السكسوكه؛؛ قصيده رووعه للشاعره نهى نبيل ؛؛

[عينك سماي]

هذاك المار قدامي وله نظرات قتاله .=له سكسوكة حلوه بأقصى الوجه مرتسمه ..
حرمني النوم في ليلي .. حرمني النوم عقباله .=يحس الشوق في صدره ذبحه وزاد في همه ..
احب امه .. احب عمه .. احب جده ..واحب خاله =اموت بنظرة عيونه وأعشق كل حروف اسمه ..
احب جٍده واحب هزله ، اذوب وحالتي حاله =واذا يطروه قدامي .. احس بداخلي صدمه ..
ذبحني بكثر ماشتاقه .. ذبحني بكثرة اشغاله =شغلني جنن قليبي .. فصلني من على الخدمه ^^ ..
ياليت اقدر اصير بيوم شي(ن) دايم قباله =وراه بكل مكان يروح .. شي(ن) غالي يهمه ..
ياليتني ساعة(ن) بيده .. او ارقام(ن) بجواله =يطقطقني على كيفه ولا احفظ سوى رقمه ..
انا ادري انه يعاني .. وادري صعبه احواله =قلبي مايطاوعني .. يبي دايم اهو يمه ..
انا مايهمني ربعه .. وعذالي وعذاله =احبه بكل جنون الحب .. والإحساس والذمه ..
صحيح انه يكذبني وظنونه دوم على باله =لكني بعلمه كيف هو دمي وانا دمه ..
يقول اني انا انسى ؟! فال الله ولا فاله =لو بانسى انا نفسي .. مانسى ابد رسمه..
ياقلبي شوف لي حل(ن) بحب(ن) صار لي عاله =يا إما تجيبه لعندي .. والا إطلُبه من امه ..

[بہرسہتہيہج]

تسجيل اعجاب بالقصيده...

كل الود

[بن ظافر]

بارك الله فيك على هذا ألأختيار

صحيح انه يكذبني وظنونه دوم على باله ..
لكني بعلمه كيف هو دمي وانا دمه ..
يقول اني انا انسى ؟! فال الله ولا فاله ..
لو بانسى انا نفسي .. مانسى ابد رسمه..
ياقلبي شوف لي حل(ن) بحب(ن) صار لي عاله ..
يا إما تجيبه لعندي .. والا إطلُبه من امه

[سمير0707]

انا بصراحه هالقصيده شفتها في التلفزيون وكنت اتمنا اني اشوفها مره ثانيه

في مجتمعاتنا من المعروف ان الرجل هو الذي يتغزل في المرأه ولكن اتت نهى نبيل بالنادر

[Oscar]

عينك سماي .


كل ما تختارينه تسجلين به عالم منفرد بالروعة عن الآخر.
دمتي ودامت لنا مشاعرك الفياضة بكل الحب .

تقبلي تحياتي.
عمري......

[المسكت]

كلك ذوق
ونهى نبيل شاعر لايُشق لها غبار

شكراص لك

اخووك