تعدت الخطوط الحمراء

[يوسف آل عايش]

هذه قصه حصلت لي قبل اسبوع من الآن وافضل طرحها بأسلوب عامي لأني ماأعرف اتفلسف بالفصحى ::
في يوم الخميس الماضي رحت انا وواحد من الشباب الصبح بدري شارع مرموق في الرياض المهم وجلسنا ندج وكان فيه سياره فارهه من نوع رنج روفر تدور معنا مره بجنبنا مره ورانا المهم كان مضلل الزجاج (معتمه) وشوي وبدا يضايقنا المهم وقفت اكثر من مره عشان اتفاهم معه او اشوف اش عنده بس مشكل فيني للأخر المهم وقفت عند محل كوفي وشوي الا وابو الشباب محظر فيني من ورا (صدمني من ورابالسياره)
مامداني انزل من السياره الا وهو فاقع (هرب) اخذت رقم الوحه وكان فيه دوريه للمرور موجوده قريبه منا وانزل عنده واقله السالفه اخذ المعلومات وسوا بلاغ وهنا تأتي الطامه ::030305040652:
للاسف صاحبة السياره مانقدر نسويلها اي شي (يعني اللي كان يسوق حرمه) انت الله يعينك رح صلح صدام سيارتك ولازم نحقق معك يمكن انت تكون الغلطان وقعد يتملكع فينا اكثر من ساعه وبعدها قال رح ماجانا عليك تعميم (والله لو اني سارق بنك سامبا ) المهم السالفه ذي مادخلت لي مزاج اخذت نفسي يوم السبت ورحت مركز المرور قالو لي نفس الكلام يعني الباب ولا يكثر ..مافيه امل ..
رحت وصلحت سيارتي ع حسابي وهذي كل السالفه ’’’’’ بس الحين الخطوط الحمراء ذي مالها حل مع انه اول مره يحصل لي مثل ذا الموقف وذي المسخره ’’’’ وشكراا

[المسكت]

يمكن مي حرمه
يمكن ولد ضغط عالي ومادخلت مزاجه وصدمك عمد
تعرف إللي زي حالتنا مضطهد

عموماً على قولة الشاعر رشيد الزلامي في شاعر المعنى كل واحد يصلح سيارته

شكراً لك والحمد لله إنه ماصدمك انت

[فارس بني عمرو]

يوسف

الحل: امارة الرياض تستقبل مثل هذه الشكوى قدم معروضك واكتب ما حصل بالتفصيل

من البداية مرورآ برجل المرور الى اخر ما توصلت اليه .. وانتظر الرد !!

الحل الثاني : اذا شفتها ثاني مرة لا اوصيك تجنبها :wink_5:

[ابو بندر]

والمطارده كلها على شان تصدمك و بعد ما صدمتك من ورى فقعت
عسي الله يفقعها انشاء الله بالحبره أقول هو ماودك تضل تصغرشويه
على شأن تنبلع

[يوسف آل عايش]

والمطارده كلها على شان تصدمك و بعد ما صدمتك من ورى فقعت
عسي الله يفقعها انشاء الله بالحبره أقول هو ماودك تضل تصغرشويه
على شأن تنبلع

ابو بندر الله يصلحك والله لو اني اكبر بكاش سلامات اعرفك عشان اكذب عليك ههههههههههه ابوبندر عالعموم السالفه ذي حصلت اذا انت مو مصدق شي يخصك وشكراا ع التطويف اللي مدري اش يبغى ههههههه

[يوسف آل عايش]

المسكت حبيبي وشلون ظغط عالي ؟؟؟؟ يااخي الظااهر اني احول ماسمعت ولاشفت زين ههههههههه ..اقولك السياره طلعت اللي فيها حرمه وبسمها ومو اي حرمه وبعدين انا طرحت موضوع جاد فيه ماني جالس اتريق فيه ..
>>>>> ياخذ الردود برووح معنويه مع انها ع البيباان (اللي هو انا)

[يوسف آل عايش]

فارس بني عمرو اشكر لك مشاركتك ... والاماره اذا قالت اش قد الاضرار الناتجه اقول لهم صدام سياره ’’’يعني بيقولون خذ معروضك ودحدر ’’’ طيب واذا مثلا كانت التعليمات منهم عدم التعرض لها لأنها ولأنها اش ذنب المواطن المسكين مثلي >>>> يكسر الخاطر >>> وبعدين يقول لي واحد في المرور مو انت اول وااحد بس انت احمد ربك انها بنت وانتهت لحد كذا >>>> ماحب اتعمق !!!!!!

[المسكت]

المسكت حبيبي وشلون ظغط عالي ؟؟؟؟ يااخي الظااهر اني احول ماسمعت ولاشفت زين ههههههههه ..اقولك السياره طلعت اللي فيها حرمه وبسمها ومو اي حرمه وبعدين انا طرحت موضوع جاد فيه ماني جالس اتريق فيه ..
>>>>> ياخذ الردود برووح معنويه مع انها ع البيباان (اللي هو انا)


إما مافهمتها ضغط كثر منها:S_32:
وسلامتك من الحول ومن كل شر يابعدي إلا إن مثل تلك الامور تحصل في ارقى العائلات وبعدين ماهناك تهاون بالموضوع ياعزيزي كل واحد له وجهة نظر وانت على الراس والعين
:010305123602:

ثانياً كثيره السيارات اللي بأسماء حريم وانت ماوضحت من اول وقلت إنك شفتها:030305122802:
الا اذا وإنك شاهد عيان يعنى رأيت بإم عينك فلا حول لك ولاقوه
والله لو تشتكي من اللحين الى بكره إنها بين العيون
مثل ذي تلاقيها حامله بطاقة (عدم تعرض) ههههههه
لكن خُذها بالحُسنى وشوف وش يسير!!!

[يوسف آل عايش]

المسكت حبيبي وانت تاج ع الراس حبيبي >>>بس اللتي هي احسن ماجات وانا اخوك ولا والله ودي انها اعطتني وجه بعد اللي سوته ذا كله غير ولا كن الله خلق كاين بشري قدامها ..... شاكر لك

[ذات الشان]

اخ يوسف
كنا نقول من اول لما تدور نقاشات حول قيادة المرأه للسياره ان المرأه لازم تسوق يثور الكل علينا ويتهمونا بكل شي مو زين
والفكره انه غيرنا بيسوق بيسوق رضينا والا انرضينا
والنتيجه هذي هي قدامنا وبشاهد اثبات حي

وفوق ذا اذيه وصدم للسياره وتحدي للقوانين والمرور ولا من شاف ولامن دري


يا اني شمتانه في اللي كانوا يعارضون ان المرأه تسوق
احسن
بناتهم يسوقون ويرتكبون المخالفات جهارا نهارا واحنا اذا ...اذا.. !! يا عالم متى !!

[يوسف آل عايش]

ذات الشان >>> بصراحه اشكر لك مداخلتك الاكثر من رايعه’’’

[نواااااره]

يوسف وانا اختك عرفت الشارع اللي تتكلم عنه وانت تدري ان اي سياره تمشي فذاك الشارع تحديدا ومضلله بالكامل الا وهي حرمه ومو اي حريم يروحون هناك يعني الحرمه هذي .............!!
و افهمها ماتقدر توصللها تسوي هي اللي تبي دايم المشكله هذي تصير فذاك الشارع حتى اخواني ماعادوا يروحون له اصبر اصبر ماعندك الا الصبر و صلح سيارتك

[يوسف آل عايش]

نوااااره اشكر لك اختي مرورك ’’’’شكل الحل الوحيد اني بروح اشتري شاص موديل 77 وكل ماشفت اي سياره حلوه ومضلله صدمتها ’’’’ والعذر ماعندي فرامل .... شاكر لك اختي ...