العذب
06-30-2003, 03:45 PM
انا من الصحراء وانا البر مرباي=بدوي واعشق حيل طبع البوادي
احب صوت تالي الليل حداي=واصوت جيعان مع الليل عادي
والاترزم خلفه كنه النأي=تبغى ولدها باول الذود غادي
واحب روض ناقعاًبطرفه مأي=باول شروق الشمس والجو هادي
واحب نارمؤقدة عندها شاي=والدله الصفرا وذيك الهوادي
واحب امشي بالوعر وأوزن خطاي=اركض مع البيدا وامشي ركادي
يوم اتذكر مامضى بحلو دنياي=تجيني الأفكار عجلي عوادي
اذكر زمان ماضيا كان بصباي=بهبة سموم القيض والاالبرادي
ماغرني قولة سلام هلا وهاي=هذا التطور ماعشقته الفوادي
ماهمني نيسان والاهونداي=فرخ الشبح وان كان ماهو مرادي
ومابي ركوب الجو والاعلى سكاي=كور النجيبه مركبي والشدادي
شفي على الوضحى ذلولي بمسراي=طويلة السمحوق بقران حادي
متنحرا ديرة هوى القلب ومناي=هاك العنود اللي لها القلب رادي
واطرب على صوت الربابة عن الراي=والبوب والدسكو يجيب النكادي
والدنص ماريده ولاكان معزاي=والروك شبهته بصوت الجرادي
انا من الصحراء وانا البر مرباي=بدوي واعشق حيل طبع البوادي
احب صوت تالي الليل حداي=واصوت جيعان مع الليل عادي
والاترزم خلفه كنه النأي=تبغى ولدها باول الذود غادي
واحب روض ناقعاًبطرفه مأي=باول شروق الشمس والجو هادي
واحب نارمؤقدة عندها شاي=والدله الصفرا وذيك الهوادي
واحب امشي بالوعر وأوزن خطاي=اركض مع البيدا وامشي ركادي
يوم اتذكر مامضى بحلو دنياي=تجيني الأفكار عجلي عوادي
اذكر زمان ماضيا كان بصباي=بهبة سموم القيض والاالبرادي
ماغرني قولة سلام هلا وهاي=هذا التطور ماعشقته الفوادي
ماهمني نيسان والاهونداي=فرخ الشبح وان كان ماهو مرادي
ومابي ركوب الجو والاعلى سكاي=كور النجيبه مركبي والشدادي
شفي على الوضحى ذلولي بمسراي=طويلة السمحوق بقران حادي
متنحرا ديرة هوى القلب ومناي=هاك العنود اللي لها القلب رادي
واطرب على صوت الربابة عن الراي=والبوب والدسكو يجيب النكادي
والدنص ماريده ولاكان معزاي=والروك شبهته بصوت الجرادي
انا من الصحراء وانا البر مرباي=بدوي واعشق حيل طبع البوادي