تسجيل الدخول

مشاهدة النسخة كاملة : الــــضور

نواف بن مرعي
06-05-2009, 08:19 PM
قصيدة الشاعر: مرعي بن صالح العمري.

يابو دغش برق على الضور قد شاع
سيله يسقي ضاميه كل ديره
شاورت نفسي وقلت بسريله الساع
بسري على اللي ماتوانى مسيره
شريت له جلب وحطيت له مرياع
وحطيت له بيت الشعرجنب خيمه
قالولي العربان عقلك ترى ضاع
هذاك ماهوب برق نصب وغيمه
هذاك حلم جاك والناس هجاع
إصحى ترى الأحلام ماهي حقيقه
يارافع سبع وموطي سبع
إفرج لمن ضاقت عليه الوسيعه
نواف بن مرعي
06-05-2009, 10:28 PM
رد الشاعر : حمد دغش الحارثي .

يامل قلب كله جروح وأوجاع
مريض وقلوب الخلايق سليمه

روابعا تطريبه أشكال وأنواع
وده بسجات الحياة القديمه

ياخذ مع البدوان صيفا ومرباع
البر ينشع ريح ذايع نسيمه

يابو محمد كل ماهب ذعذاع
أونس بضلعاني مثيل الحطيمه

مع الصبح ذكرتني ماضياً ضاع
ماعاد للدنيا حلاوة وقيمه

يوم كنت للميلان راعي وتباع
رجلي تعرف الدرب ماهي غشيمه

ون كان لاح البرق من كل الاصقاع
وشفت الحياء يغشى جديده رميمه

خذيت لي فنجان وأطناب وإشراع
وأطربت قلبي كلما شفت ديمه
يوسف آل عايش
06-05-2009, 10:52 PM
صح لسان الشاعرين
بصراحه بدع ورد متألق ,,
لاعدمنا الأبداع والتواصل ..

نواف بن مرعي
شكري وتقديري لك على هذا الموضوع
وتقبل مروري ..
جاسر الغراني
06-06-2009, 08:46 AM
صح لسانهما .

وصحت يمين نقلتها .

شعر غزير ومفردة جزلة .

لا عدمناك .
نواف بن مرعي
06-06-2009, 05:49 PM
الف الف شكر على مروركم...}ْ

{..اسعدني تواجد كم بصفحتي

والرد عليها ووضع

بصمتكم الرائعه..}~
JIـCـoـ(S
06-06-2009, 06:31 PM
نواف مرعي

يعطيك العافيه على النقل الجميل

وصح الله لسان بومحمد والحارثي على الابيات الجميله وماتحتويه من معاني جزله وصور جميله

ننتظر المزيد من ابداعك

تقبل مروري,,
نواف بن مرعي
06-06-2009, 06:38 PM
شريت له جلب وحطيت له مرياع
وحطيت له بيت الشعرجنب خيمه


خطاء مطبعي :البيت الاصلي
شريت له جلب وحطيت مرياع
وحطيت له بيت الشعرجنب خيمه
نواف بن مرعي
06-06-2009, 06:42 PM
الف الف شكر على مرورك اخوي

JIـCـoـ(S .}ّ

{..اسعدني تواجد ك بصفحتي

والرد عليها ووضع

بصمتك الرائعه..}~