فضحني النذل الي مايخاف الله , فضحني ابن ال!!!!!!!!!

[بن ظافر]

موضوع أعجبني فحبيت نقله لما نشاهد في هذا الوقت من المشاكل والفتن والعياذبا الله




فضحني النذل الي مايخاف الله , فضحني ابن ال!!!!!!!!!

هذي اول كلمة تقولها البنت بعد الفضيحه (ما تعرف الله الا بعد الفضيحه)

الفضيحه الي ماكانت بدون سبب , انا طبعاً ما اشجع فضيحة البنت بل على العكس تماماً ولكن ما اسباب الفضائح ؟

كثير منها تحدث بعد تعارف خارج مؤسسة الزواج يعني تعارف بين ولد وبنت ويصير الي يصير

تتعرف البنت على الشاب وتبدأ تبحث عن الفضيحه بنفسها

تبدأ بالطلب , ابي بطاقة شحن جوال , ابي جهاز جوال جديد , ابي فلوس بروح السوق علشان البس لك احلى لبس ياحياتي , ابي اسدد فاتورة جوالي 2000 ريال والغريب هي تدق عليه دقه وحده وهو الي يتصل من وين جت الألفين ؟

يعني طلبات بدون نهايه

ينصدم الشاب بعدين انها تكذب عليه و البطاقات والفلوس كلها حق صديقاتها ومو بس كذا الا انها تقعد قدامهم تكشخ انها نصبت على (الخروف) الي هو صديقها و مو بس كذا أحياناً يكتشف انها بس مصادقته علشان فلوسه وقاعده تصرف على خويها المسكين الي ما يشتغل بس قاعد طول اليوم يحبها من جيبه ؟ ( قويه )

واذا واجهها تحول المكالمات على خويها الحنون علشان يهزيء راعي الفلوس ويقول له انت ايش تبي منها والكلام المعروف !!

يقوم ببساطه يفضحها !!

السؤال الي يطرح نفسه مو هي السبب بالفضيحه ؟
مو هي الي جابت الفضيحه حق نفسها ؟

للمره الثانيه انا شخصياً ضد الفضائح بس اقول مو البنت لها دور كبير في فضح نفسها ؟

وليش البنت ما تعرف الله الا بعد الفضيحه ؟ وينها قبل كذا

[(( صقر صدريد ))]

بسم الله الرحمن الرحيم

السلام عليكم ورحمة الله وبركاته

بن ظافر ...

الله يعطيك العافيه ويوفقك ويتقبل منا ومنك صالح الأعمال وأن يعتق رقابنا ورقاب والدينا من النار ..

موضوعك ... الفضيحه ... وبالذات في العلاقات الخارجه عن أطار الزوجيه ..

أقول ... الله لا يفضحنا دنيا وأخره ويسترنا ..

بالنسبه لفضيحة البنت من خويها ..

على البنت المسؤليه الأكبر في المصيبه اللي راح تصير بسبب تصرفها وانقيادها ورا قلبها وربما لعبها فقط ..

قد يكون هناذ أسباب لما تفعله .. مثل الفراغ العاطفي .. والحجر في البيت .. وعدم معرفتها بأشياء كثيره ..

لكن هذا ليس عذر .. بل عليها الحذر ..

لأن الغالبيه من الشباب وليس كلهم قد يلجأ لفضيحة البنت أذا لم يأخذ طلبه وغرضه منها ..

وأنا لا أؤيد أسلوب الفضيحه من أجل الأنتقام من البنت ...

لأن الله قد يردها له عاجلا أم آجلا ..

بالتالي الحذر من هذا الأسلوب حتى ولو كانت البنت مخطيه ولعابه ومستغله له ..

والبنت عليها أن تنتبه لنفسها في هذا الأمور ...

وأن تحافظ على أعز ما تملك ..

فقد يتطور الأمر وتخسر شرفها وتخسر أشياء كثيره وتنزل رأس أبوها وأهلها وسمعتها التراب ..

والسبب أنها تلعب على ذا الخروف المسكين ..

وفي النهايه ..

الشاب يخسر فلوس وقد تتعوض ..

لكن البنت تخسر أشياء لن تتعوض ولن تنجبر ..


في الختام ...

من يستر أخيه المسلم في الدنيا .. يستره الله يوم القيامه ..


بن ظافر ...

لك مني كل التقدير والأحترام ...


صقر صدريد ..

[بن ظافر]

صقر صدريد : يشرفني مرورك الغالي الله يعطيك العافيه ويكفيني مداخلتك الرائعه بارك

الله فيك وفي قلمك الغالي
{{قد يكون هناذ أسباب لما تفعله .. مثل الفراغ العاطفي .. والحجر في البيت .. وعدم معرفتها بأشياء كثير}}

هذا مربط الفرس بارك الله فيك

[البــــــــــرواز]

الله لاتبلانا لكن انا اشوف ان الي تنفضح خلاص يستاهلون اهلها

واولهم ابوها ليش ماينتبه لبنته

ويعطيك العافيه عزيزي على الموضوع والله يسترنا بستره ان شاء الله

[بن ظافر]

شرفني مرورك الغالي الله يعطيك العافيه

[كادي*]

الاحظ في الموضوع الاساسي والردود ان التركيز على ليه تنفضح البنت والاسباب الي ادت الى ان الشاب يفضحها

وكأني استشفيت من الكلام لا تكونين طماعة وتطلبين كثير وبعدين تقهرينه وتروحين لواحد ثاني عشان ما تنفضحين


يا جماعة هذا كلام ؟؟

وينكم عن الاساس ؟


طيب دام انتو تتكلمون عن النهاية وتركتو البداية باتكلم معاكم انا بعد فيها

واذا البنت سوت الي سوته وقهرت الشاب يكون دوا قلبه وقهره انه يفضحها ؟؟

يعني كذا بيرتاح؟

الفضيحة امرها عظيم
ومهما كان كلٍ له محارم وتاليته بيشوف الي سواه في بنت الناس بمحارمه ويمكن بعد سنين ببنته




الله لاتبلانا لكن انا اشوف ان الي تنفضح خلاص يستاهلون اهلها

واولهم ابوها ليش ماينتبه لبنته

البرواز صدقني بيجي يوم تغير فيه رايك

مافيه احد يقدر يمنع البنت تسوي اي شي في بالها الا هي وخوفها من الله

لو تقفل عليها الباب وتحط مية حارس لو بغت الغلط بتوصل له


تربيتها وخوفها من الله هو المسيطر عليها وبس

ولو جينا للصحيح في هذي الايام مافيه شي مضمون الا ستر الله



مشكور اخوي عالموضوع

[الخياااااله]

مشكور اخوي على الموضوع الهادف
القضيه يا اخي ان ما اساسه باطل فهو باطل ........الموضوع من اوله غلط على البنت وعلى الولد
لها غرض بسيط وقد يكون تافه ......و له هو غرض اكبر وافضع فاذا لم ينل غرضه الذي دفع فيه المبالغ الطائله _واللي بتكون نفعته في دراسته وفي حياته_لجأ الاخ الى اقصر الطرق الانتقاميه وهي الفضيحه فتستااااااااااااااهل هي الفضيحه ويستاااهل الخساره
والله يسترنا دنيا واخره _وفوق الارض ويوم العرض وجميع بنات المسلمين

[capitano]

اللهم انى صائم
غريب مثل هل الموضوع يناقش اصلاً فى بنى عمرو

[بن ظافر]

كادي:: بارك الله فيكم على المرورالكريم والتعليق المفيد
مافيه احد يقدر يمنع البنت تسوي اي شي في بالها الا هي وخوفها من الله

لو تقفل عليها الباب وتحط مية حارس لو بغت الغلط بتوصل له

هذا عين الحقيقه : أقسم با الله العظيم أن فيه واحده خرجت من الحراصه المشدده عليها في
عملها والتشديد من المدير العام للعمل الذي تعمل به وأتصلت عليه قالت انافي المكان الفلاني لا تتحداني

[بن ظافر]

الخياااااله:: ألف شكر للمرور الكريم بارك الله فيكم

ان ما اساسه باطل فهو باطل

نعم ورب محمد

[بن ظافر]

capitano : هلا با الغالي وألف شكر على المرور

غريب مثل هل الموضوع يناقش اصلاً فى بنى عمرو

ماهو المانع في عدم مناقشة مثل هذي ألأمور بارك الله فيك