حملة شباب الكلوركس .... ضد البنات ؟؟؟

[سد الوادي]

~¤ô¦¦§¦¦ô¤~ حملة شباب الكلوركس ~¤ô¦¦§¦¦ô¤~


الإخوة والأخوات حفظكم الله ورعاكم وجعل الجنة مثواكم

تحية طيبة وبعد :

عندي لكم هرجة ما تجي في بالكم أبداً !!!


تعرفون انتشرت ألحين أقلام الليزر لمعاكسات البنات ومضايقة العوائل من الشباب وهدفهم المغازلة

لكن ألحين طلعت حركه جديدة من الشباب يستهدفون البنات إلي يلبسون عبايات مخصرة وفاتنة
وسمو نفسهم حملة شباب الكلوركس للتبيض !!!!؟؟؟؟

وشفتهم في السوق بس شفت بنات قليل منهم

تعرفون وش السالفة ؟؟

اللي قالت لي الخبر بنت محتشمة في لبسها للعباية
تقول رحت أنا وزوجي للسوق ومنها بنلعب العيال ، شفت أربع بنات لابسين عبايات مره فاضحه ، يـبان حجم اليد والصدر والخصر ومن تحت فضفاض
واثنين شباب يمشون وراهم وأنا وزوجي عيونا عليهم وشوي إلا واحد من الشباب طلع من جيبه أبره ورش عبايات البنات وانحاشو !!

جلسنا نمشي ورى البنات ، تقول وشوي تغيرت لون عبايتهم طلع لها لون غريب يضحك / واضح إن منكب عليهم كلوركس !!



وبعدها جلست أدور في عبايتي عسى مارشوني أنا بعد !!

تقول الحمدلله عبايتي ما فيها شي
وراحوا البنات
وتقول زوجي مستغرب و يفكر ليه سووا الحركة هاذي ؟؟!!

تقول سبحان الله بعد ماشريت لي ملابس رحنا نلعب العيال بالملاهي إلي بالسوق ولقينا نفس الشباب وقلت لزوجي شوفهم هناك ورى البنات



وراح لهم زوجي وبعد خمس دقايق رجع يضحك قلت له هاه وش السالفه ؟؟
قال وهو يضحك : الإبرة اللي شفناها معهم هذي أنبوبات بدون أبره وفيها كلوركس يقولون اللي عجزت عنهم الهيئة تكافحهم إحنا نكافحهم !!

يقول الشاب لزوجي : نجي بدري لأي سوق يسمحون لنا ندخله و نلبس بنطلون أبيض أو ثوب ونحط في الجيب الواحد 10 أنبوبات فيها كلوركس ونرش عبايات البنات المخصرة والفاتنة ويحلف بالله اللي محتشمة ما نرشها !! نرش بس العبايات المخصرة والفاضحة !!
وسمو نفسهم شباب الكلوركس للتبيض... !!
يقول عددنا اللي في السوق 10 نتقسم وإذا خلص الكلوركس اللي معنا نروح نعبي من الجالون اللي بالسيارة
وسألهم زوجي ليه تسوون كذا ؟؟
تعرفون ويش قالوا ؟
قالوا هدفنا واضح هو نخلي هالبنات يلتزموا بالستر وبس !!!!.....


والله عليهم حركات ماتجي في بال أحد
وانصح كل وحدة بالستر في كل مكان مو في السوق وبس ولا راح تكون عرضه لشباب التبييض !
وأضحوكه للناس!

وعلى فكره شفت كم بنت ينعدون على الأصابع في أحد الأسواق تعرضوا للتبييض بالكلوركس !!

عساهم يتأدبون

الله يهدينا ويهديهم ويستر علينا وعليهم

شر البلية مايضحك...............



لا تبخلوا علينا بمشاركاتكم


وارائكم حول الموضوع


ولكم ارق التحايا

[بہرسہتہيہج]

ههههههههههههههههههههههههههههههههه

سوايا العطاله وانا اخوك

بس حركه
ههههههههههه

[ليالي جنوبية]

هههههههههههههههه
قسم بالله حركة خطيرررررة وماتجي على البال
بس والله عجبوني
احسن يستاهلون البنات هي نازله تتسوق والا تستعرض
ياليت اشوف اشكالهم بعد التبييض
يعطيك العافية دائما مواضيعك حلوووة وتوسع الصدر...
اذا فيه اخطاء والاشي استروا ماواجهتوا تراني اكتب وانا اضحك

[صعود المستحيل]

ههههههههههههههههههههههه
من جد فكره ............ وربي نفسي اشوف هالبنات كيف صارت اشكالهم
الصراحه ماتوقع انو هالشي الي سووه الشباب طواعه منهم الا بس فاضيين وودهم ينشهرون بهالحركه
ولا لو كان دين ماكان قعدو يلاحقون ورا البنات بالاسواق(والفاضي يعمل قاضي)بس ما انكر انو فكرتهم ذكيه..........

يعطيك الف عافيه سد الوادي على هالموضوع...........
الله يوسع صدرك وسعت صدورنا(((((تحيااااااااااااااااتي)))))

[روح البـــــداوه]

يعطيك العافيه سد الوادي..

من هنا اعلن اني بأنظم لذي الحمله ,,,

بس خايف احد يشوفني ويفهمني غلط ..

مالها داعي اتشوت قدام العالم >>> مجرب

كل الود

[بنت الشيخ]

ان صحت هذه الرواية فاعتقد هذي الحركة من حركات المراهقين السخيفة ويستحقون عليها العقاب وليس التشجيع

فما هكذا نردع المنكر واضن الهدف معاكسات ومضايقات اكثر من كونه ردع عن منكر

اذا لم يكن الوازع من داخل ضمير الانسان فماله من رادع

[JIـCـoـ(S]

اسعد الله لو المره الجايه يحطون بدل الكلوركس موية بطاريه (( اسيد ))

[بن ظافر]

ســــــــ الوادي ــــــــــــد؛؛ يعطيك العافيه هي حركه من الحركات الجديده للغزل الفاشل والله ما قصدهم نصح لكن والله لو واحد

جاله كعب مثل كعب حراء ما يعودها أحذر على عمرك ياسد الثوب شتوي هههههههههههه {فهمت}

[ابوطيف(ال حطامي)]

يا يعيش يا يعش يا يعيش

جميل جدا والله بعضهن مافكرن وتنبسط على هذه الحركات

مشكور ســـــــــــــــــــــــد الوادي

ابوطيف

[محيرهم]

سد الوادي

100%

بس سؤال

الي رافض ليه رافض يعني ماتشوفون اللبس كيف صاير

قصدهم ولا مو قصدهم

الحركه 100%

يعطيك العافيه

[سد الوادي]

هلا وغلا

بالجميع واشكر لكم تواجدكم وحضوركم الكريم

وارحب بوجهات النظر المطروحة والحقيقة النية لا يعلمها الا الله

ولكن اذا كان الهدف منها طيب فلست مؤيدا بالمعنى الصحيح ولكن

قد يكون هناك اساليب اخرى يتم النصح بها .. واذا ما رضي الوالدان لبنتهم

فلن تكون وكيل آدم على ذيته ,,, يتحملون العواقب ؟؟؟؟؟؟ فمن يرضى ان تخرج

ابنته بهذا الشكل فاكيد انه بيكون معترض على اي دعوى للصلاح ....


وتحيتي للجميع


اخيرا

اتمنى ان تكون المشاركات في اطار الموضوع

[نوووسه]

هههههههههههه
ودي اشوفهم عشان اقعد اتشمت خخخخخ

[العزابي]

والله موضوع حلو وحركة حلوه وبصراحة والله تمنيت يرشونهم بأسيد يقطع ... عشان ماتعرف تجلس زين

بيض الله وجه ووجه أبوه الي رباه

أستميحك عذراً لنقلة لموقعي

تحياتي

[سد الوادي]

نوسة

الشماته ما هي حلوة

الا قلي الحمد لله الذي عافانا مما ابتلاهم به


وحياك الله

[سد الوادي]

العزابي

حياك الله والله يكفينا وانتوا الشر

وجعله فداك الموضوع ما به خلاف

ولك تحيتي

[الامل المستحيل]

والله موضوع حلو وحركة حلوه
مشكور ســـــــــــــــــــــــد الوادي

[غلا.....ي]

سد الوادي ...

البنات اللي تلبس كذا اصلا ليست لهدف الحصول على شي من الشاب ...
فقط لفت النظر والتميز بشي مختلف عن البنات ....
حركة الشباب إن صحت مالها داعي ووجب كسر يده من يتعدى على بنات الناس ...
هناك جهه مسؤله وهي هيئة الأمر بالمعروف والنهي عن المنكر .. لها حق النصح وعدم مد اليد ..
مابقى الا الشباب المنتشرين في السوق يحلون قضية العباءه المخصره ....
على كثر ما دخلت أسواق الرياض والله أول مره اسمع بهذه الحركه ...

لك التقدير

[الأزدية]

الحمد لله الذي عافانا مما ابتلاهم به

بالرغم من اني ضد الفئة التي تلبس هذا النوع من العبايات

لكني ايضا ضد التصرف الهمجي هذا من قبل الشباب

إن كان عندهم حمية وغيرة صحيح

يروحون للتاجر القذر الذي سمح بدخولها وبيعها ونشرها في الاسواق

يتفاهمون معاه بطريقتهم

ما عدنا نحصل على عبايات محتشمة حتى عبابات الرأس لعبوا بها

لإن الفتاة اللي تلبس هذه العباية مبتلية بعقل لا يعي

وبصيرة حولاء لا تعرف هل الزينة هي التي تخفى ام تظهر

وولي ارعن لم يحسن تربيتها ويوجهها التوجيه الصحيح

يعني اش تستفيد اذا رشيتها بكلوركس بيجيب لها بابا وحدة ثانية احدث واكثر فتنة

لان العبايات الآن تتطور فيها الفتن وتتعاظم نسأل الله السلامة

[زهرة الجوري]

سد الوادي
تسلم على الموضوع ونسال الله ان يعافينا مما ابتلاهم به
والمسؤليه الكبرى تقع على ولي الامر الذي يرى ابنته تخرج في عبايه
مخصره ولا يمنعها من لبسها فكل راعي وكل مسؤل عن رعيته امام الله
ولك كل التقدير