سعيد العمري
08-06-2003, 02:01 PM
يعين الله يادنيا تسوق أيامها الأحزان=يعين الله وانتي مثل قفلٍ ضاع مفتاحه
يعين الله وجروحي لها في كل وقت شان=كذوب اللي يقول ان الزمن بيداوي جراحه
سقى الله يوم انا يمّه غريرٍ يزعج الجيران=سقى الله يوم انا طفل يصج البيت بصياحه
سقى الله يوم كان اقصى طموحي لعبة الدنان=نهاية يومي المغرب واخاف الليل واشباحه
سقى الله يوم انا البس بشت ابوي وثوبه القيطان=وقلّد كل شيءٍ فيه حكيه . وجِدّه . وامزاحه
وشيل المسبحه مثله الى هوجس وهو سرحان=بيشعر واحسب ان اللي عطاه الشعر مسباحه
سقى الله بيتنا ذاك البسيط مشقق الجدران=شجاع يهزم الغدرى بقنديله ومصباحه
تكحلنا القناعه . لاطمع لاهم لاحرمان=واذا جاء الليل تكفينا ثلاث اخوان طراحه
جميع الذكريات اللي غدت في قفرة النسيان=تحاكي حلوها عبره بموق العين سياحه
خذتني غربة عنوانها غربة بلاعنوان=ابي عقب التعب راحه لقى فيني التعب راحه
رجعت اليوم مثل اللي رجع عقب القنص خسران=غدى طيره وجاء يسحب سلوقيّه وملواحه
وروح تايبه كانت تبي لذنوبها غفران =خطاي اني كتمت اسرارها بعيون بواحه
تقولين المطر يمّه مهو دايم يجي هتان=أجل معذور قلب في همومه ضاعت افراحه
أنا يمّه غلطت ولاني اول واحد غلطان=ابونا ادم من الجنة .. خرج باسباب تفاحه
آمل ان تحوز على رضاكم 345usx)
يعين الله وجروحي لها في كل وقت شان=كذوب اللي يقول ان الزمن بيداوي جراحه
سقى الله يوم انا يمّه غريرٍ يزعج الجيران=سقى الله يوم انا طفل يصج البيت بصياحه
سقى الله يوم كان اقصى طموحي لعبة الدنان=نهاية يومي المغرب واخاف الليل واشباحه
سقى الله يوم انا البس بشت ابوي وثوبه القيطان=وقلّد كل شيءٍ فيه حكيه . وجِدّه . وامزاحه
وشيل المسبحه مثله الى هوجس وهو سرحان=بيشعر واحسب ان اللي عطاه الشعر مسباحه
سقى الله بيتنا ذاك البسيط مشقق الجدران=شجاع يهزم الغدرى بقنديله ومصباحه
تكحلنا القناعه . لاطمع لاهم لاحرمان=واذا جاء الليل تكفينا ثلاث اخوان طراحه
جميع الذكريات اللي غدت في قفرة النسيان=تحاكي حلوها عبره بموق العين سياحه
خذتني غربة عنوانها غربة بلاعنوان=ابي عقب التعب راحه لقى فيني التعب راحه
رجعت اليوم مثل اللي رجع عقب القنص خسران=غدى طيره وجاء يسحب سلوقيّه وملواحه
وروح تايبه كانت تبي لذنوبها غفران =خطاي اني كتمت اسرارها بعيون بواحه
تقولين المطر يمّه مهو دايم يجي هتان=أجل معذور قلب في همومه ضاعت افراحه
أنا يمّه غلطت ولاني اول واحد غلطان=ابونا ادم من الجنة .. خرج باسباب تفاحه
آمل ان تحوز على رضاكم 345usx)