من بني عمرين لاجات الحميه لابتي ياسعد رجال نصاها

[ابن مطارد العمري]

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته ..... وبعد

يسرني في هذا المنتدى الشامخ أن أحكي لكم قصتي وموقفي وأنا طالب عسكري في دورة عقدة في ديراب للحرس الوطني
معى رجل عظيم من بني عمرو فبعد ان تخرجت اليوم من الدوره العسكريه والحمد لله سا أحكي لكم قصتي :

موقفي حصل مع عقيد من رؤوس بني عمرو .......

ماراح اطيل عليكم باسرد القصه, بداية الدوره كل يتعرف على الثاني عشان كل شخص يمشي مع اللي من قبيلته . يعني الدعوه عنصريه
وكل شخص يشد ظهره ببني عمه وعشان اكون صريح
انا دورت وما لقيت الا واحد غامدي وزهراني وشهري وكلهم مع احترامي الشديد لغامد وزهران
وكان هناك مواقف وتصرفات معى الشهري كذلك ماتشرفني ولا تليق بي ولا ينشد به الظهر ,
لذلك صرت امشي وحيد واشيل همومي بعنا وشقاء الدورهفي صدري وانشد قصائد توجد...
المهم في يوم من الايام دخل علي المدرب وانا جالس في مجلس الفصيل الحالي
وانا اهيجن قصيده توجد للشاعر
شلعان بن ظافر الدوسري :


كل ما فاظت عيوني باشة الاضلاع غنـى=الموارد فالضلوع وكل ضلع فيه ونـــه
وجد مني ما يحقق هقوه لقلب تمنـــــــــى=بس قلبي مايداني تبعد الهقوات عنـــــه
واوجودي وجد من جلي عن دياره مجنى=تو عمره عشر واربع والليالي ماتحنه

القصيده طويله بس الحاصل انه سالني : وشفيك محتاج شي تشكي من شي
اذا كان تبي شي انا اخوك الكبير ثم سالني انت من وين ؟
وبعد ماقلت له قال فيه عقيد عندنا قايد السريه الثامنه
من شيوخ بني عمرو(وانا في السريه الخامسه)
اسمه/ محمد بن حسن بن زهير آل وافي العمري
المهم اني ابي اروح للرجال وارتب كلامي
عشان يشوف لي حل ويفزع باللي يقدرعليه .
ونضمت قصيده ودخلت عليه واعطيته تحيه والقيتها عليه
ثم اخذ نفسه وقال (شد حزامك واطلب وش بغيت) قلت طال عمرك
انا والله لا عارف ولا معروف وبصراحه ما اقدر اقعد اليوم كله في مركز التدريب
انا مالي بني عم والدعوه هنا عنصريه والقوي ياكل الضعيف
قال :(تقدر تداوم من الصبح الين الظهر بعدها تطلع) قلت بيض الله وجهك
ثم نصحني وقال لي كلام يطول شرحه. وكملت القصيده
وزدت عليها 11 بيت وهذي القصيده بتكملتها


لا الــــــــــه الا الله الـــبريــــــــه=خالق الانسان والارض وسماهـــــا
يالله اني طالبك تفرج عليــــــــــه=وتعينني وتعيذ نفسي مادهاهــــــــــا
ضاق صدري واتوجد كل عشيــه=من علوم عند ربي مشتكاهــــــــــــا
حضي اللي حدني عالعسكريـــــه=وساقني لدروب تتعب من مشاهــــا
اسهر بليلي واعاني بالسريــــــه=وانذوى حالي من الهم وعناهــــــــا
وجيت شيخ من شيوخ العمرويه=ماسك ازمام المراجل والوجاهــــا
جيت لابن زهير ابي منه الوزيـه=واشكي الحاله عسى يلقى دواهـــا
من بني عمرين لاجات الحميــــه=لابتي ياسعد رجال نصـــــــــــاهــــا
قال شد حزامك احنا قلوب حيــــه=والله ان تبشر بعزك وان تراهـــــا
حمية مافيها نوز ولا فديــــــــــــه=همالة مانبغي حتى مشتراهـــــــــا
من شجر عمرين تدخل تحت فيـه=والشجر لو مايظلل قطع ماهـــــــا
لابه مافيها نقص ولارديــــــــــــه=ولعنبو من قال كلمه ماحماهـــــــا
وقعنا في يوم حرب ديار ليــــــــه=والطوافح يوم تشكي من غزاهــا
او جبلنا المطلي بيوم الغزيـــــــه=ماتسمى باسمه الا من دماهــــــا
قلت شيخ ولد شيخ ذو نار حيـــه=ليت مثلك باقي الناس وذراهــــــا
ودي ان لي كلمه وبوصي وصيه=كل مرضع باسمك تسمي نماهـــا
انت من كعب الهول مثل الرفيــه=في كل دار ترسل الغيث وعطاهـا
من بني مطارد بوصل لك تحيـــه=توصلك وانتا بدراك من غلاهــــا

وسلامتكم جميعا

[جاسر الغراني]

صح لسانك .. وونعم فيك وفي ربعك .. وعالبركة التخرّج ..

وبالنسبة للرجال اللي ذكرت أتوقع إنه ( آل وافي ) وليس ( آل ملفي ) .. وكفو والله بكم يا آل مطارد ياللي ما تهابون الملوك ..

يقول شاعر بني عمرو في سالف الزمان :

عمرين ربعي سارح الدبا .. لا قلل العمدان وانتشر .. وامسى بديره قضم عودها ..

[الدكتور عبدالله]

شيخ نصا شيخا وعمري انتخى بعمري تستاهل الفزعة ويستال ابن وافي التقدير والاحترام
ومن يستطيع ان يقدم خدمة لربعه من خلال منصبه ووظيفته ولايقدمها فهو غير كفوءلذلك المنصب والوظيفة
وليس المقصود أن يقدم ربعه على حساب غيرهم ممن هو أكفأ منهم ولكن المقصود انفع الناس ما استطعت وسهل أمورهم إذا عقدها غيرك

[بنت النماص 07]

كفوا عمري ولا بلاش:wink_5:

[ابن مطارد العمري]

عيب عليك الكلام اللي قلته في حق القبائل امتدح ربعك ولا تتشره من القبائل الاخرى !!؟؟
هذي والله المشكله تقول ان غامد وزهران وبني شهر مايسوون وربعك هم اللي يسوون ادخل جميع المنتديات هل ستجد مثل هذا الكلام والله عيب عليكم اللي يسير في منتداكم تشرهتوا من جميع القبائل بدون استثناء والغريب هو المشرفين الذين مفروض ان يكونوا قدوة صالحه ولكن الواقع مر والعياذ بالله !!

اللي اقصده الاشخاص انفسهم والدليل اني اول ما بدت الدوره ادور على اهل الجنوب عشان اخاويهم واتمنى ما تسيء الظن:030305123024:

[الذيــــــــــــب M]

كفوووووووووووووووووووو والله

بالحراااااااااااام انك كفو كفو كفو .. ونصيت رجال كفو

وابشــر بمحزم يجمـّــلك

واللي ردوا التــرك يردون غيرهم

حرااااااااام بالله انك تشرّف وكلامك يشرّف

ما أقول الا

دمت ذيبااااااااااااااااااااان 0

[عود الليل]

السلام عليكم ورحمة الله وبركاته
ونعم بك وبالرجال
وافى نصى وافى
ولا عليكم كلاام
وخل عنك بعض الكلام يعني لا تهتم من بعض الردود يالغالي

سلا111111111111م

[ابن مطارد العمري]

اخوي الذيب وافي وعلمك غانم وما عليك زود ياحمر العين
ومشكوووور اخوي عود الليل على المرور جزيل الشكر

[الجنرال A]

الف الف مبروك التخرج والنعم فيك وفي العقيد محمد وأي خدمة لك من الحرس يا الذيب ترانا في الخدمة ما عليك الا تضيف الايميل ودندن يا كفو .,’

[الاماكن]

شيخ نصا شيخا وعمري انتخى بعمري تستاهل الفزعة ويستال ابن وافي التقدير والاحترام
ومن يستطيع ان يقدم خدمة لربعه من خلال منصبه ووظيفته ولايقدمها فهو غير كفوءلذلك المنصب والوظيفة
وليس المقصود أن يقدم ربعه على حساب غيرهم ممن هو أكفأ منهم ولكن المقصود انفع الناس ما استطعت وسهل أمورهم إذا عقدها غيرك

[[[[[[[[[[[[:010305123602:

[ابن مطارد العمري]

اخوي الجنرال الف الف شكر على المرور ويقولون الكرم ابتداء وليس سؤال وانت كرم ولد كريم
لكن والله اني ازريت في اضافة ايميلك لان مشاركاتي قليل
واشكر الاماكن على المرور اللطيف الف شكر.......

[محمد آل النبخ]

كفو كفو كفو

ولا تمدح الا عظيم بفعله ولا للشخص الا ربعه مهما حصل

كفيت ووفيت يالشاعر وانت ونعم لمدحك لشخص يستاهل

وآتمنى منك الا تحرمنى ابداعك

ملاحظة : أنا من قام بتعديل بعض الكلمات الخاطئة وبعض الاشياء في النص

فا أعذرني على ذلك

لك تحيااااتي

[ابن مطارد العمري]

اتمنى من احد المشرفين ان يجري تعديل بسيط ولا يهون في البيت الثالث اخر كلمه
ضاق صدري واتوجد كل عشيه------من علوم عنـد ربـي مشتكاها
وايضا اسم العقيد محمد بن حسن بن زهير ال وافي

[ابن مطارد العمري]

مشكور الف شكر اخوي محمد على هذا الاهتمام والجهد وما قصرت
بيض الله وجهك

[ابن مطارد العمري]

مشكور اخوي محمد الف شكر

على هذا الاهتمام والجهد

بيض الله وجهك ...

[أبو نايف]

اتمنى من احد المشرفين ان يجري تعديل بسيط ولا يهون في البيت الثالث اخر كلمه
ضاق صدري واتوجد كل عشيه------من علوم عنـد ربـي مشتكاها
وايضا اسم العقيد محمد بن حسن بن زهير ال وافي

تم التعديل من قبلي حسب طلبك

لك التقدير وانت تستاهل والعقيد محمد شيخ ولد شيخ وجعله سالم وغانم

وصح لسانك على القصيدة

[الذيــــــــــــب M]

من بني عمرين لاجات الحميه---لابتي ياسعد رجال نصاها


::
:

اقسم بالله العظيــم يا هذا البيت انه يستاهل يكون في واجهة المنتدى

بدل اهلا بيكم احنا احنا بالحب نحييكم بيييييييييييييكم اهلا

ولا يهون الجميع

اشكر صاحب الموضوع مره اخرى

واعترف باعجابي البالغ بالموضوع الشامخ

ولك يا ابن مطارد كل التحيه

وان احتجت شي فرقابنا دونك

ارق سنوووووووووووووووووووووووووود 0

[ابن مطارد العمري]

صح بدنك يابونايف وماعليك زود والله لايهينك

[ابن مطارد العمري]

من بني عمرين لاجات الحميه---لابتي ياسعد رجال نصاها


::
:

اقسم بالله العظيــم يا هذا البيت انه يستاهل يكون في واجهة المنتدى

بدل اهلا بيكم احنا احنا بالحب نحييكم بيييييييييييييكم اهلا

ولا يهون الجميع

اشكر صاحب الموضوع مره اخرى


واعترف باعجابي البالغل بالموضوع الشامخ

ولك يا ابن مطارد كل التحيه

وان احتجت شي فرقابنا دونك

ارق سنوووووووووووووووووووووووووود 0

مشكوووياذيبان وجعلك ذخر ان شاء الله
واللي مثلك نفخربه

[dr_zakaria]

الله يطيك العافية يا بن مطارد وان شاء الله ان كلهم اخوانك وزملاؤك وتسود المحبة بينكم وانت والله ذكرتني بقصيدة مشعان ابن هذال من مشايخ عنزة من قديم الزمان وهي : يالله بتصريـف الهبايـب والادوار
شانك عسى تصريفك شانك لتاخير
لولا النشامى فيك يا نجد ما صـار
دايم نديرابـك الهواجـس وانديـر
اظعوننـا حطـن ملـك بسنجـار
وبنن على الخابور زين الدواويـر
مـرن شتاتـا واحتـن بالاسعـار
ووطن حضراء هي ولينة مصادير
والعصر فوق الشبك عج الرملا ثار
يا حلو هاك اليوم خـز المعاشيـر
ابا ذراع اضحى مقيم علـى الـدار
قطع لطرش المحمرة والمسافيـر
جانا الخبر من مانع الطير الافقـار
يقول وخد سوداركم يـا مناعيـر
يا طول مـا حنـا لا بانـت زوار
بظعاين تسبـق ركـاب المقابيـر
نهوم هومـات تعيبـات واعسـار
وبالاف عجلات تباوي المظاهيـر
كم فاجن العدوان غـرات وجهـار
وكم ذيرن من واحد ما بعـد ذيـر

[ابوباسل الجمعي]

اولادالشيوخ ماتجي الا بشيوخ
لكن انت جدك عبدالهادي ابن مطارد
فان كان جدك فول ونعم والف نعم

[ابن مطارد العمري]

مشكور اخوي يالدكتور على المرور والمشاركه المثمره

وياذيب ال جمعه ماعليكم زود يالخمسة بدود .........


وتذكرت بيت لأحد الشعار يقول (به محازم للرجال وللحريم.........محزمين من ذهب وللا رصاص)


وعزالله دام انتو محزمي فانا ماتحزمت اللا بالرصاص...

[زاهر آل عابس]

أخوي إبن مطارد

اولاً الف مبرووك ع التخرج والعسكريه مصنع رجال

أما بالنسبه الشهاريه فهم اخوننا واولاد عمنا وفيهم رجال ونعم وكذالك بني زهران وغامد

ويوجد بعض الشواذ وهم لا يعبرون إلا عن انفسهم فقط ..

اما بالنسبه للعقيد محمد بن حسن ال وافي فهو شيخ إبن شيخ قبائل كعب الهول .. وهذا هو المطلوب منه

خدمة ربعه وجماعته .. والله يقوي الجميع ..

[ابن مطارد العمري]

أخوي إبن مطارد

اولاً الف مبرووك ع التخرج والعسكريه مصنع رجال

أما بالنسبه الشهاريه فهم اخوننا واولاد عمنا وفيهم رجال ونعم وكذالك بني زهران وغامد

ويوجد بعض الشواذ وهم لا يعبرون إلا عن انفسهم فقط ..

اما بالنسبه للعقيد محمد بن حسن ال وافي فهو شيخ إبن شيخ قبائل كعب الهول .. وهذا هو المطلوب منه

خدمة ربعه وجماعته .. والله يقوي الجميع ..




اخوي زاهر اولا اشكرك على هذا المرور
ثانيا كلامك عين العقل حيث اني انا اتكلم عن شخص ...والشخص الواحد لايمثل قبيله يفوق عددها 000 70 رجل
وهذا مانوهت عليه في بداية موضوعي
وشكرا مره اخرى

[ابو شروق]

يا ولد بن مطارد ،
انت شيخ ولد شيخ واللي نصيته شيخ فبارك الله فيك وفيه ال مطارد وال وافي من اوقى العوائل العمرية اخوان وجيران ويشد بهم الظهر اذا جات الوزايا ،
انا اما هذه القصة اعجبتني حقيقة والا لي اكثر من السنة ما والله دخلت هذا المنتدى الا قبل اسبوع تقريباً ،
وما نويت اكتب ولكن تعجبني الحمية والفزعة،
فبارك الله فيه ويستاهل القصيدة والمدح ومن لديه النفعه وينفع ربعه واللي يستطيع عمل الجمايل ولا يطيع ما فيه خير لنفعة نفسه،
تقبل تحياتي ،،،

[ابن مطارد العمري]

الله يحييك يابو شروق وماعليك زود
والف شكر على مرورك ........

[مرمر زماني]

كفو والله

وبني عمرو معروفين


لكن احبيت اوضح ان الابيات الثلاثة اللي في بداية موضوعك ماهي لشلعان بن ظافر الودعاني الدوسري من اهل السليل

القصيدة لخالد بن مدعث الخرفاني الدوسري من اهل الخرفة تبعد عن الافلاج مسافة 50 كم ..

والقصيدة مشهورة والدليل انه راد عليها ناصر بن فارس الفراعنة السبيعي ..

والقصيدة هاذي منزلها خالد بن مدعث في شريط القنص وحاليا يباع في الاسواق

والشاعر خالد بن مدعث شاعر صغير في السن .. والكلام هذا منقول من مصدر ثقة

مشكور اخوي والقصيدة روعة وانت كفو وابن زهير كفو

مع التحية

[ابو صيدان]

بارك الله فيك وفي موضوعك وقصائدك وفي العقيد محمد وهذا واجبة وواجب كل شخص ان ينفع ربعة بدون ضرر للغير

ومن لم يشكر الناس لا يشكر بارك الله فيك

[ابن مطارد العمري]

كفو والله

وبني عمرو معروفين


لكن احبيت اوضح ان الابيات الثلاثة اللي في بداية موضوعك ماهي لشلعان بن ظافر الودعاني الدوسري من اهل السليل

القصيدة لخالد بن مدعث الخرفاني الدوسري من اهل الخرفة تبعد عن الافلاج مسافة 50 كم ..

والقصيدة مشهورة والدليل انه راد عليها ناصر بن فارس الفراعنة السبيعي ..

والقصيدة هاذي منزلها خالد بن مدعث في شريط القنص وحاليا يباع في الاسواق

والشاعر خالد بن مدعث شاعر صغير في السن .. والكلام هذا منقول من مصدر ثقة

مشكور اخوي والقصيدة روعة وانت كفو وابن زهير كفو

مع التحية


كلامك صحيح من ناحية مصدر القصيدة وهذا خطا مني لاني احفظ الكثير لهذين الشاعرين .....واما من ناحية اصل الشاعر غير صحيح وموقع الخرفه غير صحيح حيث ان الخرفه تقع داخل الافلاج وتبعد عن ليلى( حوالي) سبعة كيلو مترات والخرفة لايسكنها الا الغييثات من قبيلة الدواسر (ولقد خطبت منهم بقصيدة ورحبوا فيني وان شاء الله زواجي عما قريب..وساذكر القصيدة في هذا الموضوع)
وللمعلومية .اخوالي من شيوخ قبيلة الدواسر وكان جدي اميرا على الافلاج
واشكرك على مرورك العطر واشكرك على تنبيهي للخطأ (وذكر فان الذكرى تنفع المؤمنين)........وشكرا:040104_emI3_prv:

[ابن مطارد العمري]

مشكوووور اخوي ابو صيدان على هذا المرور العطر

[صقر الباديه]

ابن مطاارد صح لساانك حررام بالله انك كفو قسم بالله ان الموقف هذا اللي مريت انت فيه اني قد مريت فيه ولا لقيت عمري ونخيته ودورت في فصيلي عمري مالقيت وتعبت من العسكريه ونا خوك ولكن الحمد لله اني تخرج وبشرك زيد ان في قطااعي واحد عمري من كعب وكفو اما ولد بن زهير فهو والله ينومس ويستااهل الذكر وهو من ضبااط بني عمرو مما يستااهل الذكر اما انت فودي انك معي تونسناا بالاشعااار علماا بانني اكتب شعر شرهه ومن متذوقين الشعر
حنا بني عمرو الهول حنا- حنا القدر يامن نوا فينا
المليك ذا دعانا سرنا- نرخص دون الوطن غالي ولدنا
ان قام عدو الدين قمنا- شباب تخوض المعركه وشبنا
نرجو رب الكون حامي وطنا -يسدد الرميات لامنا ضربنا
ربي يامعين ربي اعنا - ياهازم الاحزاب ثبت قدمنا
حنا هل القالات حنا -من ماضي الازمان الفوز النا
هذا خاطره قلتها في الكليه رد على واحد دوسري يمدح ربعه ويستخف بالجنوب بعد مجادله كلاميه

[ظافر بن مشهور]

صح لسانك يا ابن مطارد وعلي الحرام انك كفو وتبيض الوجه

وكل قبيله في حقها من الرياجيل ومن ..

وانت ونعم يا بن مطارد من صبيان عمرين وونعم في اخوالك الدواسر وودي تعطينا القصيده اللي تقول لإ ني متحمس لقرايتها

[ابن مطارد العمري]

مشكور اخوي صقر الباديه .. على هذا المرور واتمنى ان يكون بينا تواصل ولقاء

ابو صالح .. الله يعطيك العافيه على الرد واوعدك باذن الله القصيده رح اكتبها هاليومين لانها طويله شوي وانا مشغول بعض الشيء


لاهنتوا وبيض وجيهكم ,,

[faisal911]

بسم الله الرحمن الرحيم

السلام عليكم ورحمة الله وبركاته
ألف مبروك .. ألف مبروك .. ألف مبروك .. التخرج

وصح لسانك على ما قلت

والنعم والله بك وبمن نصيت وعز الله إنك مانصيت إلا رجال كفؤ

موفق إنشاء الله

[ابن مطارد العمري]

اخوي فيصل الله يبارك فيك

وماعليك زود

ومشكور على المشاركه العطره

[ابن مطارد العمري]

معليش اخواني على هذا التأخير والقصيدة هذي مناسبتها
اني مقدم على الزواج وخطبت وبقيت انتظر الرد وحصل مناسبه وحضرتها ثم عدت
الى الرياض وكتبت هذه القصيدة وانا مستلم (اعمل في دوريات الحرس )وبحكم انه لم يحصل شي وقتها وان القصيدة سوف تنتشر اخفيت معانيها ووضعت لها رموز يفهمها المقصود بالقصيدة


ياما حلا فالخلا فنجال بــريـــــــــــه------في دار قيس وليلا او ضواحيــــهــــا
دار الكرم والشجاعه والفروسيــــه------دار الدواسر كعام اللي يعاديــــــهـــــا
يامكرمين الضيوف وكل طرقيــــــه------يامزبن اللي تجنى ثم زهم فيـهـــــــــا
انتم حماة النخل لاثارت الهيـــــــــة------وانتم قبسها واشاوسها وهقاويـهــــا
ولفيصل اشهد بوقفاته والحميـــــه------طاف المراجل وسابقها امتعديــــهــــا
يابن جزاء كم تعشق فعولك بنــــيه------وطيب العلوم اللي همك دوم توليهــــا
لكن يافيصل ابي تهتم لي شويـــــه------بصدري هموم ياليتك لي تداويــهـــــا
فالخرفه مفرج روحي برجليــــــــه------الاحي الورق واغني غناويـــــهـــــــا
ادرج وانا في حماكم يالغييثيــــــــه------واذكر لي وعود انا متعلق فيــــهـــــا
يافيصل افزع ترى حالي شقاويــــه------والنار ماتحرق الا رجل واطيــــهـــــا
للحج ناوي وقدني عاقد النيـــــــــه------ابي اوفي العباده مانقص فيــــــهـــــا
حاسب حساب المصارف ميه بميــه------والعمر عدى وهذا العام ناويـــهــــــا
نظمت قافي وانا في ظهر دوريــــه------يافيصل ابغى تمعن في معانيـهــــــــا
قصيدة كنها بلاد الســـعوديـــــــــه------متراميه والكنوز بجوف اراضيهــــــا
تعجب من يشوفها ارض طبيعيــــه------قبل ان تبين الكنوز وينبهر فيـــهـــــا
وانا من رجال والعزوات عمريــــه------لاشب نار ترى حنا نــطــفيـــــهــــــــا
لادق طبل الحرابه نارنا حــــيــــــه------نفزع لمن يزهم ومحزم نداويهـــــــــا
والعذر دام القصيدة جات عفويــــه------وانتم رجال كرمها من مواريــهـــــــا
ومنقبل لاختم صلاتي كل فجريــــه------على رسول رسالاته مأديـــــــهــــــــا

واتمنى اني ما اكون نسيت شي لاني كتبت القصيدة من اللي احفظ
ومن ناحية الرد ايضا تاخر وكتبت قصيدة اخرى وكتب لي الرد
وبكتبها ان شاء الله ايومين الجايه وابيكم تعذروني لاني تعبت:030104_emTE20_prv:

[ظافر بن مشهور]

صح لسانك يا بن مطارد وبيض الله وجهك

واسأل الله يرزقك الزوجه الصالحه والذريه الصالحه

اقعد في العافيه...

[ابن مطارد العمري]

صح بدنك يابو صالح
والله يبيض وجهك ويسمع منك

[عمري وعلى عينك]

والله إنك تستاهل الخدمة ،وابو حسن من بيتها 0
وشجرة ما تضلل 00000

[ابن مطارد العمري]

اشكرك على مرورك العطر ..

[يوسف آل عايش]

الرجال تعرف في المواقف ..واوقات الضيقه
ونعم بمثل هذا الظابط الذي اخذته الحميه على ابن قبيلته
اخي ابن مطارد العمري مبروك تخرجك ومبروج زواجك
وحظ النشاما والنواميس دايم عالي ..

[عقاب التميمي]

والله ونعم و السبعة انعام فيك وفي الفزوع راعي الحمية الشهم الاصيل محمد بن زهير العمري

وانا اشهد يا العمريه انكم قروم و ذيابه واحرار متسلسل من حرار


يسعدني تواجدي معكم يا كرام اللحى
تحية وسلام مني لكم
بأسم هامة مضر روس عدنان وكاهل العرب تميم منزحين الخصيم اشد الامة على الدجال والعيال و المعتدي والغادي.
تحية للجميع
عقاب التميمي

[يوسف آل عايش]

ونعم فيك ياعقاب التميمي وفي ربعك
هامة مضر روس عدنان وكاهل العرب تميم منزحين الخصيم اشد الامة على الدجال والعيال و المعتدي والغادي.
وتواجدك معنا ليس بتواجد احد غريب ..بل تواجد شخص من صلب النواميس في قبيلته الثانيه وبين اهله وناسه ..

حياك الله اخي