المساعد الشخصي الرقمي

مشاهدة النسخة كاملة : بن فطيس تدري وش ابيض من خفوقك عباتك

عاشق ثرى الديره
05-15-2009, 11:08 PM
قصيده في قمة الروعه بروعة شاعرها محمد بن فطيس اعجبتني وحبيت انقلها واتمنى ان تنال على اعجابكم :-



الله يجازي مـن يسـوي سواتـك ... وبذنوب من سوى سواتك يجازيـك

مشيت درب الثقـل وتحـب ذاتـك ... ماتــدري انـه للمـهالــك يـوديـك

غـرك جمالـك ياخسـاره حلاتك ....ماتدري ان ماغير طبعـك يحليـك

بتقـول زينـك يشفـع لسيـآتـك ....الحسن ماهو عن وفا الحب يعفيـك

لوالتواضع والوفـا مـن سماتـك ... بعت الحبايب كلهم ديـن واشريـك

لكـن عجـزت اغيـرك ياجراتـك ....على الغياب اللي بلا عـذر ينجيـك

خطاي في توضيح وشـي غلاتـك ....وخطاك في توضيح وشـو تغليـك

وشلون توصيني وتنسـا وصاتـك ....وتصد عن صوتن تقطـع يناديـك

مافاتـك التجريـح والعـذر فاتـك ...وتبغي الراي الحين ماعـاد يمديـك

صحيح احبك بـس هـاذي جزاتـك ....بعلمـك درس يفيـدك ويحيـيـك

تدري وش ابيض من خفوقك عباتك ...وتدري وش اللي غرني نظرتي فيك

ادري بتستغـرب تصبـر وجاتـك ... قصيدة مـن واحـد كـان يبغيـك

وتبغي تناظر وانت عايش مماتـك ... شف وحدتك والناس تجلس حواليك

وتبغي تشوف اشجع رجل في حياتك ... شفني وانا راحل على كثر ماغليـك
المسكت
05-15-2009, 11:31 PM
وتبغي تشوف اشجع رجل في حياتك

... شفني وانا راحل على كثر ماغليـك

بيت روعه من قصيده راائعه لشاعر راائع

شكراً لك وصح الله لسانه
اسماعيل الكويتي
05-15-2009, 11:59 PM
غـرك جمالـك ياخسـاره حلاتك ....ماتدري ان ماغير طبعـك يحليـك

بتقـول زينـك يشفـع لسيـآتـك ....الحسن ماهو عن وفا الحب يعفيـك

البتين ذي في ند والقيصدة في ند

صدق ابن فطيس فيما قال ,,,!!

بيض الله وجعك على النقل الرائع
عاشق ثرى الديره
05-17-2009, 10:56 AM
المسكت
الشكر لك على مرورك المشرف
موفق بإذن الله ... لك مني أجمل تحية .
عاشق ثرى الديره
05-17-2009, 10:58 AM
اسماعيل
اخيار موفق من القصيده اشكرك على المرور
وتقبل تحياتي (لاكن بيض الله وجعي مابلعتها )
هههههههههههههه
Oscar
05-17-2009, 01:54 PM
عاشق ثري الديره.

اختيار موفق .
من رجل مبدع مثلك .
اختار لشاعر كبير كابن فطيس.
كل الشكر والتقدير ابعثه اليك عاشق ث الديره.
اسماعيل الكويتي
05-18-2009, 04:25 AM
اسماعيل
اخيار موفق من القصيده اشكرك على المرور
وتقبل تحياتي (لاكن بيض الله وجعي مابلعتها )
هههههههههههههه
السموحة واانا اخوك

بيض الله وجهك ووجهك عيالك من بعدك
عاشق ثرى الديره
05-18-2009, 07:48 PM
اسماعيل
هههههههههههههههههههههههههههههه

بيض الله وجهك ووجهك عيالك من بعدك

ما فهمتها
:؟ :g:



:040104_emI4_prv:
عاشق ثرى الديره
05-18-2009, 07:50 PM
عمري
اذا كنت انا مبدع فانت الابداع ذاته تلميذك الله يسلمك
شـكــ وبارك الله فيك ـــرا لك ... لك مني أجمل تحية .