عيون الشوووق

[خالد الدهام]

تخيل كم تمنيتك في يوم يضمنا عشاق
على درب الامل امشي وخوفي ماتلاقيني
تبعتك في عيون الشوق حضنتك في قلب مشتاق
رحلت لموعدي عندك تمنيت اللقا يجيني
وفيت وخانني وقتي00سهرت وتعبت الاوراق
ذكرتك لو بغيت انسى قصيدي جايناجيني
ذبحني صبر اّمالي سرابه حمل ماينطاق
وميعاد الهوى كذاب يسعدني ويشقيني
لقيتك احل ايامي ابا اهديها وفا واشواق
أكون وياك او مااكون اود باقي سنيني
سرحت بنظرة عيونك سرت بي والغروب اشراق
يالــيت انام بعيونكـ وماودي تصحيني
أحبك كلمه بشفاهي ابنطقها00فؤادي ضــــــــاق
احس اني عشقتك موت يااجمل مارأت عيني
أحبك لو تجيني عناق00أحبك لو تروح فراق
يظل طيفك أمل باقي يودعني00يناديني

[عاشق ثرى الديره]

خالد صح لسانك وجمل حالك كلمات جميله وفي غاية الروعه

ملاحظه / الشاعر رشيد الدهام يقرب لك تراه صاحبي من ايام مجلة المختلف

موفق بإذن الله ... لك مني أجمل تحية .

[Oscar]

خالد

يا هلا وغلا فيك وما جبت معاك.
صح لسانك ولا هان منطوقك.

نحن بإنتظار راوئع وجديدك القادم الجميل بإذن الله.

كن بكل والى كل خير.

[♥ غلا روحي ♥]

خالد الدهام

قصيده ولا اروع

يعطيك الف عافيه على ماخطته اناملك

دمت بود

[اسماعيل الكويتي]

سرحت بنظرة عيونك سرت بي والغروب اشراق
يالــيت انام بعيونكـ وماودي تصحيني


قمه الابداع والتصوير


بارك الله فيك

[المسكت]

يعطيك العافيه
وبإنتظار ماتجود به قريحتك
أجمل الود
اخووك