||الله يوفقك .. والله لايعنيّني الحب .. ماعاد ابي بحره ولا برّه ..||

[نّبضْ]

ليتك قبل لا انتفارق / طحت من عيني
.....................عشان لامن نسيت .. انساك بالمرّه

لكنك اقرب لـ ( دمي ) من شراييني
.....................وغلاك له في ضلوعي كرّه وفرّه

اصارحك .. لان مايعنيك يعنيني
.....................واعاتبك .. وانت لعيون الغلا قرّه

خابرك مهما افترقنا ما انت ناسيني
.....................وانا اتذكرك فاللحظه 100 مرّه

اسمك لحاله عن اللي جاي مغنيني
.....................منقوش فالقلب نقش ٍ في صفا الحرّه

الله يسامح خطاك ولايخليني
.....................ان كان الاحساس ماعندك منه ذرّه !

وشلون ياللي مصافيني / تجافيني
.....................عزالله ان الليال السود مفترّه

لكن وش اقول والا ويش في يديني
.....................مدام عهد المواليف انكشف سرّه

من ضيقة الصدر فيني ما يكفيني
.....................تعيّن ! زرار ثوبي يالله ازرّه

ان كان ماجيتني يابهجة سنيني
.....................غديت مثل الشهيد محمد الدرّه

ما أظن تبقى عناويني عناويني
.....................يموت فيّ الغرام بـ ( خيره وشرّه )

مجبور في واقع ٍ ماهوب مرضيني
.....................هذا مصير ٍ عليه النفس مضطرّه

خذ همي وشوقي وجرحي وسكيني
.....................لـ ( عالم ٍ ) ينتظرك .. ودربك يمرّه

شف عاد قلب ٍ قسمته بينك وبيني
.....................عانه تقفّاك .. واقتصّك على الجرّه

الله يوفقك .. والله لايعنيّني
.....................الحب .. ماعاد ابي بحره ولا برّه


لشاعرها ( مشعان البراق )

[جبرني الوقت]

قصيدة رائعة ...

وإنتقائك الأروع ,,,

دمتي لنا مبدعة ,,,

لــــــــك التـــــــــحـــــيــــة

[Oscar]

كلماتك رائعه
احاسيسك جميلة
رائعة بروعة طرحك

[حسن بن عبدالله]

شـكــ وبارك الله فيك ـــرا لك ... لك مني أجمل تحية .

[نّبضْ]

ولا هنتوا جميع على
المرور العطر ...

[المسكت]

ليتك قبل لا انتفارق / طحت من عيني
.....................عشان لامن نسيت .. انساك بالمرّه

الم هنا

شكراً لك ولشاعرها

[نّبضْ]

العفو لك
ولاهنت على مرورك ..