لآ تحسب إن دمعي نزٍل دوٍن سبّـه ¤¤ أبكي من الفرٍقآ وٍهي مآبعد جآت

[نّبضْ]

جديد الشاعر .. محمد بن فطيس المري
راقت لي فنقلتها اليكم ..
اتمنى ان تنال اعجابكم ..

ليه المسا عـوق الشقـاوي وطبّـه
وليه الهبوب تصحي القلب لا بـات

وليه القمر يدعـي جريـح المحبّـه
ويقول له يا هيه..ما فات ..ما مـات

جرحك ظهر لو قلـت للوجـه خبّـه
وللحزن في ضحكك رسوم وعلامات

وليه المطر بالـذات ريحـه وصبّـه
كنّه رسول بيـن الاحبـاب بالـذات

اشتـاق فيـه لشوفـتـك واتنـبّـه
للي نسيته مـن مواقـف ونظـرات

لا استانس الخافق ذكر مـن يحبّـه
ورجع يراجع فالوناسـات مـا فـات

يا مرتـع القلـب الحزيـن ومربّـه
يزيين بك مثل الذهب صدر الابيـات

هيهات ينسى القلب شخـص ٍ لعبّـه
وهيهات يدله خاطري منـك هيهـات

نبع الغـلا عنـدك وعنـدي مصبّـه
ومن الولا .. في خافقي لك ..ولاياات

وطيفك حطب عيني..وعيني مشبّـه
والشوق برد ٍ ما انقطع لو للحظـات

ومكانك الصدر ولـك القلـب شبّـه
بين الظلوع اللـي فردهـا التنهـات

ولك بيـرق ٍ فالقلـب حبـك يهبّـه
شامخ ولا هزه مـن العـذل غـارات

محبتـك فالوقـت ذا مــا تشـبّـه
الا بخيمـة بـدو بيـن العـمـارات

ان شفتني ضايق واهوجس واسبّـه
اخاف غدر الوقت.. والوقـت دورات

لا تحسب ان دمعي نـزل دون سبّـه
ابكي من الفرقا وهي مابعـد جـات

الـيـوم كــل امورنا..مستتـبّـه
وبكره ماندري وش معه من مسرّات

اربّ قلبـك مثـل قلـبـي اربّــه
ما يخلفه كثـر العـذل والمسافـات


تحيـــآتــي

[بن ظافر]

الله يعطيكم العافيه على هذا النقل المميز


لا تحسب ان دمعي نـزل دون سبّـه
ابكي من الفرقا وهي مابعـد جـات

الـيـوم كــل امورنا..مستتـبّـه
وبكره ماندري وش معه من مسرّات

اربّ قلبـك مثـل قلـبـي اربّــه
ما يخلفه كثـر العـذل والمسافـات

[المسكت]

إختيار رائع
وبن فطيس من الشعراء الرائعين وقد استحق الرايه في شاعر المليون نسخته الاولى بكل جداره
شاعر يمتلك من المشاعر الكثير وبكل فطره وبرأءه وبراعة الشعور

لاهنتي والله ولاعدمنااك

اخووك