موال وقصيده

[راضي]

قالوا تناظر بالسما قلت لا لا=اناظر اللي نورها يحرق الشمس
ان جيتها راخت وصاحت بلا لا=ممنوع ياسيدي من القرب واللمس
الصوت فيه احساس راقي وهالا=والبوح لايمكن ولايمكن الهمس
مديت كفي قالت الشيخ قالا=انتي رهينه لاتمدين بالخمس
ضيعت روحي بين حاضر ولا لا=ضيعت روحي بين يومي ويوم امس
اعطيتها العنوان قالت تعالى= والا دخيلك نام مثل العرب وامس
------
===
--
من حقها تاخذ من الوقت راحه=الكل من بعد المعاناه يرتاح
ادري عليها الوقت ضايع صباحه=وادري عليها الظلم ماهوب نزاح
واللي ظلمها شيخ بيده سلاحه=واسلاحها صمت المودين وانواح
مابينها واللي ظلمها مساحه=ممنوع تبدي رايها راح ماراح
في قهرها يبدي لغيره نجاحه=في ذلها خلف مقاتيل واجراح
يومي سالت الناس عنها صراحه=كلن لعن بوها -وبعلن لها راح
انا اشهد ان الموت للزين راحه=وانا اشهد ان الورد من صدرها فاح
--------
يعني لقيتي من يسميك ليلى=الله يهني من يسميك ليلى