اشتقت لك يا حبيب القلب يا الغالي !!!!!!!

[راجي الوصل]

نظمت فقلت :
. . .
. .
.
اشتقت لك يا حبيب القلب يا الغالي
اشتقت لك كبر ذا الدنيا وما فيها
.
الشوق زوّد بقلبي وانبرى حالي
والنفس من كثر شوقي كيف اسليها
.
بعدك خلط في حياتي المُر بالحالي
عجزت بجروح قلبي كيف اداويها
.
الى متى اعيش في همي وغربالي
الى متى والحروق يزيد صاليها
.
غديت بين الهموم السود رحّال ِ
والنار في داخل الاضلاع تكويها
.
اثر الهوى لاغدا في القلب قتـّال ِ
واثره على النفس يجرحها ويشقيها
.
لحظة وداعه دموع العين تنهال ِ
لو حاول الجفن يتصبر ويخفيها
.
اتذكره لا وصل يمي وحيّا لي
يشّـر بعينه وانا فاهم معانيها
.
الابيض الناعم المتسلط الوالي
اللي حكم نفسي وغيّر مباديها !
. . .
. .
.
شعر /
راجي الوصل

[صالح آل سلمان]

اشتقت لك يا حبيب القلب يا الغالي
اشتقت لك كبر ذا الدنيا وما فيها
.
الشوق زوّد بقلبي وانبرى حالي
والنفس من كثر شوقي كيف اسليها

صح لسانك على هذه الابيات الرائعه

راجي الوصل اشتقنا لجديدك
وبصراحه تذكرني بشعر فهد المساعد
الله يعطيك العافيه
تقبل مودتي
ابو عبدالله

[روح القصيد]

اسمح لي ابدي اعجابي بقلمك وتميزك واسلوبك الراقي وتالقك