القلب يا صاحبي قد شرع ابوابه !

[راجي الوصل]

القلب ياصاحبي قد شرّع ابوابه
مفتوح لك ياحبيبه دوم يا غالي
.
مشاعره صادقة ماهيب كذابة
مشاعر ٍ غيّرت في وضعي وحالي
.
لاتنشد القلب بعد البعد وش جابه
اصبح مع الحب نزّال ٍ ورحال ِ
.
الله يكفيك مما جابه وصابه
عز الله انه تذوق مر الاهوال ِ
.
قد طاح بين الزمان وعضة انيابه
وفرقى المحبين والصدة من الغالي
. . .

[المسكت]

روعه راجي الوصل
وشدتني الابيات التي بالتوقيع كثيراً
شكراً لك وصح لسانك مليون
عودتنا على كل ماهو جميل وكلك ذووق

احترامي وتقديري

اخووك

[بن ظافر]

راجي الوصل: الله يعطيك العافيه صح الله لسانك يا الغالي

.
الله يكفيك مما جابه وصابه
عز الله انه تذوق مر الاهوال ِ
.
قد طاح بين الزمان وعضة انيابه
وفرقى المحبين والصدة من الغالي

[ابو عزيز]

هني لصنف
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ