ْ ْ ْ ْ ][ يـآآًصـدمــتي في اكـثـر آآحبآآبيٌُ..!!! ][ ْ ْ ْ

[هيآمـ آلورد]

ياصدمتي في أكثر احبابي .. وياخيبة ظنوني
.......ياضيق صدري .. لاذكرت انّي عليهم ما كذبت



ياطعنةٍ خلّتني انسى من سبايبها..طعوني
.......ياجرح ماله طبّ..حتى لو أقول: اليوم طبت



البارحه .. والله يكون بعون احاسيسي .. وعوني
.......أحاول اهرب من عمايلهم ولكن ماهربت



ماكنت احسَ انّي أنا..وهذا الكون كوني
.......أمُرَ في حالة ضياع .. وشبه غيبوبه.. وكبت



أحباب..أي أحباب ذولا اللي على موتي خذوني
.......الظاهر اني شبت..ياعالم..وانا مابعد شبت



اللي لهم مُدّه وهُم في داخلي .. واستغفلوني
.......ياما استغلّوا طيبتي معهم وكل اللي وهبت


وهبتهم قلبي .. وشعري .. وكل ماحولي .. ودوني
.......تعبت معهم بس ماكنّي رغم هذا .. تعبت



شعرت فعلاً بالعذاب .. وغصّة الدمع بعيوني
.......قرّبتهم منّي .. وانا اللي كنت احسبنّي قربت



عشانهم قررت ابيع اللي من العالم .. شروني
.......لو ادري آخرها كذا .. من أوّل الدرب انسحبت


يا قوّها صدمه .. وانا لون الغدر ماهوب لوني
.......مصدوم خِلقه .. لين مات الحب فيني وانعطبت


الله يجازيهم على استنزافيَ .. وحرقة جفوني
.......ما كنت حاسب يبيعون الغلا يومي حسبت


ما عاد لي رغبه أجدَد في علاقتهم طعوني
.......خسرت في هذا الطريق اضعاف ضعف اللي كسبت

أحسن لي ابعد واشتري نفسي ولا خيبة ظنوني
.......إن طبت من جرحي .. وإلاّ جِعلني ما يوم طبت

[Oscar]

روح الإنوثه


أحباب..أي أحباب ذولا اللي على موتي خذوني
.......الظاهر اني شبت..ياعالم..وانا مابعد شبت


جمال وعذوبة اختيار عواطف صادقة
اشكر لك هذا التواجد والحضور المشرق . تقبلي تحياتي .

[المسكت]

من الاحسن أن لايدعي الانسان على نفسه
إلا انهم كذلك هم الطيبون عندما يُصدمون
شكراً لك ويعطيك العافيه
اخووك

[أبو ريان]

تعبير عميق عن واقع مرير كما يبدو من القصيدة ..
وياما أمثلة مشابهة ..
لك التقدير ..

[هيآمـ آلورد]

اسعدني تواجدكـــم في موضوعــــي ..

يعطيكم ربـــي الـــف عــافيـــهـ