[[[غلطانـــــه اللـي تعشـق اليـوم رجـال]]]

[بلا حدود]

غلطانه اللـي تعشـق اليـوم رجـــــــال
مهما حلـــف بالـــــود يبقـــــى انانــــي


اليوم لك ثانــــــي مـــــع راحـــة البـال
وانا بعـد همـــي لـه اليــــــــــوم ثانـي


اليـــــــوم تاركنـي اناظـــــــر بـالاطـلال
صورة,, رساله ,,حلم ,,جرح وامانــــي


ليلي قضيتـه بيـــن هــــــــــمٍ وغربـال
واقول في نفســــي حبيبـي نسانــي


غنيت انا عقبــــــــك من الضيـق مـوال
يومك تسمـــــــــــع للطـرب والاغانـي


لي دمعةٍ مــــــن فوق الاوجـان تختـال
يومـــــك تلاعــــب مترفـــــات المبانـي


وبي عبــــــــرة منهـا المخاليـق تهتـال
ياعبرتــــــــــي لاتفضحينـي عشـانــي


ياعبرتــــي خلـــــي لـك الصـدر منـزال
لاهـــــــــوب بـك داري ولاهـوب عانـي


مشغــــول له فـــــي ترفة حالهـا حـال
ماهوب فاضـــــــي لعبرتـي او جنانــي


في يوم واحــــد نستــــه كـل الامــــال
وش عــــــاد لو يدري بشـوق غشانــي


ماهوب مثــــــــل اول هذاك الغـــلا زال
عـــــــــــزاه كيـف الــــــود زال بثوانـي


اربــــع سنينٍ طـــــــــوال ياكيف تنـزال
وتحـــــــــــط في قلبك هنـوف مكانــي


ماكنت اظنــــــــــك تجحـد الـود لا طـال
اثرك علــــــــى طريـف وتبينـي اعانـي


قـد قالـوا ان البعــــد والصــــد قتـــــال
وانـا اشهــــد انـــه علــــــة بالمحانـــي


يومــــــــي اشوفك لابس بشت وعقال
والشـــــارب الاســـود وزول سبانــــي


وعروستك مــــــن الحيا ترخـي الشـال
وترســــل لهــــا بسمـه تزيـد امتحانـي


دمعــــي بلا علمي على وجنتي سـال
اشتقت لـك ليتـك تحــــــــــس بحنانـي


ليتك تشوف الحــــــــال يامتلـف الحـال
بس التفت لــــــي شـوف شالله بلاني


نصيتهــــا تضحـك لهــــــا لاهـيٍ سـال
واقــــــــــول ياليتــــه حبيبـي نصانـي


الله يادنيـــــــــــــا التعاسـه والاهــوال
الله يستـــر وش يخبـــــــــــي زمانـي


غلطانـــــه اللـي تعشـق اليـوم رجـال
مهمــــا حلـف بالــــــــود يبقـى انانــي


وقلب الرجل مابه من الحـب مثقـــــال
والبنـت ترفــــــــــــه قلبـهـا مايـدانــي

[عينك سماي]

ماينطبق حكمك على كل رجال
اعدل بحكمك يارهيف الثماني
وان كان طيرك بدل احباب باحباب
عشرة سنين وروحت في ثواني
شوفي وش الاسباب وش غير الحال
يمكن يعاني مثل مانتي تعاني
معذور كان اللي حداه اشهب اللآل
واقفا يرفرف فوق خضر المواني


شكرا بلا حدود على ابداعاتك اللي بلا حدود

[بہرسہتہيہج]

بدع جميل....

ورد قوي ....


كل الود....

[عود الليل]

رووووووعهــ والعضو اروع..
وبلا حدود لا زال فالقمة..
وعينك سماي ابدعت..
لهما كل شكر وتقديري

[بن ظافر]

بارك الله فيك الله يعطيك العافيه

نصيتهــــا تضحـك لهــــــا لاهـيٍ سـال
واقــــــــــول ياليتــــه حبيبـي نصانـي


الله يادنيـــــــــــــا التعاسـه والاهــوال
الله يستـــر وش يخبـــــــــــي زمانـي


غلطانـــــه اللـي تعشـق اليـوم رجـال
مهمــــا حلـف بالــــــــود يبقـى انانــي


وقلب الرجل مابه من الحـب مثقـــــال
والبنـت ترفــــــــــــه قلبـهـا مايـدانــي

[اسماعيل الكويتي]

عينك سماي يعطيك العافية على الرد

بلا حدود

يا من حكم حُكم علـى كل رجـــال
وقــال مالنا من القلوب الا الخوالي

يا ما عشتي الفرح وانا دمعي ســال
واكتم جروحي واجعل افراحك الحاني

جحود حب(ن) وذا انتوعلى كل حال
بنيت حبـك وصـار لـلفـخر عـــنواني

ما عاش من لامك في حب(ن) ضال
ولومي قلبك نسى حب(ن) في ثواني

وقولك للرجل مابة من الحب مثقال
هذا تفكيرك ولك تقدير واحترامي

واليوم اعيدي حكم مع طول البال
والبنت بحلاها كل الشباب يعاني

واعذروني على القصور

[اسماعيل الكويتي]

بلا حدود لقد استغربت لما عرفت انك رجل ...

وتقول هذا القصيدة ...
انا لا لا اعترض...؟؟؟

اخوي بلا حدود..:030305041410:. يعطيك العافية

[غـــريب الـــدار]

بلا حدود
موضوع جميل وغريب في نفس الوقت
فبقصيدتك تلك فقد حكمت على العموم

انا لا اعترض على الموضوع لانة يثير الكثير من النقاشات والجد ..؟؟.

اسماعيل الكويتي ..

يعطيك ترليون عافية وانت اثبت بردك انك شاعر محترف ..
فلقد رديت بكل احترام بقولك ..


وقولك للرجل مابة من الحب مثقال
هذا تفكيرك ولك تقدير واحترامي

احترامي لك يا اخ اسماعيل وعلى القوة ...

[يوسف آل عايش]

بلا حدود عوافي على النقل
ابغى اتفلسف واصير مثل دكتور غسان ..
الحين القصيده الي نقلها بلاحدود لبنت البنت هذي حبت واحد
واوهما انه يحبها واوعدها انه بيتزوجها ..
لكن اخونا في الله سحب عليها وراح تزوج .. وبقى اللي بينهم علاقه عابره وماقدر محبتها له وماقدر وعده اذا كان وعدها ..
فهي تحكي معاناه ..

اسماعيل الكويتي
عادي وانا اخوك اشفيك معصب .. الحين انت لو بتسحب عليك بنت ماراح تزعل وتسوي فيها قصيده بما انك شاعر وتنزلها بالمنتديات ..
بتجي بنت وتنقلها على انها قصيدة مجروح ..
وانتهت السالفه ,,,وبصراحه ردك كان قوي اهنيك عليه ..

عينك سماي كذلك كنت ممتعه ..

اكرر شكري وتقديري لبلا حدود واعتذر عن مداخلتي المطوله لكن شفت المشاركين متحمسين ..

[عينك سماي]

هالقصيده اثارت جدل كثير وكبير وهي فعلا تتحدث عن قصه واقعيه
والرد الذي اضفته لم يكن من قوووولي بل من منقولي واعتقد انه للشاعره المبرقعه
ماينطبق حكمك على كل رجال
اعدل بحكمك يارهيف الثماني
وان كان طيرك بدل احباب باحباب
عشرة سنين وروحت في ثواني
شوفي وش الاسباب وش غير الحال
يمكن يعاني مثل مانتي تعاني
معذور كان اللي حداه اشهب اللآل
واقفا يرفرف فوق خضر المواني

[بہرسہتہيہج]

هالقصيده اثارت جدل كثير وكبير وهي فعلا تتحدث عن قصه واقعيه
والرد الذي اضفته لم يكن من قوووولي بل من منقولي واعتقد انه للشاعره المبرقعه
ماينطبق حكمك على كل رجال
اعدل بحكمك يارهيف الثماني
وان كان طيرك بدل احباب باحباب
عشرة سنين وروحت في ثواني
شوفي وش الاسباب وش غير الحال
يمكن يعاني مثل مانتي تعاني
معذور كان اللي حداه اشهب اللآل
واقفا يرفرف فوق خضر المواني


طيب ليش تعيديها ....


ولاانبسطتي العالم مدحوها << يبي يتلطش

ههههههههههههههههههههههههههههه

[عينك سماي]

اعدتها لاوضح للاعضاء اني نقلتها مومن كلماتي :110103_ign_prv:

[عذب السجايا]

غلطانه اللـي تعشـق اليـوم رجـــــــال


بلا حدود يعطيك العافية
لكن وش تبيها تعشق لها حيد؟
اتركوا المرأة في حالها مو كفاية
حقوقها الضايعة

[بلا حدود]

اشكركم جميعا ع المرور.
بصراحه القصيده اعجبتني كثيرا.وهي تحاكي الواقع ولا احد يستطيع نكران ذلك!!!!!!
فدائما او حتى اكون اكثر دقه((في الغالب)) تكون المرأه هي الحلقه الاضعف.

ومضه //
عذب السجايا لقد اثلجت صدري بردك وصراحتك وواقعيتك
اشكرك من الاعماااااااق

[بہرسہتہيہج]

صراحه انا اقول ....
غلطان من يعشق فتاة بعد اليوم .....


لانك مهما وثقت ....

مستحيل تثق هي...

[اسماعيل الكويتي]

صراحه انا اقول ....
غلطان من يعشق فتاة بعد اليوم .....


لانك مهما وثقت ....

مستحيل تثق هي...


السفير اللعن الشيطان معليش واسمحلي انا ضدك ..!!

البنات مو كلهم مثل بعض ...
ياما انجرحنا وحكمنا مثل حكمك لكن تبين كل شي .. ...!!

وطلع انة في بنات الوحدة منهم تسوى مية رجال

السفير الله يعينك وانا اخوك والله يعيد الحبايب لبعض .. امين يا رب

[توليب]

قصيــد رآآيعــه تســلم أخــوي بلا حــدود ..


بس أتوقــع يقصــد بالقصيــده أشبــاه الرجــال وليس رجال بمعــنى الرجــوله ..


دمت لمــن تحب ..

[(( صقر صدريد ))]

بلا حدود ..

الله يعطيك العافيه ع القصيده .. وهي بكل تأكيد مرسله لمن لا يقدر الحب والعشره ..

وهم للأسف كثير ..

فهناك من لا يحترم ولا يقدر الحب والحبيب ويبيعه وكأن شي لم يكن ..

فهو بكل تأكيد حرام فيه الحب والعشق ... فهو لا يستاهله ..



أيضا .. شكراً لـ (( عينك سماي )) .. و (( أسماعيل )) ...


كل الود ..

[الر آ ا آ قي]

انا مع عينك سماى الحكم ما بنطبق على الكل
فهناك رجال يحبون بصدق واخلاص ويبذلون الكثير من اجل محبوبته

اما اللي نسمع عنه من لعب بالمشاعر من ناس ( محسوبين على جنس الرجال بس ليسوا برجال ) فهذا ليس حب ........ وعلى الجنس الطليف توخي الحذر ،،


تبقل مروري يالغالي

[بني عمرو الهول84]

يعطيك العافيه ... لا تعممين اصابع الانسان ماهي سوى ولك هذي الابيات:


يا بنت بوها حالتي ما لها حال ,,,, غير الحزن والضيم والهم شاني
ماهو غلط لو تعشق البنت رجال ,,,, عين الغلط لو تعشق البنت داني
الحب يحيي يا بنيه له اجـــيال ,,,,, لو هو محله والعمر دوم فاني

وسلامتك,,,

[بلا حدود]

اشكركم جميعا.على التفاعل والمرور.
ومازلت مقتنعا بالقصيده والابيات كواقع نعيشه في الغالب.
وما اقول الا الله يصلح الحال.

[بني عمرو الهول84]

بلا حدود ...
السلام عليكم ورحمة الله وبركاته .
اشكرك على هذي الابيات اولآ... ثانيآ : إذا لقت البنت رجال رجال ينحط على اليمين ويحب البنت ويحب اهلها ويحب جدران البيت اللي هي تسكنه و ... و ... و...
اقول ليه ما يتعبر؟ ليه مافيه تقدير للمشاعر ؟ ليه ما فيه احساس ان هناك قلب يتقطع كل ماذكر الايام الحلوة ؟ ليه ؟... ليه؟... ليه؟...؟ اسئلة كثير مالها جواب الا تكبرو تنسى !!!

لكن على قول الشاعر :


خلوني اسج عن موضوعه احسن لي
ولا الغلا والله ان يبطي وهو غالي


تقبلي تحياتي ... بني عمرو الهوووول