يامره وش هو غدانا لايكن كسرة شعير=والحسيله روحيها في مراويح البقر

[راضي]

يامره وش هو غدانا لايكن خبزة شعير=والحسيله روحيها في مراويح البقر
اعرف البدوان شدوا واستقروا في عسير=والحضاره غيرتهم غيرت حتى الصور
صفوا البدوان حولك يحسبوا موجك غدير=صفقوا لك فالبدايه والنهايه لامفر
ياسحابه لاتطيري ماطرك ماهوغزير=والبروق اللي تلامع ماهطل منها مطر
المطور والشياكه يكذبواماهي حرير=حطي المكوى عليها وامعني فيها النظر
ارجعي (للمود)لول هات من كفك فطير=والعليا والثمامه سلميها للنور
الطبيعي مامثيله والمدبلج مايصير=وامسحي روجك دخيلك واسممحي لي ياقمر
ساكب((القاز))انتهيناوانتهى عصر الحصير=دلة البن اشربيهالومرارتها خطر

[ساهر الليل]

حلووووه


أخ / راضي

يعطيك الف عافية ،،

وتقبل تحياتي واعجابي.

[راضي]

لك مني التقدير ياساهر الليل=ان كان ماتدري ترانى عرفتك
توقيعك اجمل من سيوف الاقاويل=من حرفك ادري بك وزرتك وشفتك

[ساهر الليل]

الله يجبر بخاطرك يا راضي

صدق ما عمر احد كتب فيه شعر في حياتي .

هذي راح ابروزها وأعلقها ،،

اشكرك

[المهاجر]

ابيات جميله

وتسلم على هذاالابداع الرائع

[المسكت]

تحياتي راضي
ويستاهل ساهر خله يعلقها
في المجلس اذا بروزها
يعطيك العافيه والمعنى في بطن الشاعر

اخوك المسكت

[راضي]

حتى النبي مارق لدموع هاجر=لبًُى الرساله والرساله معانيه
اهلا هلابك يالصيق المهاجر=توقيغك اللي غاب عنًُي معانيه
ترى كثير الظلم شق الحناجر=يدري بقدر الظلم ناس تعانيه
كم بين جده والهداواهل ساجر=اهل النكاده كم رموني بعانيه

[رعد الجنوب]

راضي تمنيتك مع الناس هاجد
,,,,,,,,,,,,,,,, حتى الشعر ياكيف تفسد معانيه
الشعر ما يكتبه مثلك مهاجر
,,,,,,,,,,,,,,,,,,, وتوقيعك اصلً مافهمنا معانيه
وترى كثير الحكي شق الحناجر
,,,,,,,,,,,,,,,,, ويعرف كلامي كل شخص تعانيه
كم قلت لك ياشيخ بطل وهاجر
,,,,,,,,,,,,,,,,, واثر النكد يمشي معك في معانيه.

[شايب الجنوب]

راضي الله يعطيك العافيه...