وش الفايده من الصلاه ؟؟؟

[(( صقر صدريد ))]

بسم الله الرحمن الرحيم

كيف حالكم ... طيبين ...

المهم بادخل في الموضوع وابي شوركم ورأيكم فيه ...


هذا موقف حصل لي انا شخصيا اليوم وانا رايح اصلي صلاة الظهر ... وكأن من ظربني على وجهي ... وحسيت اني جاهل بالفعل ...


المهم ...


مريت من عند محل وكان فيه عمال اجانب ... نادى علي واحد منهم .... وقال تعال ... رحت له وانا اقول اللهم اكفنيه بما شئت ...

طبعا دار بيني وبينه حوار ... وهذا نصه ... وباتكلم بالعربي واوضح كلامه ....

قال : وين بتروح ؟؟

قلت : المسجد .

قال : ليش ؟؟

قلت : عشان الصلاه ...

قال : وش فايده ؟؟

قالت : هه .

قال : وش الفايده من الصلاه ؟؟؟؟

انتوا دايم وقت الصلاه خلي شغل كثير وروح مسجد عشان يصلي ...

بعدين انا موت وخلاص يرتاح ... وش الفايده من الصلاه ؟؟؟ كرر السؤال ..

وانا ما فيه مسلم ... انا كافر ...

استجمعت قواي .. وقلت الله يدلني للصواب ...

وقبل اجاوبه على تساؤلاته ... سألته ؟؟؟

انت ليش تشتغل في هذا المحل ؟؟؟

قال : عشان فلوس ... راتب ..

قلت : لو الكفيل ما يعطيك الراتب ... وش تسوي ...؟؟؟

قال : ما يشتغل كويس ... ولا يشتغل مره ...


قلت : هذي الصلاه والاسلام ..انت صلي ... يدخل الجنه بعد الموت ويرتاح ... ما فيه صلاه ... يدخل النار ..

فغر طبعا ... وقال : وش النار ؟؟؟؟

شفت ولاعه في يده ... اخذتها ... وحاولت احرق يده ... ابعدها بسرعه .. وقال : انت مجنون ... وش سوي ؟؟

قلت : هذا اذا ما فيه صلاه ...... بعد الموت يوم القيامه ... نفر كافر يدخل هذي النار على طول ,,, ربي يعذبه ...


طبعا لمن عرف بكى قدامي ... وقال انا يبغى يسلم بس خوف من من ماما وبابا ...

بعدين طلع لي قرآن باللغه الانجليزيه ... وقال انا يقرأ هذا بس معلوم شوي وكثير ما فيه معلوم ...

قلت : خلاص ابشر ... باجيب لك الكتب اللي تفيدك ... وبه فرحة خلف ..الله يهديه للاسلام ..

حاولت اخليه يتوضأ .. عشان القرآن ذا معه .. وعلى الاقل ينطق بالشهادتين .. لكن قال : جيب كتب اول ... حاولت وحاولت ... لكن قال : لا ....


مريت بعد العصر لكن ما حصلته في المحل ...




اللي ابيه منكم يا أخواني وأحبابي ...

وش اسوي ؟؟؟ وهل اسلوبي وتعاملي معه كان صح والا غلط ؟؟؟


هل اتكفل بامره ؟؟ واجيب الكتب ...؟؟؟ واكسب اجره ..

لان فيه حديث فيما معناه ...." انه اذا هدى الله على يدك شخص ما ... فهذا خير لك من 100 من حمر النعم " اللي هي الابل ..


هل اوصله مكتب التوعيه والارشاد وهم يتكفلون بامره ..؟؟


هل ابلغ بعض الاخوه اهل العلم ... ويعلمونه امور دينه ؟؟؟



يا ليت اشوف ردودكم ... لاني ما نمت بعد الظهر ... مشغول به ...


وسلامتكم ...


أخوكم / صقر صدريد ...
ddfrad")

[المسكت]

شوف إذا عندك كتب اعطيه وإذا قريب منك مكتب توعية الجاليات يكون احسن وبإذن الله لك في ذلك اجر كبير
مكتب توعية الجاليات لديهم كتب ومترجمين بمعنى راح تكون الطرقه اسهل ووصوله الى الفهم اسرع

وجزاك الله الف خير
وإذا ماعندك مكتب توعيه الجاليات او المنطقه اللي انت فيها مافيها مكتب فطريقتك حلوه وإسلوبك رائع والله يوفقك

لك احترامي

اخووك

[بن ظافر]

الله يعطيك العافيه ويجمل حالك نعم الرد وألأسلوب وما كتبه الغالي المسكت هو عين الصواب ووفقك الله الى مافيه خير وصلاح


شوف إذا عندك كتب اعطيه وإذا قريب منك مكتب توعية الجاليات يكون احسن وبإذن الله لك في ذلك اجر كبير
مكتب توعية الجاليات لديهم كتب ومترجمين بمعنى راح تكون الطرقه اسهل ووصوله الى الفهم اسرع

[(( صقر صدريد ))]

المسكت ... بن ظافر ...

الله يعطيكم العافيه عالاراء السديده ..

[سيد الموقف]

أخي صقر صدريد

اولا الله يبيض وجهك ويجزاك خير

والتصرف الصيحيح هو ان توصله

لاقرب مركز لتوعية الجاليات

وهم يتكفلون بأمره



كل الشكر

[روووعه]

اخوووووووووووووي صقر الله يكثر من امثااااالك وانت لو بليغ بكلامك راح يسمع لك لو حسيت انك ماتقدر توصل معه لنتيجه زي ماتفضلووو الاخوان سويه 0000 ولك الاجر اخي العزيز تحياااااتي لك روووعه

[(( صقر صدريد ))]

سيد الموقف .... روووعه ...


يعطيكم العافيه ... والله يكتب لنا ولكم الاجر..

الله يهدي من ظل ...