اذا لقيت التصميم المناسب وبنيتها اني لاعزمكم كلكم فيها

[المسكت]

تبي تصممها سكن ولا إستراحه

أنا اقترح عليك حطها إستراحه إلين تصبح العماريه حي كبير إستغلها تأجير غلين الله يفرجها بعدين صمم على كيف وعلى ما اعتقد ماراح احد يصمم لك اكثر مما في مزاجك إلا اذا استعنت بمهندسين معماريين وكروكيين

وشكراً لك

[(حسيكي مطور)]

مشكور يا مسكت اولا على النقل ثانيا على المرور

يا غالي انا ابغاها استراحه خاصه لي انا وعيالي بس ما عرفت اهندسها مظبوط واقسمها واوزعها ومثلك عارف

[أميرالأحساس]

ياطويل العمر العماريه احلى شي فيها انها تكون استراحه لانه اللي جنبك كلها استراحات بس التصميم على مزاجك انت الله ييسر امرك اخوي حسيكي ونعم فيك

[(حسيكي مطور)]

حنا ما صحنا الا من التصميم انا ودي بنموذج او صور او اقتراحات تسهل علي المهمه افكار جديده اشياء زي كذا

[بہرسہتہيہج]

اتمنى لك التوفيق ..

بس ممكن اعرف وين العماريه ..

ثانيا عندي لك اقتراح يفيدك لاخر العمر واجاره ماينقطع ..

كل الود ..

[حمتو]

في مكاتب متخصصه في التصميم اكيد راح يفيدونك اكثر
اتمنالك كل التوفيق ...

[حمتو]

مجموعة صور اشاء الله تفيدك



http://www.4nw.net/upfiles/jax27552.jpg




http://www.4nw.net/upfiles/fN527552.jpg







http://www.4nw.net/upfiles/VsE27552.jpg





http://www.4nw.net/upfiles/NgT27552.jpg









و اذا غلقت لاتنسى تعلق هذي في مجلسكم







http://www.4nw.net/upfiles/zRt27552.jpg




تحياتي ...

[عاشق ثرى الديره]

اخي حسيكي عندي لك اقتراح مر ياطويل العمر على الاستراحات بالرياض الين تشوف لك احسن تصميم اتصل براعيها واطلب منه تصوير المخطط او صوره انت بذهنك ورح فيه للمهندس

هههههههه>>> ودك اريحك منها واشتريها وتراني صامل اذا كان الموقع جيد وفيه خدمات

[(حسيكي مطور)]

السفير العماريه هذي في الرياض جهة صلبوخوعلمني باقتراحك
حمتو حبيبي مشكور والله اني استفدت منها ولا بعلق الصوره بس بعلق صورتك انت يعني انك الي صممتها
عاشق ثرى الديره الموقع ممتاز للاستراحات والله انها كانت 6000 متر غير جاء عمي وحلف على نصها وطلبني ياخذها وصدقني اللي بس اعرفهم جيراني في نفس الموقع حول 8 عماريه وخدماتها كامله كهرب وابار ارتواز جاهزه اما اسعارها فلا ادري عنها ذلحين انا شريت قبل 10 سنوات ب40000 الف ريال اليوم مدري عنها

[أبو مانع]

عندي لك نصيحه وبتلاقي من وراها فائده إن شاء الله إذا بغيتها تجاريه تستفيد منها
قسمها أربعه أقسام غرفة وصاله أو يكون بيت شعر ودورة مياه وأنت والقراء بكرامه وتتأجر على العزاب
وكل قسم يعادل إيجار شقه داخل الأحياء ومثلك عارف الشباب وتجمعاتهم ..!
أو تقسهمها جزئن ويكون فيها أهم شي ملاعب كرة طائرة وبيت شعر ومطبخ وغرفتين مع دورات المياه
منها يكون لك عائد إذا بغيت تأجر قسم والقسم الثاني يكون خاص وحتى لو كنت مسافر أو شي وماراح تستفيد منها
نفس الشي تأجر الجزء الخاص ..!

هذه في رمضان تتأجر بمبلغ ما يخطر على البال تعرف نفس الشي اللي يحبون كورة الطائرة

بالنسبه للتصميم والأمور الهندسيه
مثل ما تفضل الإخوان تقدر تمر على الإستراحات في الفحص الدوري أو جنوب الرياض او الشمال وتشوف اللي يعجبك
وتفهم فكرتها في رأسك وتروح لأقرب مكتب هندسي يهندسه ويصممه لك على رغبتك ..!


وبالتوفيق .!

[الجنرال A]

الحقيقة الشباب افادوك وانا عن نفسي ما انصحك تهدر فيها اموال طائلة
لأن العمارية بعد كم سنة راح تتحول إلى حي سكني وانت تشوف التطور العمراني
الى وين وصل في اقل من ثلاث سنين ...
يعني اذا ناوي تحطها استراحة فلا تخسر عليها واجد اقترح عليك سور وهب داخله بيت شعر وغرفتين و مجلس ودورات مياه ومطبخ وملعب ولآ يهون المسبح ...
و متى ما بغيت تأجرها أجرها , هذا شيء ..
الشيء الثاني بعد ما تشوف الحي تحول إلى فلل وهذا ما هو بعيد , غيّر في ملامحها شوي وحولها الى فيلا سكنيه وعاد ان كان ودك تبيع والا اسكن ....
وعلى فكرة تراك اخذتها في زمن الرخص والا الحين اذا ما خاب ظني ان المتر في العمارية بـ 200 ريال لأنها تعتبر شمال الرياض ..
وآحد من الشباب اشترى ارض في حي الامانة على طريق القصيم قبل 4 سنوات بحدود الـ 90,000 و باعها الله يهديه بعدها بسنة بـ 120,000 ويوم راح يسوم الأراضي قبل فترة في نفس الحي لقاها من 400,000 و طالع .؟
فأنصحك لا تستعجل والله يكتب لك اللي فيه الخير .,’

[ليالي جنوبية]

شف شاليهات كلوسترز مرة رايقة وتجنن

وفيها اربع تصاميم مختلفة اختار منها اللي يناسبك

[ابوصاهودالعمري]

وحده من ثنتين
1-استراحه
2-فلتين تحت مجالس وفوق غرف نوم